1 Korin 4:7 - Hano Niu Testamen

⁷ Kun hanigi? Ihei mwa bevea be giḡo gon tavuha nin atatu dodolua? Ginau vwate mwa dogo mai kimiu be God mwa hav laia te lalai kimiu? Sigai! Huri hano gim av ravravwega huri ginau be mwa hav vora te nomwa take God mwa laia lalainigo.

1 Korin 4:7 ပူးပေါင်းရင်းမြစ်များ

Leo Tavuha gabe Luk nu Ravae 19:13

Amua mwa siv vano, mwa uloi non atatun non rovoga han̄vulu i mwa lai gaitutuvwai lalainira homu i mwa bevea lalainira be, Giv gitae be giv lol homu uhu vi mauri lol mahavana be nam la dagai.”

Leo Tavuha gabe Jon nu Ravae 1:16

Kea mwa lol bamasiri gida duluai gin non hogoi tavuha, i mwa lai lalan̄an vatavuha vatvataha gida.

Leo Tavuha gabe Jon nu Ravae 3:27

Haḡe Jon mwa bwaliura mwa bevea be, “Ihei si hav haḡo te dum hano tehe vaivotu God vi laia lalainia.

Ravrava non Pol lalai ata Rom 1:5

Sivi Kraes, God nu lai rovoga non ira hala, be vi tomuai atatu lol ute duluai be rav binihimwasigi i rav ron̄oe.

Ravrava non Pol lalai ata Rom 12:3

Huribe God nu lai lalaiau hogoi tavuha, nam binihi ginau tavuha vwate be nav vevea lalai kimiu. Gosav vinihi tehe be gon tavuha liua be hiḡo kadogaha. Gov vinihia be hiḡo atat kunhanigi la halan binihimwasigi garagusi be God nu laia lalainigo.

Ravrava non Pol lalai ata Rom 12:6

Gida duluai tam lai hogoi dodolua be God nu laia lalai gida, bwatuna non hogoi tavuha lalai gida. Atatu be God nu lai hogoi lalainia be vi vev seserai non avoana, vi vev luae la tovtovon non binihimwasigi garagusi.

1 Korin 15:10

Take hogoi non God mwa loliau nam bora kunia, i non hogoi lalaiau vorate mwa mai bonogai. Sigai! Nam lol rovoga wasi liu ira hala dodolua. (Take vorate inau mwasigi; take hogoi non God mwa dogo maiau.)

1 Korin 3:5

Matuke Apolos kea mwasin rau matana vwate? Sigai! Matuke Pol kea mwasin raumatana vwate? Sigai! Gida ira turin rovoga non God n̄an kunia gabe gam bului kimiu gin binihimwasigi. Gida gaitutuvwai vatvataha gida be tam lol rovoga be God mwa laia lalai gida be tav lolia.

1 Korin 5:6

Nom avoan sasagerega ivusi butbutui nu hav tavuha tehe. Kimiu giv ilo avoana geki, “Marahan is kolo n̄ano mwa lol vulaoa mwa buge maragai tanona mwa masiri latlate.”

1 Korin 7:7

Nam doron be atatu duluai ran ḡuniau n̄ano, take atatu gaitutuvwai nora hogoi gaitutuvwai batvatahara, be God nu laia lalainia. Vwate non hogoi dolua i vwate non hogoi dolua.

Jemes 1:17

Lalaḡov tavuha duluai i hogoi tavuha duluai ram mai nin God. Ginau tavtavuha keragea ram mai nin God be nu lol alo, vula, ira visiu, i kea mwa hav leahi tehe kun gigitan ginau keragea be ram leahi.

1 Pita 4:10

Kimiu gaitutuvwai gin lai hogoi be giv lol ron̄oe ba bului atat dodolua. Giv tavuha ira turin rovoga non God mai lalan̄an hogoi gin vatavuha.