1 Korin 2:6 - Hano Niu Testamen

⁶ Gaituvwa n̄an be nam avo lalainira gabe ram ilo halan ginau huba. Take mataisao geki nu hav vora te ata lol ureure geki, sage nin ira tomuai ata lol ureure geki gabe ran salai nora muramura huba.

1 Korin 2:6 ပူးပေါင်းရင်းမြစ်များ

Matiu 13:22

Biri gabe mwa hovi lol ḡauli, nu ḡun atatu gabe mwa ron̄ avoana, take kalkalianan ureure i doroniva non rosomiu mwa haravui avoana tavuha be nu ron̄oe, i mwa hav vwae tehe.

Matiu 19:21

Haḡe Jisas mwa bevea lalainia be, “Be gom doron be gov to vavtutu rahurahu, vano ba salei nom viloḡoana, i gov lai homuna lalai ira hiru. Kunia, gov lai rosomwa lol ute atamare. Vuvuri gov mai ba huriau.”

Matiu 5:48

Mwa du be giv to vavtutu tavuhai kun Tamamiu amare mwa do vavtutu tavuhai.

Leo Tavuha gabe Luk nu Ravae 16:8

“Haḡe gitaḡoro hantai mwa lol vavtutui halan non lalaḡova i kunia non ratahigi mwa avkari maragai nia huri be kea atat mataisao. Bwatuna ira atatu ata lol ureure ran mataisaoga huri lalaḡova nin nira ata lol gigita.”

1 Korin 1:28

Hano be ureure mwa ḡita bahivoinia i mwa binihia be kea ginau vuroi n̄ano kea havanau be God nu haḡoe be vi lol kaburaiana i havanau be ureure mwa binihia be kea raumatana.

1 Korin 12:8

Vui Sabuga mwa lai lalai atatu vwate be vi avo gin mataisao, i Vui Sabuga n̄an gea mwa laia lalai atatu dolua be vi avo gin iloilo.

1 Korin 14:20

Ira tuaku, gisav binbinihi tehe kun gabe ira naturigi, lol ginau lete giv vora kun naturigi memea be mwa siv vora be mwa gav ilo te ginau vahala vwate. Take lol binihimwa goi vora kun atat gaivua.

1 Korin 2:1

Ira tuaku mai ira hogosiku, mahavana be nan mai huri kimiu be namen toretore huri avoan dahuligi non God, nan hav vev toretore tehe gin avoan lalavoa sa avoan ririhai.

1 Korin 2:13

Take avoana n̄oto be tam avo aluna Vui Sabuga non God nu vagahi gida aluna, take mwa hav vora te gin mataisao non atatu vuroi. Take Vui Sabuga n̄an mulei gea mwa bului gida be tam bagahi ginau Sabuga lalai atat Sabuga.

1 Korin 2:8

Vwate nin ira tomuai ata lol ureure geki nu hav ilo te dum mataisao gea. Be ras ilo dum batoia, rasav voha te bolvolo Ratahigi roroa.

1 Korin 3:1

Ira tuaku mai ira hogosiku, tuai huba nan hav avo te mai kimiu kun gabe nam avo mai atatu be ran masiri gin Vui Sabuga. Nan avo mai kimiu kun gabe nam avo mai atatu be Vui Sabuga sigai, kun naturirigi lol binihimwasigi garagusi alun Kraes.

2 Korin 1:12

Geki hano be gam ron̄ mwandavuha huria, i nai vev dumwia gin binihi melmelo be: lol ginau duluai be gan lolira huba lol ureure, liuhage mai kimiu gan vavtutu i gan mwasigi lol irubwi huri God. Gan lol dumwia gin hogoi non God, nu hav vora te gin mataisao be ureure mwa do maia

2 Korin 13:11

Kadogaha, ira tuaku nam bevea be tai vilin̄lin̄i. Giv lol ron̄oe be giv mai gi atat duluai. Giv lol havanau be nan hudali kimiu be giv togo lol tamwata. Vuvuri God be kea lolotabetabe i tamwata vi togo mai kimiu.

2 Korin 4:3

Be Leo Tavuha be gim doretore hurira binihiva huria mwa hili, mwa hili n̄an lalainira be ram sala.

2 Korin 4:4

Setan be mwa lalaḡoi ureure uhu mwa lol binihiva ram matagaraga. Kera be ram hav binihi te mwasigi. Rasav gita te dum gigitan Leo Tavuha. Leo Tavuha huri sarisarin Kraes, kea gaituvwa n̄an mai God.

Ifisas 2:2

Uwe, tuai gin togo la rahuana be ureure nu togo aluna, gin huri tomuai non ira Vui hantai gabe ran togo la ulun ureure. Vui n̄an haḡe gea be mwa lol rovoga alolon irahei gabe ram barihai be rav tabe God.

Kolosi 1:28

I tav tu rahurahu be tav toretore huri Kraes lalai atat gaitutuvwai, tav haḡo mataisao duluai be tai vev dau i tav vagahi atatu duluai, la hala be tav lai gaitutuvwainira vai aben God kun gabe atat mituaga lol Kraes.

Kolosi 4:12

Epavras, atatun rovoga non Jisas Kraes, lol nomiu tatan̄ana, mwa lai non avoan helheloi lalai kimiu. Mwa dataro vataha gubwen̄ hurigo be gov mauri lol Vui Mituaga i gov haḡo ginau duluai be God mwa doronia hurigo.

Hibru 5:14

Hala vwate huri ginaganianan wasi gea huri atat lalavoa n̄ano, be ran lalaḡo huba tuai i ram ilo hala huri vavtutu i lete.

Hibru 6:1

Huri ginau geki si tavuha maragai be tas van bavtutu la avoana be mwa lol gida tam mituaga huba lol nonda binihimwasigi garagusi. Tasav mom lol te mulei bwatbwatun imwa. Gim ilo ginau kera geki huba. Mwa hav tu tehe be gisav mom lol te mulei alen̄a gea be tamen avoinia be gida tav leahi rahuda nin alen̄a ata tuai be nu salai gida nin God.

Jemes 3:15

Lalan̄an mataisao kun geki mwa hav mai te nin amare. Take nin ureure, kea nu hav vorate non vui, kea mwa mai nin atmate.

Jemes 3:2

Gida duluai tam lol vahalana ivusi. Kebe atatu rasav vev te ginau vahala, kera rav vavtutu i rav vwalau dum rebehira sibora.

1 Pita 5:10

I ataguna be giv ron̄ ḡagarasi huri taro vwelvwele gea, God, gabe mwa lai hogoi duluai, vi lol ginau tavuha duluai rav vavtutu. Kea vi lol kimiu giv wasi i vi tu wasigi mai kimiu bereva gim hovi. Mwa uloi kimiu be giv bete mai sarisari lol Kraes, sarisari be vi tu rahurahu vai tuai.