1 Korin 4:17 - Hano Niu Testamen

¹⁷ Bwatuna haḡea nam hora Timoti vai abemiu, nituku lol Ratahigi. Nam dabe maragai Timoti, i kea atat mwasigi garagusi. Kea vi bului kimiu be giv binihi dum mulei rahuku mai noḡu lalaḡova lol Kraes Jisas, kunia be nan vagahia alolon imwa tataro duluai vataha ute.

1 Korin 4:17 ပူးပေါင်းရင်းမြစ်များ

Matiu 24:45

“Matu ihei atatun rovoga binihi marahi i mataisao? Wani gabe non ratahigi mwa daria gi tomuai ḡoro atatun rovoga duluai, be vi bete gara ginau la mwasin tarona.

Matiu 25:21

Haḡe non ratahigi mwa bevea be, ‘O, nu tavuha maragai! Giḡo atatun rovoga tavuha i binihi marahi! Bwatuna be ginau kolo n̄an gom ḡitaḡoro tavuhainia, kadogaha nav taugo gov gitaḡoro ginau gaivua. Mai teti ba samsamwara bul maiau.’

Matiu 25:23

Haḡe non ratahigi mwa bevea be, ‘O, nu tavuha maragai! Giḡo atatun rovoga tavuha i binihi marahi! Bwatuna be ginau kolo n̄an gom ḡitaḡoro tavuhainia, kadogaha nav taugo gov gitaḡoro ginau gaivua. Mai teti ba samsamwara bul maiau.’

Lalaḡova 16:1

Pol mwa lago mulei la vanua Debe mai Listra, i atatu gabe ihana Timoti mwa dogo aia, i ratahina mulei kea ata lol uloilua, vavine ira Jius, take tamana kea ata Krik.

1 Korin 11:16

Atatu rituai rav vigaigai radu huri ginau geki, take nai vevea be gida mai ira uloilua dodolua non God, nonda silo vagahi lealea.

1 Korin 11:2

Nam lol roroainigo huribe gom binihi dumwiau lol ginau duluai, i gon huri ira silo vagahi be nam laia lalai kimiu.

1 Korin 11:34

Ihei be maro mwa gasia vi gan ginau lol imwana huribe lol taron togoan bulbulu gosav lai te silo vevegi non God alumwa sibomwa. Nai vevea huri hano be giv lolia lol taro be nav mai mulei.

1 Korin 14:33

God vorate God huri binihiv len̄len̄a take God huri tamwata. Kunia be mwasigi lol uloilua duluai non God,

1 Korin 16:1

Kadogaha nav ravae huri hogoi la halan homu be vi bului atat non God Judia. Giv lol ginau n̄ano be nam bevea lalainira lol uloilua Kelesia be rav lolia:

1 Korin 16:10

Be Timoti vi mai vai abemiu, giv lai ḡoḡoe mai kimiu, huribe mwa lol rovoga huri God kuniau n̄ano.

1 Korin 4:14

Inau nam lol ron̄oe kun be nasav lol te kimiu be giv ron̄oe ba busbusi. Nam ravae geki be men lai avoan vevsera dau lalai kimiu kun gabe kimiu mwasin ira nituku.

1 Korin 4:15

Be atatu vasan̄vul vahan̄vulu ram buluigo lol Kraes, mwa du be tamamwa vi vora gaituvwa n̄ano. Lol rahumwa lol Kraes Jisas, inau nam mai huba gi tamamwa huribe nam lai Roroi Tavuha lalainigo.

1 Korin 4:2

Kunia la hala haḡea geki kera gabe mwa dau non butuana alura, alun raumatan ginau be mwa du dahuligi radu rav seserainia be kera ran dadariha alun taritari gea be mwa daria alura.

1 Korin 7:17

Take lol ginau duluai gov rahu kunia gabe God nu taugo be gov rahu la hala be gon togo aluna lol taro be God nu uloinigo. Geki haḡea silo be nam lolia lol imwa tataro duluai.

1 Korin 7:25

Gon ravae lalaiau huri atatu mwa hav lago tehe i geki haḡea noḡu avoan vwaliu. Nam hav lai te avoan wasi vwate nin God, take nav vev dum binihiḡu siboku huribe Ratahigi nu tavuha maiau i nu hagaviau huba, huribe gom binihimwasigiau.

2 Korin 8:18

Gam hora Taetus mai tuada vwate kea ira binihimwasigi ram hagai maragainia huri non rovoga mai toretore huri Leo Tavuha.

Ifisas 6:21

Nam hora Tikikas, tuamai be atatun rovoga binihimwasigi lol rovoga non God. Vi vev ginau n̄oto lalai kimiu be mwa lolia maiau. I giv iloe be nam dogo kunhanigi i nam lol havanau.

Filipae 2:19

Nam doronhohov lol Ratahigi Jisas be vi hora Timoti vai abemiu sihav vora te vain̄ava. Nav ron̄ mwandavuha be nav huhuinia be gim do kun hanigi?

Filipae 2:22

Gim iloe be Timoti kea lalan̄an atatu vwate. Gim iloe be nu lol rovoga maiau be nu vev Roroi Tavuha kun be naturigi mwa lol rovoga huri tamana.

Kolosi 1:7

Gim ron̄oe huri hogoi non God nin Epavras, kea be gam dabea. Mwa lol rovoga ute gaituvwa mai kamai i kea atat binihimwasigi non Kraes huri kamai.

Kolosi 4:9

Nam horara mai Onesimas, atat mwasigi i vavtutu lol Kraes, i kea lol nomiu tatan̄ana. Kera rai vev ginau duluai be mwa loli teti.

1 Timoti 1:18

Timoti, nituku, nam laia lalainigo avoan wasi be mwa dadariha mai avoan vevsera be nu hagainia hurigo lol taro nu ḡao huba. Nam bevea kunia lalainigo huri be gov hurira i gov bwalo tavuhai.

1 Timoti 1:2

Lalai Timoti, kea mwasin nituku lol binihimwasigi garagusi: Hogoi, sine hagavi i tamwata nin God Tata i Kraes Jisas nonda Ratahigi.

2 Timoti 1:2

Lalai Timoti, kea naturigi tabe lalaiau: Hogoi, sine hahagavi i tamwata lalainigo nin God Tata i Kraes Jisas nonda Ratahigi.

2 Timoti 2:2

Giḡo gon ron̄oau huba be nan toretore lolmatan sinombu. Gov haḡo wasi ira toretore uhu i gov taua la liman atat tavtavuha be rav toretore dumwi lalai atat dodolua.

2 Timoti 3:10

Take giḡo gon huri hano be nan vagahia, hala be nam dogo, noḡu hala. Gon huri noḡu binihimwasigi garagusi, noḡu ron̄ mwan̄ava, i lolotabetabe, i gom iloe be nan hav lin̄ia tehe,

Taetas 1:5

Nan derainigo Krit be giv lol dum nogonogoi rovoga be mwa du be vi nogoiana huri be giv gita lua dum ira tomuai, lol ira bwatutun vanua, kunia be nan huhui halana lalainigo.

Visirai 2:10

Gisav matagun te havanau tehe gabe mwa abena be men dum kimiu. Giv roron̄tai! Setan vi lol ron̄ kimiu, i vi lolia rituai alolomiu ram togo lol imwa vauvauhi i vi vora kunia huri gubwen̄ han̄vulu. Gisav matagu tehe, son̄o be rav wehi kimiu. I nav lai tavwe lalai kimiu, kun gabe tavwen nomiu garogaroana.

Visirai 2:13

Inau nam ilo tanomiu huba gea lol vanua Pekamam, gabe Setan mwa lolia kun gabe kea ratahigi lavoa ḡoroe huba. Kimiu gim haḡo wasi ihaku radu, i mahavana be kera ram wehi mwasin gaituraku Antibas, mwa mate la bwatutun vanuamiu, gabe Setan mwa domua ḡoroe huba, take alen̄amiu huri binihimwasigi garagusi gisav tahuli te dumwia giniau.