1 Korin 4:10 - Hano Niu Testamen

¹⁰ Bwatuna be tam lol rovoga huri Kraes, tam mai gi bwaḡele lolmatan atatu, take kimiu gin mataisaoga huribe kimiu non Kraes. Atatu ram ḡita bahivoi kamai, take ram binihi marahi kimiu.

1 Korin 4:10 ပူးပေါင်းရင်းမြစ်များ

Matiu 24:9

“Haḡe atatu rav vwirihi kimiu, rav lin̄ kimiu huri be rav lol ḡagaras kimiu i ba lol bamat kimiu. Atatu duluai rai varihai kimiu bwatuna inau.

Matiu 5:11

“Kimiu gabe atatu ram bev hantai kimiu, ram lol ḡagarasi kimiu, i ram hul hantai kimiu huri be kimiu noḡu atatu, kimiu mulei giv ron̄ mwandavuha.

Leo Tavuha gabe Luk nu Ravae 10:16

Haḡe Jisas mwa bevea lalai non roron̄tai be, “Ihei tehe mwa ron̄ kimiu mwa ron̄oau; take ihei tehe mwa barihai kimiu mwa barihaiau; i ihei tehe mwa barihaiau mwa barihai wani gabe nu horau.”

Leo Tavuha gabe Luk nu Ravae 18:9

Jisas mwa bev mulei avoan dalogai uhu lalai sinombu gabe ram binihi sagera sibora i ram barihai mutai atatu dodolua.

Leo Tavuha gabe Luk nu Ravae 6:22

“Kimiu gabe atatu ram hun̄ai kimiu, i ram barihai kimiu, i ram bev hantai kimiu, i ram bevea be kimiu atat hantai, bwatuna be inau Nitun Atatu; giv ron̄mwandavuha!

Lalaḡova 17:18

Haḡe ata Kris rituai ram dogo gabe ran mataisaoga maragai la halan alen̄an nora avoana. I kera n̄an radu gea ram dogo ram biavo avo maia. Kera rituai ram bevea be, “Wani gea mwa siv lai avoana gea n̄an bonogai kunia. Mwa do mwa bev hano gea?” I atatu mulei rituai ram bevea be, “Kamai gam ron̄oe be kea mwa do mwa avo huri ira tagaro ata lol ute dodolua.” Ram do ram avo bwatuna be Pol mwa do mwa bev seserai Jisas i mwa bevea be God mwa lolia mwa rahu mulei atagun mateanana.

Lalaḡova 17:32

I ram ron̄oe be Pol mwa avo huri tomarean mulei, kunia atatu rituai ram lolia n̄an gi sovu, take atatu rituai ram bevea be, “Gam doron be gov avo alun geki mulei.”

Lalaḡova 26:24

Haḡe mahavana be Pol mwa avo huria sibona kun geki, Vestas mwa haharigi aluna mwa bevea be, “Giḡo taltaleana, Pol! Nom hiḡehiḡe huri iloute gaivua mwa loligo gom daltale!”

Lalaḡova 9:16

I inau siboku nav seserai lalainia ginau duluai be kea vi ron̄ ḡagarasi ginia huriau.”

1 Korin 1:21

Alolon mataisao non God ureure mwa hav ilo te God sivi non mataisao sibona. Haḡe kunia God mwa ḡita luae be vi varahu atatu n̄ano be ram binihihimwasigi toretore bwaḡelega be tam doretore aluna.

1 Korin 1:23

Take gam doretore alun Kraes be nu voha bolvoloe. I geki mwa bora ginau vahala be gaivua lalai ira Jius, i ira Lolobon̄i ivusi ram binihia be ginau bwaḡelega.

1 Korin 1:25

Bwaḡele non God nu mataisaoga nin mataisao non atatu, i rahuan mandamanda non God kea nu muramuraga nin muramura non atatu.

1 Korin 10:12

Be gom binibe gon wasi, gov gitaḡoro be gosav hovi tehe.

1 Korin 2:14

Atatu be Vui Sabuga sigai alolona si hav lai te dum ira hogoi be mwa mai nin Vui non God, bwatuna be ginau keragea ram bwaḡelega n̄ano lol matara.

1 Korin 2:3

Batena be nan mai huri kimiu, nan mandamanda maragai, i nan matmatagu.

1 Korin 3:18

Gosav taltale te sibomwa! Be gomen vinihia be giḡo haḡea mataisao vai lol ureure geki, take gov lago kun gabe bwaḡele huri be gov mai dumwi gi mataisao mwasigi.

1 Korin 3:2

Silo vagahi be nan laia lalai kimiu nu ḡun hun huhu, nu hav wasi tehe kun ginaganiana vuroi be nu wasi, huria be kimiu gisav lai te dum ginaganian wasi. I vaivotu be kadogaha kimiu gim hav lol te vatuvwai radu,

1 Korin 4:8

Gom binihia be gom dogo huba mai ginau duluai be gom doronia. Gom binihia be giḡo gon rosoga. Gom binihia be gom mai gi ratahigi lavoa take kamai gam hav vora te ratahigi lavoa kunigo. Be mwasigi kimiu ratahigi lavoa nam samsamwara maragai be kamaru mulei garu vi mai gi ratahigi lavoa mai kimiu.

2 Korin 10:10

Atat rituai ram bevea be, “Ravrava non Pol mwa ron̄oana be raumatan ravrava i ram muramuraga, take bwatuna be kea abeda nu mandamanda. I non avoana mwa hav vora te ginau vwate”

2 Korin 11:19

Kimiu gin mataisaoga, i giv samwara be gimen haḡo alen̄ n̄ava mai daloi!

2 Korin 11:29

Batena be tuara vwate mwa beuga inau mulei nam ron̄ mwahantai, i nam lolovono tagaro be atat vwate mwa hovi lol bwatigoro.

2 Korin 13:9

Gam ron̄ mwandavuha be gav beuga, be kimiu giv mai wasi, i gam dataro be giv mai gi atat duluai.

2 Korin 4:12

Haḡe mateana mwa lol rovoga alolomai, take rahuana mwa lol rovogamai.

2 Korin 6:8

Atatu rituai ram dul bonogai vai alumai. Atatu ram bev ginau hahantai vai alumai, take rituai ram bev ginau tavuha. Rituai ram bevea be kamai atatun tenteneana, take kamai gam bev mwasigi.

1 Tesalonaeka 4:8

Ihei tehe be mwa hav tabe te non silo vagahi, mwa hav daha te atatu, take God gabe mwa lai non Vui Sabuga lalai gida.

1 Pita 4:14

Lol taro be atatu rav vev avoan hantai hurigo bwatuna be gom huri Kraes, giḡo gom lai vatavuha, bwatuna sarisarin vui, vui non God, mwa dogo maigo.