1 Korin 6:13 - Hano Niu Testamen

¹³ Atatu vwate vi vevea be “Ginaganiana kea huri tabwan̄i, i tabwan̄i huri ginaganiana.” Uwe, take God vi lol kaburai saraḡora. Rebehi mwa hav vora te huri vuron bwatigoro take huri Ratahigi, i Ratahigi kea mwa ḡita ḡoro rebehi.

1 Korin 6:13 ပူးပေါင်းရင်းမြစ်များ

Matiu 15:17

Kimiu gim hav iloe tehe be ginau be atatu mwa ḡania la bwan̄ona mwa hivo alolon tabwan̄ina, mwa mwalue kaburai.

Matiu 15:20

Ginau kera geki ram lol atatu ram bibili. Take hano ram bevea gov bwagabwaga vuvuri gom siv gan ginau, mwa hav lol te atatu be men bibili.”

Leo Tavuha gabe Mak nu Ravae 7:19

bwatuna be mwa hav haroro te lol irubwina take mwa haroro lol tabwan̄i vuvuri mwa bwihavare nin rebehi.” (Nin avoana geki Jisas mwa bev luae be, ginaganiana duluai ran tavuha huri be vi ganiana.)

Leo Tavuha gabe Jon nu Ravae 6:27

Gisav lalaḡo tehe huri ginaganiana be vi hantai dumwi ta giv lalaḡo huri ginaganiana gabe vi togo huri rahuana vai tuai. Geki haḡea ginaganiana gabe inau Nitun Atatu nav laia lalai kimiu, bwatuna God Tata nu tau dovon̄an non roron̄o aluku huba.”

Leo Tavuha gabe Jon nu Ravae 6:49

Ira sibimiu ran gan mana lol vanua vuroi ta ran mate.

Ravrava non Pol lalai ata Rom 12:1

Bwatuna higea, ira tua nu tau bwatuna be God nu lol seserai non hahagavi lalai gida, nam bevea lalainigo be gov lai rahumwa kun gabe hogoi rahu lalainia. Nom hogoi vi vora lalai God n̄ano i vi lol samsamwarainia, kea gabe hala sabuga lalainigo huri gogonaiana.

Ravrava non Pol lalai ata Rom 14:17

Lol ute ratahigi non God, ginaganiana i wai mwinu varate ginau gaivua. Ginau n̄ano be nu marahi, kea be gom lol vavtutu lalai God, tamwata, i samwarana lol Vui Sabuga.

Ravrava non Pol lalai ata Rom 6:12

Gosav lin̄ te vuro vi muraga lol rahumwa teti lol ureure, be gov lol ginau gabe vuromwa sibomwa mwa loligo be gomen lolia.

Ravrava non Pol lalai ata Rom 7:4

Lol hala n̄an gea, ira tuaku, huria be kimiu gin tarihou huba mai Kraes lol rebehina, nu kunia n̄ano be gin mate huba mai. Geki mwa loli bwatuna be kimiu gis vora non atat dolua kea be nu tomare nin mateana i be gida tav lol rovoga tavuha non God.

1 Korin 3:16

Matuke gim hav iloe tehe be kimiu imwa tataro non God i be kunia Vui Sabuga non God mwa dogo alolomiu.

1 Korin 6:15

Mwasigi haḡea gim iloe be rebehimiu haḡea udun rebehin Kraes sibona. Kunia inau nasav lai te dum rebehin Kraes be men bulu mai rebehin vavinen rovrovoi homu. Sigai, si hav dumwi tehe!

1 Korin 6:19

Mwa du maragai be gov iloe be rebehimwa kea imwa tataro non Vui Sabuga gahena mwa dogo alolomwa. Gon lai Vui Sabuga huba nin God. Haḡe kunia giḡo gom hav mom bora te bilamwa sibomwa,

2 Korin 11:2

Nam ḡitaḡoro kimiu gi gita ḡoro be mwa mai nin God. Nan tatauleo be nav hagai kimiu lalai Kraes, kun be kea n̄an ahoai. Nam doron be nav hagai kimiu be vavin melmelo.

2 Korin 5:15

Kraes nu mate huri atatu duluai, be kera be ram rahu rasav togo te hurira sibora tagaro. Kraes nu mate hurira i nu tomare mulei nin mateana huri be rav rahu huria.

Kelesia 5:24

Kera gabe ram dogo lalai Kraes Jisas ram boha volvol mulei vurora sibora. Ram lin̄ mulei nora ron̄ova ata tuai i ginau hahantai be ram doronbe ramen lolia.

Ifisas 5:23

bwatuna be ahoai kea muai ḡoro tasalai, kun gabe Kraes kea muai ḡoro uloilua. I kea haḡea varahun rebehi, gabe uloilua.