1 Korin 6:15 - Hano Niu Testamen

¹⁵ Mwasigi haḡea gim iloe be rebehimiu haḡea udun rebehin Kraes sibona. Kunia inau nasav lai te dum rebehin Kraes be men bulu mai rebehin vavinen rovrovoi homu. Sigai, si hav dumwi tehe!

1 Korin 6:15 ပူးပေါင်းရင်းမြစ်များ

Leo Tavuha gabe Luk nu Ravae 20:16

Haḡe kea be, vi mai vi wehi bamatera duluai i vi hagai talu lalai gitaḡoro dodolua.” Batena sinombu ram ron̄ avoana uhu ram bevea be, “Sigai sihav ḡunia tehe.”

Ravrava non Pol lalai ata Rom 12:5

Kunia mulei, gida ivusi, ta alun Kraes, gida n̄oto rebehi gaituvwa n̄ano. Gida duluai tam bul gaituvwa aluda siboda, i kunia be udun rebehi gaituvwa ram bul gaituvwa.

Ravrava non Pol lalai ata Rom 3:31

I ke gida tam lol bwarebware silo be tam huri halan binihimwasigi garagusi? Sigai! Binihi mwasigi mwa lol gida tav lol ginau be Silo mwa doronia.

Ravrava non Pol lalai ata Rom 3:6

Sigai! Kebe God sihav vevegi te dum gida, kea sihav vevegi te dum ureure.

Ravrava non Pol lalai ata Rom 6:15

I havanau haḡea be tav lolia? Nu tavuha be tav vuroga huribe tam do halaten hogoi non God i vorate aten silo? Sigai!

Ravrava non Pol lalai ata Rom 6:2

Sigai! Tam mate alun vuron rahuda ata amua, i kun hanigi haḡea tav lol rahu be vi togo lol vuro vataha mahavana?

Ravrava non Pol lalai ata Rom 7:13

I kea mwa haḡo ginau be nu tavuha n̄ano, i mwa wehi bamateau be men seserai luae alen̄a vwat be nu hantai. Huribe alen̄an vuro mwa haḡo avoanan silo, mwa hantai maragai.

Ravrava non Pol lalai ata Rom 7:7

Giḡo bere gom binihia be nam bevea be vuro mai silo avoan gaituvwa. Kea vorate mwasigi, take silo kea hala n̄ano be nav iloe be hano haḡea vuro. Nasav iloe tehe havanau haḡea binihiva be nav doron be namen lai ginau non atat dolua kebe silo vorate mwa bevea, “Gosav doron te ginau non atat dolua be gomen laia.”

1 Korin 11:3

Ta nam doronia be giv ilo ginau geki: Tomuai huri atamwani duluai kea Kraes, i tomuai huri vavine duluai kea ahoana, i tomuai huri Kraes kea God.

1 Korin 12:27

Kimiu duluai n̄ano kimiu rebehin Kraes, i gaitutuvwai alolomiu gim bulu n̄an lol rebehi gea.

1 Korin 6:13

Atatu vwate vi vevea be “Ginaganiana kea huri tabwan̄i, i tabwan̄i huri ginaganiana.” Uwe, take God vi lol kaburai saraḡora. Rebehi mwa hav vora te huri vuron bwatigoro take huri Ratahigi, i Ratahigi kea mwa ḡita ḡoro rebehi.

1 Korin 6:17

Take atatu be mwa bulu gi rebehi gaituvwa mai Ratahigi kea vuin rebehi gaituvwa mai Ratahigi.

1 Korin 6:19

Mwa du maragai be gov iloe be rebehimwa kea imwa tataro non Vui Sabuga gahena mwa dogo alolomwa. Gon lai Vui Sabuga huba nin God. Haḡe kunia giḡo gom hav mom bora te bilamwa sibomwa,

1 Korin 6:3

Gom iloe be vai non̄oiha gida tai vevegi ira enjel. Haḡe mwasigi be gida tai vevegi dum ginau vurovuroi ata lol ureure geki.

Kelesia 2:17

Lol taro be kamai ira Jius gam siro hala be gav lol tavuha lalai God, gam habwea be kamai atat vuroga mulei. Geki gin binihiva be Kraes mwa lol kamai gam buroga? Sigai!

Kelesia 3:21

Mandovai gin binihiva be silo mwa hav dara tehe la tatauleo non God? Sigai hohoigi! Kea vi vora mwasigi n̄ano be silo vi lol gida tav vavtutu. Take God nu hav lai te silo be vi lai dum rahuana.

Kelesia 6:14

Nam ilo be nasav sagesagerega tehe huri ginau kunia. Volovolo non Jisas kea n̄ano be mwa lolia nam av sagesagerega. Sivi volovolo non Jisas Kraes, noḡu Ureure mwa boha bolvoloana, i nam mate lalai Ureure.

Ifisas 4:12

Kraes nu lai hogoi kera gea be men lol vatuvwai ira sinombu sabuga non God huri rovogan lalaḡova, be men lol vamuramurai rebehin Kraes.

Ifisas 5:23

bwatuna be ahoai kea muai ḡoro tasalai, kun gabe Kraes kea muai ḡoro uloilua. I kea haḡea varahun rebehi, gabe uloilua.

Ifisas 5:30

Bwatuna be gida ududun rebehina.

Kolosi 2:19

Ram hav tu te wasi la Kraes, gabe bwatbwatuna. Kraes kea bwatun rebehi. Kraes kea mwa bwalao rebehi n̄oto. Mwa ban̄an rebehi i mwa haḡo bulbulua ute gaituvwa mai ira hui i ira wesi. Rebehi gea mwa mauri la halana be God mwa doronia be vi mauri.