1 Korin 14:31 - Hano Niu Testamen

³¹ Goi vev dum lolon avoana gaituvwa vuri dolua. La hala geki atatu n̄oto rav lai silo vagahi i avoan dura.

1 Korin 14:31 ပူးပေါင်းရင်းမြစ်များ

Ravrava non Pol lalai ata Rom 1:12

Nam binihia be, nam doron be tav bului gida mai binihimwasigi garagusi be tam do maia. Nomiu binihimwasigi garagusi vi buluiau, i noḡu binihimwasigi garagusi vi bului kimiu.

1 Korin 14:19

Take lol taron ḡoḡoanan uloilua si tavuha maragai be nav avo la avoana gailima be rav ron̄ batoia huribe nav vagahi kera dodolua. Nu tavuha maragai liu be nav avo gin avoan vasan̄vulu la avoan dodolua.

1 Korin 14:3

Take kera be ram doretore huri roroi non God ram avo lalai sinombu be huira men wasi, avoan dura i avoan gitaḡoro.

1 Korin 14:30

Be roroi tavuha non God mwa mai lalai atat dolua be mwa dogo, muan atatu be mwa avo vi mambu.

1 Korin 14:32

Hogoi huri roroi tavuha non God mwa do aten limara sibora be ram avo.

1 Korin 14:35

Be ram doronbe rav huhui ginau vwate, rav hudali ira ahoara mahaḡea aten imwa. Vi vora busbusiana huri vavine be vi avo lol ḡoḡoanan uloilua.

2 Korin 1:4

Kea mwa lol maḡomaḡo gida vataha taro ririhai, kamai gav av maḡomaḡo dumwira kunia n̄an be God mwa av maḡomaḡo kamai.

Ifisas 6:22

Nam horae lalai kimiu huri binbinihi geki huribe giv iloe be gam dogo kunhanigi, i vi av dura kimiu.

Kolosi 2:2

Nam doronia be rav muramuraga i rav bul gaituvwa lol lolotabetabe be rav rosoga lol nora iloilo. La hala n̄an gea ram ilo ute rosoga dahuligi non God, kea Kraes sibona.

1 Tesalonaeka 4:18

Haḡe giv turatura kimiu mai avoana kera geki.

1 Tesalonaeka 5:11

Haḡe giv turatura kimiu gaitutuvwai i giv hagai muramura lalai kimiu gaitutuvwai, kunia kebe gim lolia kadogaha.

1 Tesalonaeka 5:14

Gam hudali kimiu, ira tua be, giv vasinerani kera be ram hav lol te rovoga. Giv tura sinombu be ram matagu. Bului kera be ram beuga. Giv haḡo sine mahuri hurira duluai.

1 Tesalonaeka 5:20

Gisav vev te hantai avoan non atatu be God nu laia lalainia.