1 Korin 2:12 - Hano Niu Testamen

¹² Kunia gida tam hav lai te Vui ata lol ureure; take tam lai Vui n̄ano be mwa mai nin God, huria be tav ilo dum havanau duluai be God mwa laia lalai gida.

1 Korin 2:12 ပူးပေါင်းရင်းမြစ်များ

Ravrava non Pol lalai ata Rom 8:1

I kadogaha, kera gabe ram rahu mai Kraes Jisas, kera varate ram lai silo vevegi wasi.

Ravrava non Pol lalai ata Rom 8:32

God mwa hav usi te nituna ta mwa mahin̄ainia be vi mate huri gida duluai. I bulmai Jisas, God vi lai ginau n̄oto lalai gida.

1 Korin 1:27

Take God nu gita lua ginau bwaḡelega ata lol ureure be men lol busbusi ira mataisao. I mwa ḡita lua ginau mandamanda ata lol ureure be men lol busbusi ira muramura.

1 Korin 2:6

Gaituvwa n̄an be nam avo lalainira gabe ram ilo halan ginau huba. Take mataisao geki nu hav vora te ata lol ureure geki, sage nin ira tomuai ata lol ureure geki gabe ran salai nora muramura huba.

1 Korin 3:22

Pol, Apolos mai Pita; ureure geki, rahuana i mateana, gubwen̄i garigi i vainon̄oiha geki duluai nomiu,

2 Korin 4:4

Setan be mwa lalaḡoi ureure uhu mwa lol binihiva ram matagaraga. Kera be ram hav binihi te mwasigi. Rasav gita te dum gigitan Leo Tavuha. Leo Tavuha huri sarisarin Kraes, kea gaituvwa n̄an mai God.

Ifisas 2:2

Uwe, tuai gin togo la rahuana be ureure nu togo aluna, gin huri tomuai non ira Vui hantai gabe ran togo la ulun ureure. Vui n̄an haḡe gea be mwa lol rovoga alolon irahei gabe ram barihai be rav tabe God.

Jemes 4:5

Gom binihia be binihivanan ravrava sabuga sigai be mwa bevea be, “Vui be God mwa daua aloloda nu masiri gin binbinihi hahantai.”

1 Jon 2:20

Kraes mwa lol sabugainigo gin Vui Sabuga. I kadogaha kimiu duluai, gim iloe.

1 Jon 2:27

Kraes mwa batavuhai kimiu gin Vui Sabuga! I vui mwa dogo alolomiu, i gim hav mom doron te atatu mulei be men vagahi kimiu. Vui kea nu mwasigi i mwa bagahi kimiu huri ginau duluai. I giv tu wasigi nan alun Kraes, kun gabe vui mwa bagahi kimiu be giv tu wasigi aluna.

Visirai 12:9

I ram bohai kaburai drakon, kea teltele bwatavwega ataa lol ureure tuai be mwa uloiana be Atmate, sa Setan be mwa sine ureure duluai. Kea mwa bohaiana himai vai lol ureure geki, maira non enjel duluai.

Visirai 22:6

Haḡe mwa bevea lalaiau be: “Avoana kera geki rav mwasigi, i mwa du be vi vinihi mwasigiana na Ratahigi God n̄ano mwa domuai rahun non atatun vevsera, i kea n̄an gaituvwa be nu hora non enjel be vi seserainia lalai ira non atatun rovoga havanau be vi loli be ramen loli darihou.”