1 Korin 5:11 - Hano Niu Testamen

¹¹ Nam ravrava geki be namen vevea lalainigo be gosav bulbulu te maira be ram uloinira sibora be binihimwasigi lol Kraes take ram buroga lol rebehi mai rebehi, sage ram bugura, sage ram susura, sage ram ḡogonai nun vatu, sage ram sani atat dolua gin nora avoana, sage ram mwin wai taltale, sage ram ruruhi atat dodolua. Mwa du be gosav gan te ginau mai sinombu be kera kunia.

1 Korin 5:11 ပူးပေါင်းရင်းမြစ်များ

Matiu 18:17

Ta be mwa hav ron̄ora te radu, kadogaha vi seseraiana lalai Uloilua. Ataguna gea, be mwa hav ron̄ te Uloilua, gov lolia kun gabe kea len̄len̄aga sage harahara homu.

Matiu 23:25

“Hahagavi lalai kimiu, ira vagahin Silo maira Varise! Kimiu ira hoḡoiḡoro! Vataha mahavana gim bwaga tagun nomiu laha n̄an mai nomiu beleti. Itake alolona ginau kera gea nu masiri gin ginau gabe gin laira gin tenteneana i surana i bugurana.

Leo Tavuha gabe Luk nu Ravae 18:11

Varise mwa du hautu dagai gahena mwa dataro kungeki be, “Nam avkarigo God, huri be nam hav vora te bugurana, sa nam hav binihi te mamarai atatu, sa nam hav vuroga te mai vavine kun atat dodolua. Nam avkarigo huri be nam hav vora te kun atatun harahara homu kahaḡa.

Leo Tavuha gabe Luk nu Ravae 21:34

“Giv mamata ḡoro kimiu sibomiu! Gisav mahin̄a tehe be giv van lol ginaganian lalavoa tagaro i gisav mwin te maragai wai i gisav binbinihi tehe huri rahuana geki, bereva Gubwen̄imwa gim mai vilvilehi,

Lalaḡova 1:15

Haḡe gubwen̄ gaituvwa n̄an ataguna, ḡoḡoana non ira binihimwasigi, i kera duluai kun vudolu vatuvwa vena n̄avul gairua ram du ute gaituvwa, haḡe Pita mwa du amare be men avo.

Lalaḡova 9:17

Haḡe Ananias mwa bano mwa haroro lol imwa be Sol mwa dogo alolona, i mwa dau limana aluna. Haḡe mwa bevea lalainia be, “Tuaku Sol, Ratahigi mwa horau i kea Jisas sibona gabe nu visirai abemwa la hala mahavana be gon mai vai Teti. Kea mwa horan huribe gov gita ute mulei i gov masiri gin Vui Sabuga.”

Ravrava non Pol lalai ata Rom 13:13

Tav togo la alen̄ vavtutu, kun atatun ute rani. Ta sav la te bulbulu huri mwinmwin daltale huri ginau hantai. Atamwani mai atamwani rasav lol te bwatigoro ginginira sa vavine mai vavine. Bwaloana visigai mai binbinihi hantai.

Ravrava non Pol lalai ata Rom 16:17

Ira tuaku, nam hudali kimiu be giv gita ḡoro hurira be ram lol atatu be ramen vigaigai ginginira, i ram lol hantai binihimwasigi garagusi non atatu. Kera ram hae la mwasin silo vagahi gabe gin huhuinia, i giv togo dagai ninira.

1 Korin 10:14

Ira tuaku, giv tu dagai nin gogonaianan ira nun vatu.

1 Korin 11:21

Geki bwatuna be lol taro be gom ḡan ginau, vwate mwa ḡan gana i mwa hav hohov te tuana. Rituai ginaganiana be ram ḡania mwa hav dadariha tehe, take rituai ram mwinmwin daltale mwa liu.

1 Korin 6:10

i kera gabe ram bugura i ram sura, i ram mwin wai taltale, i ram duli tenteneana vai la atat dodolua, sage ram sura atatu kera geki rasav haḡo te dum houn ute Ratahigi non God.

1 Korin 6:6

Huri hano be atat binihimwasigi gairua ram bevegira lolmatan ira sinombu duluai be ram hav binihi te mwasigi.

1 Korin 6:9

Nam bev mwasigi lalai kimiu be atatu ram lalaḡo bahala rasav haḡo te dum houn ute Ratahigi non God. Gosav dadaloiga tehe. Kera gabe ram bulu alun rebehin vavine mai atamwani ram buroga gin bwatigoron lagiana ram ḡogonai nunu buhiga take ram bulbulu alun rebehin lagiana sage ira atamwani gabe ram bol mulei rebehin atamwani dolua ram bulu maia,

1 Korin 7:12

Huri hala rituai mulei, inau nam bevea geki, take mwa hav vora te Ratahigi. Be sivora atatun uloilua vwate tasalana abena be mwa hav lai te garuhisabuga radu take kea mwa samsamwara bul maia be men vora ahoana, kunia sihav vev te dagara dumwia.

1 Korin 7:15

Take kera gabe ram hav vora te ira binihimwasigi ram binihi tuhi be rav mwalue dagai, lin̄ira ran mwalue. Batena be mwa loli kun geki, atatun uloilua atamwani sage vavine nu tavuha rahurahu mulei. Take God mwa uloi gida be tav togo lol tamwata.

1 Korin 8:11

Atat mandamanda geki be tuamwa, Kraes nu mate huria mwa hantai mwa liu bwatun nom “iloute.”

Kelesia 2:12

Amua atatu rituai be Semes nu horara ram bisirai aia, Pita nu gan ginau maira Lolobon̄i. Take lol taro be ram bisirai, Pita mwa mambui ginaganiana maira Lolobon̄i, i mwa dogo dagai ninira, bwatuna be mwa matagun ira varan ira Jius huribe ram doretore huri tavdovon̄a.

Ifisas 5:18

Gisav taltale tehe gin waen, gabe vi lol hantai rahumiu, take giv masiri gin vui.

Ifisas 5:5

Giv ilo dumwia be atatu be mwa lol bwatigoro mai vavine sa atamwani sage mwa lol ginau hahantai, i bugurana (huribe bugurana kea dovon̄an gogonaiana lalai tagaro dodolua). Kea sihav togo te dumwi lol Ute Lavoa non Kraes i non God.

Kolosi 3:5

Giv tau kaburai ginau hantai duluai lol rahumiu: vuro lol alen̄ bwatigoro, lolian daltalei gom lin̄ binihiv taltale mwa domuainigo, gon doron ginau lete, i ginau ravravwega i bugurana (huribe bugurana kea dovon̄an gogonaiana lalai tagaro dodolua).

2 Tesalonaeka 3:14

Mandovai be atatu rituai rasav gogonai te hano gam bevea lalainigo lol ravrava geki, gov tau nom binbinihi alura. Gosav lol te ginau vwate bul maira huribe rav busbusi.

2 Tesalonaeka 3:6

Ira tuaku, lol roron̄o non ratahigi Jisas Kraes, gam bevea lalainigo be gov tu dagai nin atat binihimwasigi be mwa hav doron te didi lol rovoga i mwa hav huri te silo vagahi be gam laia lalainigo.

1 Timoti 3:3

Sihav mwin te lavoai waen sage si hav taltale tehe be men bwalo, take mwa du be vi maḡemu i vi lol dum tamwata, mwa hav dorodoron te homu.

1 Timoti 6:5

sinombu kera geki ram bigaigai vataha mahavana. Binihira ran hantai i ram salai mwasigi. Ram binihia be lalaḡova lalai tagaro kea hala be rav rosoga.

2 Jon 1:10

Be atatu vwate vi mai vai abemwa take mwa hav lai te non silo vagahi maia, gosav lai te ḡoḡoe sage gosav dame tehe be vi haroro la imwamwa.

Visirai 2:14

Take ginau ivusi gim lolia be ran hav vavtutu tehe lol mataku. I atatu rituai lol tatan̄an gaituvwa bul mai kimiu, rituai ram huri avoana non atatun vevsera gea Balam tuai. Atatun vevsera gea mwa dogo mwa bagahi halan Ratahigi lavoa Balak be men saruruhi ata Israel huri be ramen hovi lol bwatigoro. I kera ram ḡan bigi gabe ran tataroi ginia huba lalai God dolua, i ran vahala lol halan lagiana mai atat dolua.

Visirai 2:20

Take geki ginau gabe nai van burigai kimiu aluna: take gim lin̄ia vavine gea mwa dogo radu mai kimiu, gabe kea kun vavine gea be nu togo tuai Jesebel, kea nu togo mwa bagahi be kea horata non God. I lol non silo vagahi kea mwa salai noḡu atatun rovoga la hala be atatu mwa lol bahala lol halan lagiana, i ram ḡan bigi gabe mwa dataroi ginia huba lalai nun vatu.

Visirai 21:8

Take nai vevea lalai kimiu huri havanau be vi loli lalai ihei tehe be ram matmatagu; i lalainira be ram lol salil silo, i lalai ira hei be ram lol alen̄ bibili, sage ram wehiwehi bonogai, sage hovita lol bwatigoro, ira hei gabe ram lalaḡoi mateana i mera, i lalai nira be ram ḡogonai nun vatu dodolua, i lalai ira tenteneana. I vi vohainira gea vai lol numbun wain gabi tabwalue mai salva, geki gairuan mateana.”

Visirai 22:15

Take atatu be ram lalaḡo hantai, ira vwiriu meto, gabwaleva i ira atat bwatigoro, i kera be ram gogonai nunu buhiga, maira duluai be ram doron be ramen tentene tagaro i ramen togo deḡeteḡe tagaro.