1 Korin 2:13 - Hano Niu Testamen

¹³ Take avoana n̄oto be tam avo aluna Vui Sabuga non God nu vagahi gida aluna, take mwa hav vora te gin mataisao non atatu vuroi. Take Vui Sabuga n̄an mulei gea mwa bului gida be tam bagahi ginau Sabuga lalai atat Sabuga.

1 Korin 2:13 ပူးပေါင်းရင်းမြစ်များ

Leo Tavuha gabe Luk nu Ravae 12:12

Bwatuna be Vui Sabuga vi vagahi kimiu lol mahavana gea huri hano be giv vevea.”

Lalaḡova 2:4

Haḡe kera duluai ram masiri gin Vui Sabuga, i ram dau bwatuna ram avo gin avoan dodolua, kun gabe Vui Sabuga mwa lolira be rav avo.

1 Korin 1:17

Kraes nu hav horau tehe be namen garuhisabugai sinombu take huri be nav toretore huri Roroi Tavuha, be avoana lol mataisao non atatu sihav en te alolona huria be muramura alolon volovolo non Kraes sihav sala tehe.

1 Korin 14:2

Kera gabe ram haḡo hogoi be ram avo gin avoan dodolua, vorate ram avo mai atatu; ram avo lalai God. Atatu vwate mwa hav ron̄ te batoira; ram avo huri ginau dahuligi sivi vui.

1 Korin 2:1

Ira tuaku mai ira hogosiku, mahavana be nan mai huri kimiu be namen toretore huri avoan dahuligi non God, nan hav vev toretore tehe gin avoan lalavoa sa avoan ririhai.

1 Korin 2:14

Atatu be Vui Sabuga sigai alolona si hav lai te dum ira hogoi be mwa mai nin Vui non God, bwatuna be ginau keragea ram bwaḡelega n̄ano lol matara.

1 Korin 2:4

Ira noḡu silo vagahi mai toretore nu hav vora te gin avoana vuroi alun mataisao non atatu be men lol atatu gim matagu take gin mwasigin mataisao be Vui mwa hogoinia.

1 Korin 9:11

Nav tau bwatuna be nav riv birin vui alolomiu. Kun hanigi? Nu vavtutu be gav lai tavwe huri kimiu?

Ifisas 5:19

Giv avo lalai vatvataha kimiu gin samsamwara, i iboi, i iboi ata lol vui, giv lol iboi ba lol iboi mwa gologolo lol sibwen̄imiu lalai Ratahigi.

Kolosi 3:16

Giv lin̄ silo vagahi non Kraes vi togo mai kimiu tagaro. Giv haḡo mataisao n̄oto be giv vagahi i giv iloilo kimiu be giv lol iboi, iboin tataro mai iboi sabuga gin avoan avkari lol irubwimiu lalai God.

1 Pita 1:12

God nu seserainia lalainira be nora rovoga nu hav vorate hurira Sibora take huri kimiu, lol taro be nu veveana na ira mwasigi be gim ron̄oe kadogaha. Kera be ram doretore huri Roroi Tavuha lalai kimiu ran vev ginau kerageki mai buluiana non Vui Sabuga gabe nu horana nin ute atamare ginau alolona gabe ira enjel ram doronia be rav gitae.

2 Pita 1:16

Lol taro be gan vevea lalai kimiu huri muramuran maiana non Kraes nonda Ratahigi Jisas Kraes, Kamai gan hav vev te vevuri mataisaoga n̄ano be mwa mai nin binihin atatu gaituvwa. Take kamai gan gita ute lavoa non Jisas gin matamai sibomai.