1 Korin 4:5 - Hano Niu Testamen

⁵ Haḡe kunia gosav vevegi te amua nin mwasin tarona be vi mai; gov hohovi vaivotu Ratahigi vi mai mulei. Kea vi lai bisirai ginau duluai be mwa du dahuligi lol ute meto vai lol ute ran maita. Ratahigi vi vaseserai ginau duluai be mwa du dahuligi alolon sinombu. I batena gea, God vi lol roroai ihan atatu gaitutuvwai, nu hurin ginau tavtavuha be ran lolia.

1 Korin 4:5 ပူးပေါင်းရင်းမြစ်များ

Matiu 10:26

“Gisav matagun te atatu. Huri be irahei gabe ram haḡoi ḡoro havanau tehe, vi vugeana vai lol ute melmelo. I irahei gabe ram dahuli ginau, vi maserasera.

Matiu 24:30

Haḡe dovon̄a huriau Nitun Atatu vi visirai lol mahao, i varan sinombu duluai lol ureure rav mwaḡuruḡuru i rav gitau Nitun Atatu nav mai alun ten lan̄i mai roron̄o i sarisari gaivua.

Matiu 24:46

Samwarana gaivua lalai atatun rovoga geki be non ratahigi vi habwea be mwa lol kunia mahavana be mwa dabagilu!

Matiu 25:21

Haḡe non ratahigi mwa bevea be, ‘O, nu tavuha maragai! Giḡo atatun rovoga tavuha i binihi marahi! Bwatuna be ginau kolo n̄an gom ḡitaḡoro tavuhainia, kadogaha nav taugo gov gitaḡoro ginau gaivua. Mai teti ba samsamwara bul maiau.’

Matiu 25:23

Haḡe non ratahigi mwa bevea be, ‘O, nu tavuha maragai! Giḡo atatun rovoga tavuha i binihi marahi! Bwatuna be ginau kolo n̄an gom ḡitaḡoro tavuhainia, kadogaha nav taugo gov gitaḡoro ginau gaivua. Mai teti ba samsamwara bul maiau.’

Leo Tavuha gabe Luk nu Ravae 6:37

Gisav vevegi te atatu dolua, God sihav vevegi te kimiu; gisav vevegi te hantai atatu, God sihav vevegi te dum kimiu; giv vinihi kaburai vuron atatu dolua, God vi vinihi kaburai vuromiu.

Leo Tavuha gabe Jon nu Ravae 21:22

Jisas mwa bwaliua mwa bevea be, “Be nav doronia be vi togo vaivotu be nav mai, vi vora kun hanigi lalainigo? Huriau!”

Leo Tavuha gabe Jon nu Ravae 21:23

Haḡe ram bavatui roroi huria alolora gabe ram huri Jisas ram bevea be, roron̄tai geki sihav mate tehe. Take Jisas nuhav vevea tehe be sihav mate tehe; nu vevea n̄an be, “Be nas doronia be si togo vaivotu nai mai mulei, vi vora kunhanigi lalainigo?”

Leo Tavuha gabe Jon nu Ravae 5:44

Gim doron be gimen to ba lai avoan tavtavuha nin kimiu mahaḡea sibomiu, ta gim hav lol te ron̄oe be gimen lol ginau be God sibona men ron̄ mwandavuha gin kimiu. Haḡe giv binihimwasigi dum haniniau?

Ravrava non Pol lalai ata Rom 14:4

Gosav vevegi te dum turin rovoga non atatu dolua. Non ratahigi mahaḡea vi vevea be non turi gea mwa lol bavtutu sa sigai. I atatun rovoga non God vi lol vavtutu huribe God mwa buluia mwa lol vavtutu.

Ravrava non Pol lalai ata Rom 2:1

Mandovai gim binibe gomen vevegi atat dolua, kea gam bahala. La mahavana be gom bevegira, kea gom bevegi mulei hantainigo sibomwa, huribe gom lol ginau n̄an kunia be kera ram lolira.

Ravrava non Pol lalai ata Rom 2:16

Ginau n̄oto kerageki rav loli lol gubwen̄i be God, sivi Jisas Kraes, vi vevegi binihiv dahuligi non atatu. Roroi Tavuha gabe nam doretore huria mwa bev ginau kerageki.

Ravrava non Pol lalai ata Rom 2:29

Atatu be mwasin Jiu n̄ano kebe mwa bora ira Jiu alolona, mwasin tav dovon̄a mwa loliana alolomwa gin Vui Sabuga, vorate gin silo be mwa ravana. Atatu kunia mwa lai avkari nin God, ninia be vi laia nin atatu vuroi.

Ravrava non Pol lalai ata Rom 2:7

Atatu rituai, be ram lol rahurahui ginau tavuha, rav togo huri lalaḡova non God, huri binihi marahi, i huri rahuana be nogonana sigai. God vi lai lalainira rahuana vai tuai.

1 Korin 1:7

Lol taro be gim dogo hohov Jisas Kraes be vi mai mulei, gin lai vatavuha n̄oton̄oto.

1 Korin 11:16

Atatu rituai rav vigaigai radu huri ginau geki, take nai vevea be gida mai ira uloilua dodolua non God, nonda silo vagahi lealea.

1 Korin 11:26

Vataha mahavana be gim ḡan bereti i gim mwin wai nin laha geki kea gim bev seserai mateanan varahuda vaivotu be vi mai mulei.

1 Korin 15:23

Take atatu n̄oto rav tomare huri rahuana la mwasin halana: Kraes kea nu tomare muana. Lol taro be Kraes vi mai mulei, kera be bilana rav tomare lol rahuana,

1 Korin 3:13

Nora rovoga vi visirae ute melmelo, bwatuna be Gubwen̄ Vevegi non Kraes vi lai bisirainia ute melmelo. Gubwen̄i gea gabi gea vi lol seserainia be hava rovoga haḡea be nu loliana; gabi gea vi haḡo ron̄oe i vi seserai lua non mwasigi sage non hantai.

1 Korin 3:14

Be imwa be nu haḡoana la mwasin bwatbwatuna mwa du radu wasigi, atatun haḡohaḡo imwa vi lai tavwe huria.

1 Korin 3:8

Ke gabe mwa rivua i kea gabe mwa ruhua raru dadariha n̄an, i gaitutuvwai vatvatahara vi lai tavwe huri non rovoga sibona.

2 Korin 10:18

Nu hav vora te kera be ram binihira sibora be ran vavtutu be ran tavuha, take kera be Ratahigi mwa binihira be ran vavtutu.

2 Korin 10:9

Nam hav doron tehe be giv binihia be nam lol ron̄oe be nav lol kimiu giv matagu mai noḡu ravrava.

2 Korin 4:2

Take gan van burigai ginau dahuligi be ram lol hal busbusi. Gam hav lol te hal tentene, i gam leahi te silo vagahi non God. Gam bagahi mwasigi be nu vavtutu, gam seserai kamai lalai sinombu duluai be kamai ira ihei. Vuvuri

2 Korin 5:10

Bwatuna be gida duluai tav tu la lolmatan Kraes be vi harahara lalai gida. Gida gaitutuvwai mwa du be tav lai havanau mwa du be tav lai dumwia, tavuha sa hantai huri ginau be tan lolira teti lol ureure mai rebehida.

1 Tesalonaeka 5:2

Gin ilo tavuhainia be gubwen̄ be Ratahigi vi mai mulei vi vora ginau haraḡo, kun be susurana be mwa mai bon̄i.

Hibru 4:13

Ginau vwate mulei sigai be vi hili nin God, dagai nin tanon limana duluai. Havanau tehe mwa ḡigilaga n̄an duluai, la lolmatan God. I gida duluai tav seserai lua rahuda i nonda lalaḡova duluai la lolmatana.

Jemes 4:11

Ira tuaku duluai, gosav vev te ginau hahantai vai alun atat dolua. Kebe gov avo vai alun ira binihimwasigi dodolua sage gov vevegira, giḡo gom bevegi i gom avo vai alun Silo. Batena be gom bevegi Silo, giḡo gom hav mom borate horata non Silo, take gom mai gi harahara.

Jemes 5:7

Ira tuaku, giv maḡemu vi votui taro be Ratahigi vi mai mulei. Atatun uteloloara mwa hohovi ḡoḡonai huri uhe vataha taro. Mwa hohovi ḡoḡonai huri bilan ririvuana be rav mauri nin tano.

Jemes 5:9

Ira tuaku, gisav av te lolhoroga vai alumiu gaitutuvwai. Be giv lol alen̄a geki God vi vevegi kimiu. Vevegi gea mwa abena huba!

1 Pita 1:7

Ginau hahantai geki ram mai be ramen gitae be nom binihimwasigi garagusi nu melmelo. Melmelo non binihimwasigi nu marahi liu vatan̄oga, Gabe vi Seserainia gin gabi be nu melmelo i vi nogonogo dumwi. Take nomiu binihimwasigi garagusi vi lai lalai kimiu uloi roroai i binihimarahi lol taro be Jisas Kraes mwa seseraiana lalai kimiu.

1 Pita 5:4

I lol taro be Kraes, muai radaiḡoro, vi mai, kimiu giv lai gaisosorin bwatu sarisari be sihav vano te dumwi na gabolanana.

2 Pita 3:12

Kunia be kimiu gim hohovi huria i gim ḡarere dotomua huri maiana non God. Lol taro be gubwen̄i gea vi mai mahao vi lol kaburaiana gin gabi, i ginau duluai alolona vi rovo gin hahavwani.

2 Pita 3:4

Kera rav vevea be, “Jisas nu tatauleo be vi mai mulei. Kea behe? Ira tamanda ran mate, take Ureure mwa du radu kunia be nu gitana lol taro be nu loliana.”

Ravrava nin Jud 1:14

Enok, gaibitun vara ata la Adam, mwa bevea huri atatu kerageki be: “Gitae, Ratahigi mwa mai, mai non ira enjel vasan̄vul vavasi be

Visirai 1:7

Gin gitae! Kea mwa mai mai ten lan̄i. Mata duluai rav gitae, vaivotu gabe kera gabe ran wehia. Ira sinombu ata lol ureure rav dei ba dalan̄lan̄a bwatuna kea. Ginau gea vi loli! Amen.

Visirai 20:12

I nam ḡita atat mate duluai, be ram du la lolmatan tanon togotogon ratahigi gea. Kera duluai gea be tuai, ran vora ira lavoa mai ira atat hivhivo. Haḡe ira enjel ram bugeri buka rituai, i ram bugeri bukan rahuana mulei. Haḡe mwa bevegira be ran mate gin havanau gabe nu ravan ḡoro lol buka hurin nora lalaḡova.