1 Korin 15:6 - Hano Niu Testamen

⁶ Ataguna gea, atatu nu liu nin vudolua valima ran gitae lol taro n̄an gea. Rituai ram rahu garigi, take rituai ran mate.

1 Korin 15:6 ပူးပေါင်းရင်းမြစ်များ

Matiu 28:10

Jisas mwa bevea lalainira be, “Giru si hav matagu tehe. Take giru van ba bevea lalai ira tuaku be rai van vai Kalili, i rav gitau aia.”

Leo Tavuha gabe Mak nu Ravae 16:7

Giru van ba bev roroi uhu lalai ira non roron̄tai mai Pita: ‘Be kea mwa ban dotomua nin kimiu vai Kalili giv gitae aia, kunia gabe nu vev daua lalai kimiu amua.’ ”

Lalaḡova 13:36

Bwatuna be Deved nu lalaḡo lalai God lol taron non rovoga mau, vaivotu kea mwa mate i mai ira sibina, i rebehina mwa boboga lol tano.

Lalaḡova 7:60

Kea mwa sisiabwau mwa haharigi gin silo gaivua mwa bevea be, “Ratahigi! Gosav vului te nora bwatigoro.” Kea mwa bev avoana geki i mwa mwaruruhi.

1 Korin 15:18

Take be Kraes nu hav tomare tehe nin mateana, ira atat binihimwasigi n̄oto be ran mate huba ran vano.

1 Korin 15:20

Take Kraes mwasigi nu tomare nin mateana muana i mwasigi be irahei be ram maturu lol mateana rav tomare kunia.

1 Tesalonaeka 4:13

Ira tuaku, gam doron kimiu be giv iloe huri atatun Kraes be ran mate, be gisav ron̄ te mwahantai, kunira rituai be nora doronhohov sigai.

1 Tesalonaeka 4:15

Havanau be gam bevea lalai kimiu kadogaha kea roroi non Ratahigi sibona. Kamai be gam rahu batena be Ratahigi vi mai mulei sihav vano tehe amua nin kera be ram mate huba.

2 Pita 3:4

Kera rav vevea be, “Jisas nu tatauleo be vi mai mulei. Kea behe? Ira tamanda ran mate, take Ureure mwa du radu kunia be nu gitana lol taro be nu loliana.”