1 Korin 3:16 - Hano Niu Testamen

¹⁶ Matuke gim hav iloe tehe be kimiu imwa tataro non God i be kunia Vui Sabuga non God mwa dogo alolomiu.

1 Korin 3:16 ပူးပေါင်းရင်းမြစ်များ

Leo Tavuha gabe Jon nu Ravae 14:17

Kea haḡea vui gabe vi seserai mwasigi huri God. Ureure sihav lai te ḡoḡo dumwia, bwatuna gabe mwa hav gitae tehe, sage mwa hav iloe tehe. Take kimiu gim iloe, bwatuna be mwa dogo mai kimiu i kea alolomiu.”

Ravrava non Pol lalai ata Rom 6:16

Kunia gom iloe huba, lol taro be gom lin̄igo sibomwa gi turin rovoga lalai atatu be gov tabea, kea gom bora turi non atatu gea. Atatu be gom dabe silona kea haḡea nom ratahigi lavoa. Gov huri dum vuro, be mwa lai mateana sa gov tabe dum God, kea gabe gom bavtutu la lolmatana.

Ravrava non Pol lalai ata Rom 6:3

Gim binihi malioi be gida duluai tam mai gi udun Kraes Jisas lol taro be tam ḡaruhisabuga? Tam hara mateanana lol nonda garuhisabuga.

Ravrava non Pol lalai ata Rom 8:11

God nu lol domarei mulei Jisas nin mateana, i kebe Vui Sabuga non God mwa dogo maigo, kea vi lai rahuana mulei lalai rebehimwa be mwa mate. God kea haḡea be nu lol domarei mulei Jisas nin mateana, i vi lai rahuana sivi non Vui Sabuga be mwa dogo alolomwa.

Ravrava non Pol lalai ata Rom 8:9

Ta giḡo rahumwa si hav togo tehe la vuromwa sibomwa. Giḡo gom dogo halaten Vui Sabuga, kebe Vui Sabuga non God mwasigi mwa dogo maigo. Ta atatu be mwa hav haḡo te Vui Sabuga non Kraes, kea mwa hav vora te non Kraes.

1 Korin 3:17

Be ihei tehe be mwa salan̄ai kaburai imwa tataro non God, kunia God vi lol kaburai wani gea mulei, bwatuna be imwa tataro non God nu sabuga i giḡo haḡea imwa tataro gea.

1 Korin 3:9

Gida duluai atatun rovoga non God, tam lol rovoga bulbulu haragaituvwa. Kimiu kun gabe ute loloara bilan God, i imwan God.

1 Korin 5:6

Nom avoan sasagerega ivusi butbutui nu hav tavuha tehe. Kimiu giv ilo avoana geki, “Marahan is kolo n̄ano mwa lol vulaoa mwa buge maragai tanona mwa masiri latlate.”

1 Korin 6:16

Mwa ravae lol ravrava sabuga be, “Atatu gairua raru vi vora rebehi gaituvwa.” Haḡe kunia mwa du be gov iloe be ihei tehe be mwa bulu mai vavinen rovrovoi homu, kea mwa bora rebehi gaituvwa mai atat bwatigoro.

1 Korin 6:19

Mwa du maragai be gov iloe be rebehimwa kea imwa tataro non Vui Sabuga gahena mwa dogo alolomwa. Gon lai Vui Sabuga huba nin God. Haḡe kunia giḡo gom hav mom bora te bilamwa sibomwa,

1 Korin 6:9

Nam bev mwasigi lalai kimiu be atatu ram lalaḡo bahala rasav haḡo te dum houn ute Ratahigi non God. Gosav dadaloiga tehe. Kera gabe ram bulu alun rebehin vavine mai atamwani ram buroga gin bwatigoron lagiana ram ḡogonai nunu buhiga take ram bulbulu alun rebehin lagiana sage ira atamwani gabe ram bol mulei rebehin atamwani dolua ram bulu maia,

1 Korin 9:13

Kunia mulei gim iloe be kera be ram lol rovoga lol imwa tataro ram lai gara ginau nin imwa tataro, i kera be ram lol rovoga la batan ginaganianan sabuga, ram lai ududun ginau be mwa laiana i hogoi aia.

1 Korin 9:24

Gom iloe be lol taron rovoana, atatu n̄oto rav rovo take atatu n̄an gaituvwa be vi lai tabeana. Haḡe giv rovo huribe giv lai tabeana gea.

2 Korin 6:16

Imwan God sihav damei te dum mai nun Vatu, i gida imwan God rahu. God nu vevea be, “Nav togo maira i nav lago maira, Nai vora nora God, i kera rai vora noḡu sinombu.”

1 Timoti 3:15

Take be ginau vwate vi vahala batena be nam hav mai te radu, vuvuri gaituvwa be nam ravrava, gim ilo halana be giv togo kun be atatu ata lol imwan God. Imwa gea imwa tataro non God be mwa rahu vai tuai, gaitura i bwatutun mwasigi.

2 Timoti 1:14

Gov haḡo wasi ginau tavtavuha duluai be nan taua lol rahumwa. Vui Sabuga be mwa dogo alolomai mwa lai muramura lalainigo huri ginau geki.

Hibru 3:6

Take Kraes, kea nitun God, i mwa binihi garagusi be vi gitaḡoro la imwan God. Batena be tav binihimwasigi wasigi alun God, i tam dau nonda binihiva mwa du wasigi aluna, gida tam mai gi imwan God.

Jemes 4:4

Take gom hav mwasigi tehe lalai God! Gom iloe be doronivanan ginau ata lol ureure nuḡun atatu be mwa barihai God? Atatu be mwa doron be men mai gi tuan ureure kea mwa bora ivwalu non God.

1 Pita 2:5

Kimiu mulei gin ḡun vatun rahuana, i giv lin̄ kimiu sibomiu ba lol tanon tataroi sabuga i be giv ḡun lalaḡo sabuga gabe mwa lai tataroi tuntun sabuga lalai God. Kea vi lai ira tataroi geki sivi Jisas Kraes.

1 Jon 4:12

Atatu vwate mwa hav gita te God radu, i non tabeana mwasigi mwa dogo aloloda.