1 Korin 15:13 - Hano Niu Testamen

¹³ Be atatu vwate si hav tomare te nin mateana, kea Kraes nu hav tomare tehe mulei.

1 Korin 15:13 ပူးပေါင်းရင်းမြစ်များ

Lalaḡova 23:8

(Huri be ira Sadusi ram bevea be atatu mwa mate sihav tomare tehe mulei huri rahu ana, i ira enjel mai vui mulei sigai; take ira Varise ram binihimwasigi alun ginau gaitolu kera gea.)

Ravrava non Pol lalai ata Rom 8:11

God nu lol domarei mulei Jisas nin mateana, i kebe Vui Sabuga non God mwa dogo maigo, kea vi lai rahuana mulei lalai rebehimwa be mwa mate. God kea haḡea be nu lol domarei mulei Jisas nin mateana, i vi lai rahuana sivi non Vui Sabuga be mwa dogo alolomwa.

Ravrava non Pol lalai ata Rom 8:23

Varate ureure n̄ano, ta kamai mulei gam hohovi mai ron̄ ḡagarasi alolomai. Gam haḡo Vui Sabuga kunabe muan ginau lol tatauleo non God. I gam hohovi God be vi lol kamai gi ira nituna, gin binihiva be rebehimai rav togo melmelo nin vuro.

1 Korin 15:12

Kadogaha be tan toretore huria be Kraes nu tomare nin mateana, huri hano tavalumiu ram bevebe atatu rasav tomare te nin mateana, kea Kraes nu hav tomare nin mateana, huri hano tavalumiu ram bevebe atatu rasav tomare te dum nin mateana?

1 Korin 15:14

Be Kraes vorate nu tomare nin mateana, kea nonda toretore mwasin sigai, i nom binihiva mwasin sigai.

1 Korin 15:20

Take Kraes mwasigi nu tomare nin mateana muana i mwasigi be irahei be ram maturu lol mateana rav tomare kunia.

1 Tesalonaeka 4:14

Gan binihimwasigi be Kraes nu mate i be nu tomare mulei. Haḡe bwatuna gea, God vi tomarei kera be ran mate huba mai Jisas.

2 Timoti 4:8

Kadogaha, gaisosorin bwatu mwa do dautau hohoviau. Gaisosorin bwatu be God nu tau bavtutuiau maia. God be mwa harahara bavtutu, kea vi lai gaisosorin bwatun gea lalaiau la Nogonan Gubwen̄. Sihav vora te lalaiau gaheku take lalainira duluai be ran hohovi gin lolotabetabe huria be vi mai mulei.

Hibru 13:20

God mwa lol domarei Ratahigi Jisas Kraes atagun mateana. I kadogaha Jisas kea kun Lavoa huri Radaiḡoro Sipsip be Dagana mwa lalaḡoiana be men lol datauleon rahuana vai tuai non God mai bilan sipsip.

Hibru 2:14

Kamai sinombu lol rebehi i daga. Bwatuna haḡea Jisas mwa bora kun kamai vwate. Kea nu mate huri be vi lol kaburai atmate, kea nu muramura ḡoro mateana.

1 Pita 1:3

Uloi roroai lalai God i Tata non nonda Ratahigi Jisas Kraes. Lol ihan God lavoa sine hagavi kea nu lolia be tav vora mulei vai lol doronhohov lol rahuan n̄ava, bwatuna be Jisas Kraes nu tomare nin mateana.

Visirai 1:18

Inau gabe nam rahu. Nan mate take kadogaha nam rahu mulei vai tuai vai tuai. Nam muramuraga ḡoro mateana ureure non ira atat mate.