1 Korin 2:10 - Hano Niu Testamen

¹⁰ Take God mwa baseserai ginau geki sivi Vui Sabuga. Vui Sabuga mwa seserai lua ginau kera geki, vaivotu be ginau dahuligi non God.

1 Korin 2:10 ပူးပေါင်းရင်းမြစ်များ

Matiu 13:11

Haḡe kea mwa avkorora be, “Mwa hogoi lalai kimiu be gimen ilo ginau ririhai huri Ute Lavoa atamare, take mwa hav hogoi tehe lalainira.

Matiu 16:17

Jisas mwa bwaliua be, “Saemon nitun Jon, nu tavuha maragai lalainigo! Bwatuna be mwasigi geki mwa hav mai te lalainigo nin atatu vuroi, take mwa himai rahurahu nin Tamaḡu amare.

Leo Tavuha gabe Luk nu Ravae 10:21

Lol mahavan gea Jisas mwa masiri gin samwarana gin Vui Sabuga, i mwa bevea be, “Tata, giḡo Ratahigi ḡoro amare i lol ureure! Nam avkari maragainigo, bwatuna gon lol bisirai lalainira bwaḡele hano gon tahulinia nin ira mataisao. Mwasigi, Tata, geki haḡea halana gon doron be vi loli kunia.”

Leo Tavuha gabe Luk nu Ravae 2:26

i nu lol bisirai lalainia be si hav gita te mateana vava vi gita Wani Vurai gabe Ratahigi nu tatauleo huria.

Leo Tavuha gabe Jon nu Ravae 14:26

Gaituramiu gabe Vui Sabuga, kea gabe Tata vi horae lol ihaku, vi vagahi kimiu alun ginau duluai i vi lol kimiu giv vinihi dum ginau duluai gabe nan vevea lalai kimiu.”

Leo Tavuha gabe Jon nu Ravae 16:13

Mahavana be Vui vi mai, vi lol bisirai mwasigi huri God i kea vi tomuai kimiu vai lol mwasigi duluai. Kea sihav avo te alun non roron̄o sibona, take vi avo alun ginau gabe nu ron̄oe i vi vev ginau lalai kimiu gabe rav mai radu.

1 Korin 14:30

Be roroi tavuha non God mwa mai lalai atat dolua be mwa dogo, muan atatu be mwa avo vi mambu.

1 Korin 2:11

Take nonda vui n̄ano be mwa dogo alolona mwa ilo tavuhai gida; la hala mulei gea, Vui Sabuga non God n̄ano mwa ilo tavuhai God.

Kelesia 1:12

Nam hav laia tehe nin atatu vuroi, sage atatu vwate mwa hav vagahiau tehe ginia, take Jisas Kraes nu vagahiau ginia.

Ifisas 3:3

Nu mahin̄aiau be nav ilo non taritari dahuligi ginia be mwa bagahiau ginia. Nan ravae tiri kolo huba hurira geki.

Ifisas 3:5

Sinombu be ran togo lol taro dolua nu hav vev te ginau dahuligi gea lalainira. Take kadogaha, sivi Vui, God nu seserai ginau dahuligi gea lalai non ira hala sabuga mai ira atatun vevsera.

1 Timoti 4:1

Kadogaha Vui Sabuga mwa bevea mwa melmelo be vai ataguna atatu rituai rav van dagai nin nora binihimwasigi garagusi. Rav huri Vui be mwa dentene i mwa huri silo vagahi non atmate.

1 Pita 1:12

God nu seserainia lalainira be nora rovoga nu hav vorate hurira Sibora take huri kimiu, lol taro be nu veveana na ira mwasigi be gim ron̄oe kadogaha. Kera be ram doretore huri Roroi Tavuha lalai kimiu ran vev ginau kerageki mai buluiana non Vui Sabuga gabe nu horana nin ute atamare ginau alolona gabe ira enjel ram doronia be rav gitae.

1 Jon 2:20

Kraes mwa lol sabugainigo gin Vui Sabuga. I kadogaha kimiu duluai, gim iloe.

1 Jon 2:27

Kraes mwa batavuhai kimiu gin Vui Sabuga! I vui mwa dogo alolomiu, i gim hav mom doron te atatu mulei be men vagahi kimiu. Vui kea nu mwasigi i mwa bagahi kimiu huri ginau duluai. I giv tu wasigi nan alun Kraes, kun gabe vui mwa bagahi kimiu be giv tu wasigi aluna.

Visirai 1:1

Geki hano be Jon nu ravae huri Jisas Kraes be God nu laia lalainia, be vi seserainia lalai ira non atatun rovoga huri havanau be vi loli. I Jisas mwa hora non enjel be rav seserainia lalai non atatun rovoga Jon,

Visirai 2:24

“Take kimiu duluai lol vanua Taeatira gim hav huri te silo vagahi bahala geki; kimiu gim hav huri te vahalana gea gabe ram uloinia be mwasin avoan tavuha non Setan be binihivanana mwa du dahuligi, i inau nam haḡo nomiu avoana mulei. Nam doron be nav tau ginau marahi rituai mulei la isibwamiu,