1 Korin 16:16 - Hano Niu Testamen

¹⁶ be giv huri tomuai non atatu kungeki mai irahei tehe be ram lol rovoga i ram lalaḡo maira.

1 Korin 16:16 ပူးပေါင်းရင်းမြစ်များ

Ravrava non Pol lalai ata Rom 16:12

Avoan helheloi mulei lalai Trivena i Trivosa, ira vavine gabe ran lol rovoga hahavwani huri God. Avoan helheloi lalai buluana Pesis, kea gabe nu lol rovoga hahavwani mulei huri God.

Ravrava non Pol lalai ata Rom 16:3

Giv lai noḡu avoan laiḡoḡo lalai Prisila i Akwila, be raru lol rovoga maiau lol ihan Kraes Jisas,

Ravrava non Pol lalai ata Rom 16:6

Avoan helheloi mulei lalai Mere, be nu lol rovoga hahavwani huri kimiu.

Ravrava non Pol lalai ata Rom 16:9

Avoan helheloi lalai Abanas, nu lol rovoga maiau huri Kraes. I avoan helheloi mulei lalai buluana Stakis.

1 Korin 12:28

Lol uloilua, God nu lai tanoi lalai atatu n̄oto, muana lalai ira hala, i gairuana lalai ira atatun vevsera, i gaitoluna lalai ira vagahi. I God nu lai ute lalainira be ram lol ginau dan̄an̄a, kera gabe ram barahu, kera be ram bului dum atat dolua, kera gabe ram ḡitaḡoro atat dodolua, i kera be ram avo dum la avoan dodolua. N̄oto vorate ira hala.

1 Korin 3:9

Gida duluai atatun rovoga non God, tam lol rovoga bulbulu haragaituvwa. Kimiu kun gabe ute loloara bilan God, i imwan God.

Ifisas 5:21

Giru vi vinihi marahi mulmulei kimiru kun be gumuru binihi marahi Kraes.

Filipae 4:3

I nam hudali kimiu, ira tuaku be gin masiri gin binihimwasigi, giv bului ira vavine uhu. Kera ram lol rovoga buluiau be ramen vev Roroi tavuha, kera mai Klemen i rituai mulei be ram lol rovoga maiau, ihara nu ravana lol bukan rahuana.

1 Tesalonaeka 1:3

Gam binihi dumwia tagaro lolmatan God Tamanda ginau duluai be gin lolia huba, bwatuna nomiu binihimwasigi garagusi i rovoga be gin lolia bwatuna nomiu lolotabetabe. I gam avkaria be gim wasi radu bwatun nomiu doronhohov lol Ratahigi Jisas Kraes.

1 Tesalonaeka 2:9

Ira tuaku, nam iloe be gim binihi dum nomai rovoga hahavwani i taro ririhai duluai. Gan lol rovoga hahavwani i taro ririhai duluai. Gan lol rovoga bon̄i i ute rani be gasav mai tehe gi marahin rovoga lalai ihei tehe alolomiu, taro be gan toretore huri Roroi Tavuha non God lalai kimiu.

1 Tesalonaeka 5:12

Kadogaha, ira tuaku, gam hudali kimiu be, giv binihimarahi kera be ram lol rovoga hahavwani mai kimiu, kera be ram domuai kimiu vai lol Ratahigi i ram bagahi kimiu.

1 Timoti 5:17

Ira tomuai be ram domuai tavuha uloilua rav lai tanon binihi marahi amare liu, liuhage hurira be ram lol rovoga hahavwani gin avoana i silo vagahi.

Hibru 13:17

Giv ron̄ silon nomiu tomuai, i giv huri nora avoana. Ram gitaḡoro tavuhai kimiu be ram hav mambu tehe. I rav vev ginau n̄oton̄oto lalai God huri havanau be ram lolia. Be giv ron̄ silora kera rav ron̄ mwandavuha lol nora rovoga. Be gosav ron̄ora tehe kera rav ron̄ mwahantai. Ginau gea barabe vi bului dum kimiu.

Hibru 13:24

Nam navohi kimiu be giv lai noḡu avoan helheloi lalai nomiu ira tomuai mai ira sinombu non God duluai. Ira non atatun rovoga Itali mulei, ran lai nora avoan helheloi lalai kimiu.

Hibru 6:10

Huri alen̄an God vataha mahavana nu tavuha n̄ano. I kea sihav vinihi te dum malioi rovoga duluai gea be gin lolia. I kea vi vinihi dumwia be kimiu gim dabea lol nomiu doroniva liu, i be gin bului raduinira atatun uloilua dodolua, i gin bului raduinira.

1 Pita 5:5

La hala n̄an gea, ira mwalaḡelo gara mwa du maragai be giv togo halaten ira bwatmetue. I kimiu duluai mwa du maragai be giv binihi bahivoi kimiu gaitutuvwai. “God mwa avo vai alun ravwegana, take mwa lai vatavuha lalai ira lolo maḡemu.”

3 Jon 1:8

Haḡe tav bului atatu Kunia; lol taro be tav lolia, tam bulbulu lol nora rovoga huri mwasigi.

Visirai 2:3

Nam iloe huba be binihimiu n̄ava. Atatu ram lol ḡagaras kimiu gim ron̄ mwa hantai lol rebehimiu huri ihaku take binihimiu mwa hav hovi tehe.