1 Korin 5:7 - Hano Niu Testamen

⁷ Gov lai dagai is maleiga n̄oton̄oto huri vuro huribe goi vora rebehi gara n̄oton̄oto. Gov mai kun vulaoa huri bereti be mwa buge gaivua. Nam iloe be hiḡo kunia huba. Gada bereti huri Samsamwaran Halbisḡalau mwa du vatuvwai huba huribe Kraes be sipsip huri nonda Halbisḡalau, kea nu lin̄ mulei rebehina gi tataroi tuntun.

1 Korin 5:7 ပူးပေါင်းရင်းမြစ်များ

Matiu 13:33

Haḡe Jisas mwa bev avoan dalogai vwate mulei, mwa bevea be, “Ute Lavoa atamare kun geki. Vavine vwate mwa lai is i mwa haḡo roiroia mai vulaoa lol dis gaivua. Haḡe is gea mwa lol vulaoa mwa buge.”

Leo Tavuha gabe Mak nu Ravae 14:12

Haḡe la muan gubwen̄in Samsamwaran Beret Vatuga, gubwen̄i gabe sipsip huri ginaganianan Halbisḡalau, ira roron̄tai non Jisas ram hudalinia ram bevea be, “Gom doron be gav lol vatuvwai ginaganianan Halbisḡalau hurigo halabehe?”

Leo Tavuha gabe Jon nu Ravae 1:29

Haḡe gubwen̄ dolua Jon mwa ḡita Jisas mwa mai huria, mwa bevea be, “Kea ha kahaḡa be Nitui Sipsip bilan God, gabe mwa lai dagai vuron ureure!

Leo Tavuha gabe Jon nu Ravae 1:36

batena be mwa ḡita Jisas mwa laḡao, mwa bevea be, “Gitae kea ha kahaḡa be Nitui Sipsip bilan God!”

Leo Tavuha gabe Jon nu Ravae 19:14

Haḡe mwa abena gin abobon alo lol gubwen̄i amua Halbisḡalau. Paelat mwa bevea lalai sinombu be, “Geki nomiu Ratahigi lavoa!”

Ravrava non Pol lalai ata Rom 3:25

God nu laia la hala be vi vinihi kaburai vuro sivi binihimwasigi garagusi la dagan Jisas be nu mate. Geki mwa melmelo be God mwa lol hano nu vavtutu i nu tavuha, kunia tuai lol taro be nu togo ḡoḡonai i nu hav vevegi te atatu huri vurora.

1 Korin 10:17

Huribe bereti gaituvwa n̄ano, gida tam bora rebehi gaituvwa, huribe tam bul gaituvwa lol bereti gaituvwa.

Ifisas 4:22

Nu vagahi kimiu be giv lin̄ rahuan bibili be gin togo aluna tuai. Nomiu doroniva sibomiu huri rahuan ata tuai gea mwa hantai liu, bwatuna be sinombu ram daltale gin ginau hahantai be ran doron be rav lolia.

Visirai 5:12

i ram lol iboi gin silo gaivua be: “Sipsip gabe nu wehiana, kea n̄an nu dadariha be vi lai tomuai i tavwe gaivua liu, mai mataisao i muramura, binihi marahi, sarisari i lol roroai!”