1 Korin 4:12 - Hano Niu Testamen

¹² Gam lol rovoga hahavwani huri gamai ginau sibomai. Mahavana be sinombu ram bev bwarebware kamai, gam bev tavuhainira huria. Mahavana ram lol ḡagaras kamai, kamai gam lin̄ maḡemu vai aluna.

1 Korin 4:12 ပူးပေါင်းရင်းမြစ်များ

Matiu 5:11

“Kimiu gabe atatu ram bev hantai kimiu, ram lol ḡagarasi kimiu, i ram hul hantai kimiu huri be kimiu noḡu atatu, kimiu mulei giv ron̄ mwandavuha.

Matiu 5:44

Ita inau nam bevea lalai kimiu be giv tabe nomiu ivwalu, i giv tataro hurira gabe ram lol ḡagaras kimiu.

Leo Tavuha gabe Luk nu Ravae 23:34

Jisas mwa bevea be, “Tata, gov binihi kaburai vurora! Ram hav ilo te havanau be ram lolia.” Ram bohai dais gi dovon̄ana be ihei vi lai gaisagana, kunia ram hara gaisagana batvatahara.

Leo Tavuha gabe Luk nu Ravae 6:28

giv vatavuha irahei gabe ram bev hantai kimiu, i giv tataro hurira gabe ram lol bwarebware kimiu.

Leo Tavuha gabe Jon nu Ravae 15:20

Giv vinihi dum havanau gabe nan vevea lalai kimiu be: ‘Turin rovoga mwa hav tomua tehe nin non ratahigi.’ Be rav lol ḡagarasiau, rav lol ḡagaras kimiu mulei; be rav tabe noḡu silo vagahi, rav tabe nomiu mulei.

Lalaḡova 18:3

ba do ba lol rovoga maira, bwatuna be kea mwa lai dum homu la rovogan imwa hauhau kun ira tuana n̄an gea.

Lalaḡova 20:34

Kimiu sibomiu gim iloe be nam lol rovoga hahavwani gin limaḡu gairua kera geki huri vataha ginau be inau maira be gam lol rovoga ute gaituvwa gam doronia.

Lalaḡova 7:60

Kea mwa sisiabwau mwa haharigi gin silo gaivua mwa bevea be, “Ratahigi! Gosav vului te nora bwatigoro.” Kea mwa bev avoana geki i mwa mwaruruhi.

Ravrava non Pol lalai ata Rom 12:14

Gov lol tavuha lalai ira hei be ram lol hantainigo; gov lol tavuhainira i gosav lol te ḡagarasira.

Ravrava non Pol lalai ata Rom 12:20

Ta hiḡo gov lolia kungeki: “Be nom ivwalu maro mwaḡasia, gov van̄ania; be mwa mandou, lai wai lalainia. Gov lolia kunia vi vora kun abe gom salil beben ginau oda la bwatuna.”

Ravrava non Pol lalai ata Rom 8:35

Ginau vwate vi harabora dum gida nin lolotabetabe gabe God varahuda mwa haḡoe huri gida? Ginau kun, taro hantai sa taro ririhai, sa ron̄ḡagarasi sa marogagasi, sa hiru sa mwa abena be rahumwa men nogo sage atatu mwa wehigo huri mateana?

1 Korin 9:6

Ke Banabas n̄ano maiau be garu vi lol rovoga huri nonda togoana?

2 Korin 11:8

Nan dame huri volimiu ira binihimwasigi dodolua, nan lai nora na vatu huri be nav lol rovoga mai kimiu.

Ifisas 4:28

Kera gabe ram susura rav lin̄i be ram susura i rav tau bwatuna ba lol rovoga. Mwa du be kera rav haḡo rahuan tavuha hurira sibora i kera rav lai dum ginau abena be rav hogoinia lalainira be ram hiruga.

1 Tesalonaeka 2:9

Ira tuaku, nam iloe be gim binihi dum nomai rovoga hahavwani i taro ririhai duluai. Gan lol rovoga hahavwani i taro ririhai duluai. Gan lol rovoga bon̄i i ute rani be gasav mai tehe gi marahin rovoga lalai ihei tehe alolomiu, taro be gan toretore huri Roroi Tavuha non God lalai kimiu.

2 Tesalonaeka 3:8

I la mahavana be gam ḡan ginau gan atatu dolua, gam bolia duluai. Gam lol rovoga wasi bon̄i i rani huribe gasav vol te ginau nin vwate alolomiu.

1 Timoti 4:10

Bwatuna haḡe geki be tam lol rovoga hahavwani; tam doronhohov huri God be mwa dogo vai tuai, kea be varahun sinombu duluai, liuhage kera kebe ram binihimwasigi.

1 Pita 2:23

Sinombu rav vev hantai Kraes, take kea nu hav vev te hantai mulei nira. Kraes nu ron̄ ḡagarasi, take nu hav ḡele te muleinia kea nu mahin̄ai God, kea gaituvwa be mwa bevegi la hal tavuha, gitaḡoroe.

1 Pita 3:14

Take gaituvwa n̄an be gov ron̄ ḡagarasi huri lolian tavuha, giḡo gom lai vatavuha. “Gosav matagu te hano be ram mataguinia; gisav Virururu tehe gin ginau Kerageki.”

1 Pita 3:9

Gisav lol te hantai be vi vol mulei hantai, i gisav av te hantai be vi vol mulei avoan hantai lalainigo. Take giv vol mulei mai vatavuha bwatuna be kimiu sibomiu gin uloiana be giv lol ginau geki huribe kimiu giv lai vatavuha.

1 Pita 4:19

Kera be ram ron̄ ḡagarasi kunia be God mwa doronia mwa du be rav butu alun God huri atmatera huribe kea bwatun tauva. I rav tu rahurahu ba lol havanau be nu Vavtutu.

Ravrava nin Jud 1:9

Len̄len̄a be muai enjel Maikol, lol taro be mwa bigaigai mai atmate be ihei vi lai rebehin Moses, i mwa harae be atmate nu vahala. Ninia gea, mwa bevea be, “God vi vevegigo!”