1 Korin 3:9 - Hano Niu Testamen

⁹ Gida duluai atatun rovoga non God, tam lol rovoga bulbulu haragaituvwa. Kimiu kun gabe ute loloara bilan God, i imwan God.

1 Korin 3:9 ပူးပေါင်းရင်းမြစ်များ

Matiu 15:13

Jisas mwa bevea be, “Ririvuana gabe Tamaḡu lol atamare nu hav rivua tehe vi dan̄ kaburainira.

Matiu 16:18

Nam bev mwasigi lalainigo, Pita: giḡo vatu, i alun vatu geki nav tari noḡu Uloilua. I mateana si hav rihu te maragai ninia.

Matiu 9:37

Haḡe Jisas mwa bevea lalainira non roron̄tai be, “Gita, ginaganiana gaivua maragai lolo ara, take atatu gaiviha n̄an ram lol vatuvwai be rav laia vai an vanua.

Leo Tavuha gabe Mak nu Ravae 16:20

Ira roron̄tai ram ban ram doretore vataha ute, i Ratahigi mwa lalaḡo bul maira i mwa dovon̄ainia be nora toretore nu mwasigi gin ginau dan̄an̄a ivusi be ram lolia.] [

Lalaḡova 4:11

Jisas kea atatu gabe ravrava sabuga mwa bevea huria be, ‘Vatu gabe kimiu ira haḡohaḡo imwa gin vev dagarae mwa mai gi muana alolora duluai.’

1 Korin 3:16

Matuke gim hav iloe tehe be kimiu imwa tataro non God i be kunia Vui Sabuga non God mwa dogo alolomiu.

1 Korin 3:6

Inau nan riv biri, i Apolos mwa ruhua gin wai. Take God kea n̄an atatu gaituvwa be mwa lolia mwa mauri.

1 Korin 6:19

Mwa du maragai be gov iloe be rebehimwa kea imwa tataro non Vui Sabuga gahena mwa dogo alolomwa. Gon lai Vui Sabuga huba nin God. Haḡe kunia giḡo gom hav mom bora te bilamwa sibomwa,

2 Korin 6:1

I gam lol rovoga bul mai God, i gam hudali kimiu be gisav lin̄ te hogoi be gin laira huba nin God be rai van sabwelei.

2 Korin 6:16

Imwan God sihav damei te dum mai nun Vatu, i gida imwan God rahu. God nu vevea be, “Nav togo maira i nav lago maira, Nai vora nora God, i kera rai vora noḡu sinombu.”

Ifisas 2:10

God nu loli gida be tav togo haḡea kun geki. Lol Kraes Jisas, God nu lol gida be tav lol rovoga tavuha, gabe God mwa lol daua lol non hogoi huri gida be rahuda vi togo mai nonda lalaḡova.

Kolosi 2:7

Giv tau bwatbwatumiu vi roro aluna i giv lol rahumiu vi mauri aluna. Giv tu wasi lol binihimwasigi garagusi, kun be gin lai silo vagahina, i giv masiri gin tabeana.

1 Timoti 3:15

Take be ginau vwate vi vahala batena be nam hav mai te radu, vuvuri gaituvwa be nam ravrava, gim ilo halana be giv togo kun be atatu ata lol imwan God. Imwa gea imwa tataro non God be mwa rahu vai tuai, gaitura i bwatutun mwasigi.

Hibru 3:6

Take Kraes, kea nitun God, i mwa binihi garagusi be vi gitaḡoro la imwan God. Batena be tav binihimwasigi wasigi alun God, i tam dau nonda binihiva mwa du wasigi aluna, gida tam mai gi imwan God.

1 Pita 2:5

Kimiu mulei gin ḡun vatun rahuana, i giv lin̄ kimiu sibomiu ba lol tanon tataroi sabuga i be giv ḡun lalaḡo sabuga gabe mwa lai tataroi tuntun sabuga lalai God. Kea vi lai ira tataroi geki sivi Jisas Kraes.

3 Jon 1:8

Haḡe tav bului atatu Kunia; lol taro be tav lolia, tam bulbulu lol nora rovoga huri mwasigi.