1 Korin 15:3 - Hano Niu Testamen

³ Nam lai lalainigo hano be nu mai lalaiau, be nu liu maragai: be Kraes nu mate huri vuroda, kun avoan sabuga mwa bevea be;

1 Korin 15:3 ပူးပေါင်းရင်းမြစ်များ

Matiu 26:24

Inau Nitun Atatu nav mate kun mwa ravae tuai huriau lol Ravrava Sabuga. Take vi hantai maragai lalai wani gea be vi lin̄iau Nitun Atatu vai lol limara. Nu tavuha maragai lalai wani gea be si hav vora tehe!”

Matiu 26:28

Geki dagaku be men lol tatauleo non God be men tu. Dagaku gea vi rovo huri be God vi tugu kaburai vuron sinombu ivusi.

Leo Tavuha gabe Luk nu Ravae 24:25

Jisas mwa bevea lalainira be, “Ira daloi, gim ravrava maragai be gimen binihimwasigi ginau duluai gabe ira atatun vevsera ran vevea!

Leo Tavuha gabe Jon nu Ravae 1:29

Haḡe gubwen̄ dolua Jon mwa ḡita Jisas mwa mai huria, mwa bevea be, “Kea ha kahaḡa be Nitui Sipsip bilan God, gabe mwa lai dagai vuron ureure!

Lalaḡova 17:2

Haḡe Pol mwa lolia n̄an hurin alen̄ana gabe mwa lolia tagaro, i mwa haroro lol imwa tataro. Kea mwa dogo aia huri gubwen̄ mambuharai gaitolu, mwa haḡo avoana,

Lalaḡova 3:18

God nu vev serae tuai lalai ira atatun vevsera be Wani Vurai gabe kea vi horae, vi ron̄ ḡagarasi, i non avoana mwa mai gi mwasigi la hala geki.

Lalaḡova 8:32

Geki haḡea tavihen avoan a gabe nu vasogoe, i mwa bevea be, “Kun sipsip gabe mwa laiana be men wehiana, kun sipsip mwa buhiga mahavana be ram bal kaburai iluna, i mwa hav vev te avoana vwate.

Ravrava non Pol lalai ata Rom 3:25

God nu laia la hala be vi vinihi kaburai vuro sivi binihimwasigi garagusi la dagan Jisas be nu mate. Geki mwa melmelo be God mwa lol hano nu vavtutu i nu tavuha, kunia tuai lol taro be nu togo ḡoḡonai i nu hav vevegi te atatu huri vurora.

Ravrava non Pol lalai ata Rom 4:25

Jisas nu mai huribe vi mate huri vuroda, i mwa domare mulei nin mateana be men lol gida tamen vavtutu la lolmatan God.

1 Korin 11:2

Nam lol roroainigo huribe gom binihi dumwiau lol ginau duluai, i gon huri ira silo vagahi be nam laia lalai kimiu.

1 Korin 11:23

Silo vagahi be nam laia lalainigo kea nu dadariha mai silo vagahi be nam laia nin God: Lol bon̄i be mwa laiana na Jisas be men wehiana, mwa lai bereti,

2 Korin 5:21

Kraes kea non bwatigoro sigai, take God nu lolia mwa mai kun be atat bwatigoro huribe sivi Kraes tav mai bavtutu dum mulei mai God.

Kelesia 1:12

Nam hav laia tehe nin atatu vuroi, sage atatu vwate mwa hav vagahiau tehe ginia, take Jisas Kraes nu vagahiau ginia.

Kelesia 1:4

Jisas mwa laia sibona huri vuroda be men lai lua gida nin ureure vuroga geki be tam dogo alolona, kunia be God tamanda nu lol vatuvwainia.

Kelesia 3:13

Kraes nu lai dagai silo vevegi be silo nu taua aluda. Mwa leahi ute mai gida i mwa daua sibona halaten vevegi gea. Mwa ravana lol ravrava sabuga be, “Ihei tehe be rebehina mwa seserainia la bwatungai kea vi lai vevegi.”

Ifisas 1:7

Kraes gida tam maribwesi gin dagan mateanana, i bwatuna gea gida tam lai tugu kaburai vuroda. Hogoi non God nu rosoga maragai,

Ifisas 5:2

Gov togo lol rahuana lolotabetabe kunia gabe Kraes nu tabe gida i nu lin̄ia sibona huri gida kun gabe hogoi bonboni i tataroi lalai God.

Hibru 5:1

Haḡe ira muai Tataroi duluai, sinombu ran gita luae i ram daria be vi lalaḡo lalai God hurira duluai, huri be men hagai udun bilara lalai God gin tataroi huri vurora.

Hibru 5:3

Haḡe bwatuna be kea sibona mandamanda, i batena be kea vi hagai Tataroi hurira, take huri vurona mulei.

1 Pita 1:11

Vui non Kraes nu togo alolon ira atatun vev sera, nu vev daua huri ron̄ ḡagarasi non Kraes i huri sarisari be vi huri ron̄ ḡagarasi gea Ira atatun vev sera ran lol ron̄oe be rav hiḡehiḡe huri havanau be Vui Sabuga mwa bagahira, lol taro be ginau kerageki ran loli, i havanau haḡea ureure vi kunia lol taro gea.

1 Pita 2:24

Kraes nu tatal vuroda alolon rebehina la volovolo i gida mwa du be tas lin̄ rahuan vuroga i tav tau bwatuna ba rahu lol rahuan vavtutu. I gida tam rahu bwatuna halan duru alun volovolo.

1 Pita 3:18

Kraes sibona nu ron̄ ḡagarasi huri Vuro vatuvwa n̄an huri sinombu duluai. Kea nu hav matagu tehe be vi lai kimiu vai aben God. Rebehina nu wehiana, take kea nu rahu alolon vui.

1 Jon 2:2

Kraes nu ron̄ gagarasi sibona be men lai dagai vuroda i vuron ureure duluai.

Visirai 1:5

Nam dataro be tavuha mai tamwata non Jisas Kraes gabe God du lol domarei muleinia nin mateana i kea haḡea muai ḡoro ira ratahigi lavoa duluai ata lol ureure. Kraes mwa dabe gida, i gin dagana mwa dugu gida nin vuroda.