1 Korin 5:5 - Hano Niu Testamen

⁵ Kimiu giv tau atatu gea la liman Setan be rebehina vi vano. I aia vurona sibona mwa binihi kaburaiana, i non vui rahu vi rahu lol gubwen̄in Ratahigi.

1 Korin 5:5 ပူးပေါင်းရင်းမြစ်များ

Matiu 4:10

Take Jisas mwa bwaliua be, “Vis dagai niniau, Setan. Huri lol Ravrava Sabuga mwa bevea be, ‘Gov gogonai God gabe nom Ratahigi, i gov lalaḡo lalainia gaituvwa n̄ano.’ ”

Leo Tavuha gabe Luk nu Ravae 22:31

“Saimon, Saimon! Gov ron̄oe Setan mwa lai tanona be men lol ron̄ kimiu duluai, be men harabora ginau tavuha nin ginau hantai kun gabe atatun ute loloara mwa harabora mwasin koni nin bwagavina.

Lalaḡova 26:18

“Giḡo haḡea gov havan̄ matara, i gov lai luara nin ute meto vai lol gigita i nin muramura non Setan huri God, huri be gin nora binihimwasigi garagusi aluku vi binihi kaburai vurora i rav lai dum tanora mai ira atat gita lua non God.”

1 Korin 1:8

Jisas Kraes vi haḡo wasi kimiu lol binihimwasigi vai votu nogonana, huribe giv melmelo lol taron non Gubwen̄i.

1 Korin 11:32

Take lol taro be God mwa bevegi gida, mwa lol ḡagaras gida huribe si hav lol te kaburai gida mai ureure.

2 Korin 10:6

Gam lol vatuvwai be gai vevegi ihei tehe aia be mwa hav ron̄ te maḡemu, take muana gan av mai kimiu be giv masiri gin non maḡemu.

2 Korin 12:7

Huri be nasav sasagerega tehe huri ginau tavuha kea be ran seserainia lalaiau, ginau vahala be mwa ḡaras maragai rebehi nu hagainia lalaiau. Ginau vahala kea horata nin Setan, nu horana mai be vi haraviau i vi lol ḡoroau huri be nasav sasagerega te liu.

2 Korin 13:10

Nam rav ravrava uhu batena be nam dogo dagai nin kimiu huria be batena be nav mai take nasav wasi tehe mai noḡu roron̄o mai kimiu. Ratahigi nu lai roron̄o geki be vi voha kimiu giv hamai amare, take mwa hav vora te huria be vi haḡo bahivoi kimiu.

Filipae 1:6

God nu tau bwatuna be men lol rovoga tavuha alolomiu, i inau nam binihimwasigi be vi van rahurahu aluna vaivotu be vi nogoinia batena be Kraes Jisas vi mai mulei.

1 Timoti 1:20

Himenaeus i Aleksanda ran lolia kunia, i nan hagainira lalai Setan huri be rav huhuinia be rasav avo tehe vai alun God.

2 Timoti 1:18

Nam dataro be Ratahigi vi hogoi non sine hagavi lalainia lol Gubwen̄i gea. Gom iloe be nu buluiau lol hala ivusi Ivisas.

2 Pita 3:12

Kunia be kimiu gim hohovi huria i gim ḡarere dotomua huri maiana non God. Lol taro be gubwen̄i gea vi mai mahao vi lol kaburaiana gin gabi, i ginau duluai alolona vi rovo gin hahavwani.

1 Jon 5:16

Be gis gita tuada vwate be mwa buroga la hala gabe nu hantai. Giv tataro dumwi, i wani gea vi lai dum rahuana vai tuai.