1 Korin 14:3 - Hano Niu Testamen

³ Take kera be ram doretore huri roroi non God ram avo lalai sinombu be huira men wasi, avoan dura i avoan gitaḡoro.

1 Korin 14:3 ပူးပေါင်းရင်းမြစ်များ

Leo Tavuha gabe Luk nu Ravae 3:18

Jon mwa doretore lalai sinombu huri Roroi Tavuha, mwa suvwainira gin avoan dodolua mulei be rav leahi alen̄ara.

Lalaḡova 13:15

Mahavana be atatu vwate mwa basogo avoana huri silo non Moses, i avoana non ira atatun vevsera tuai, haḡe ira tomuai ḡoro imwa tataro ram hudalinira be ram bevea be, “Ira tua. Be ihei te abemiu non avoan dura be vi laia lalai sinombu, nu tavuha maragai be giv lai luae lalai kamai.”

Lalaḡova 14:22

Ramuru lol wasi ira binihimwasigi i ramuru av durara be rav tu wasi alun nora binihimwasigi garagusi. Haḡe ramuru bevea be, “Mwa du be tai van sivi ute ririhai ivusi vuvuri tam siv van lol Rahuan gara gabe God mwa bora ratahigi alolona.”

Lalaḡova 15:32

Haḡe Judas mai Sailas gabe kera atatun vevsera, ramuru dogo vain̄ava maira ramuru lai avoan dura i ramuru suvwainira be rav muramuraga.

Lalaḡova 4:36

Haḡe kunia Josep, kea ata la varan Livae nu vora Saipras, kea gabe ira hala ram uloinia be Banabas. Gin binihiva be, “Atatu be non avoana mwa hau lua binihiva non atatu.”

Lalaḡova 9:31

Haḡe kunia uloilua Judia duluai, Kalili mai Samaria ram dogo lol tamwata. Haḡe uloilua mwa mauri doratora gin buluiana non Vui Sabuga, kun gabe mwa dogo gin binihi marahi alun Ratahigi.

Ravrava non Pol lalai ata Rom 12:8

Ihei tehe be nu lai hogoi huri be vi lai avoan dura lalai atatu, kea vi lolia kunia. Ihei be nu lai hogoi be vi hogos atatu dolua, kea vi hogoi vuroinia. Ihei be nu lai hogoi be vi vora tomuai vi n̄aitai lol taro be mwa domua. Ihei be nu lai hogoi huri sine hagavi huri atat dolua vi lolia kunia gin samwarana.

Ravrava non Pol lalai ata Rom 14:19

I tav lol ron̄oe be tav lol hano be mwa lol tamwata i mwa bului gida gaitutuvwai.

Ravrava non Pol lalai ata Rom 15:2

Tav lin̄ gida gaitutuvwai be tav bului ira tuada huria be rav tavuha, be rav tu wasigi lol binihimwasigi garagusi.

1 Korin 10:23

Atatu rituai ram bevea be, “Gida tav lol dum ginau n̄oto,” take ginau n̄oto nu hav tavuha tehe huri gida be tav lolia. Ram bevea be, “Tav lol dum ginau n̄oto,” take ginau n̄oto ram hav bului te kera dodolua be rav tu wasi.

1 Korin 14:12

Kunia n̄an maigo. Taro be gon doron hogoi lol vui maragai, gov hiḡera ivusi be rav haḡo hogoi be vi bului uloilua vi mauri wasi.

1 Korin 14:17

Gov avkari God la hala tavuha, take ginau geki mwa hav buluia tehe.

1 Korin 14:26

Ira tuaku, geki haḡea binihivanan hano be nam bevea. Lol taro be gim du bulbulu, atatu vwate nona iboi, i vwate nona silo vagahi. Vwate mwasigi gara nin God. Vwate mwa avo la avoan dodolua. I atatu vi vev binihivanan avoan dodolua. Ginau mutai huri ginau duluai geki be men bului uloilua be vi tu wasigi.

1 Korin 14:31

Goi vev dum lolon avoana gaituvwa vuri dolua. La hala geki atatu n̄oto rav lai silo vagahi i avoan dura.

1 Korin 8:1

Kadogaha nav avoinia huri ginau duluai gabe gon ravae lalaiau huri nun vatu. Tam iloe be gida duluai “nonda iloilo abena.” Iloilo mwa sogai luago be gomen ravwega, take lolotabetabe mwa mauri hae.

2 Korin 1:4

Kea mwa lol maḡomaḡo gida vataha taro ririhai, kamai gav av maḡomaḡo dumwira kunia n̄an be God mwa av maḡomaḡo kamai.

2 Korin 2:7

Take kadogaha mwa du be giv hagavia i giv av maḡomaḡoe i giv haḡo ḡoḡoe be si hav ron̄ te mwahantai liu ba bisdagai.

Ifisas 4:29

Mahavana be gon avo gosav vev te ira avoana be rav lol ḡagaras atatu, take goi vev havanau gabe mwa du be sinombu vi lai avoana gabe rav bului atat dodolua rav muramuraga ginia. I aia havanau be gom bevea vi lol dum lalaḡova tavuha lalainira be ram roron̄tainigo.

Ifisas 6:22

Nam horae lalai kimiu huri binbinihi geki huribe giv iloe be gam dogo kunhanigi, i vi av dura kimiu.

Kolosi 4:8

Kea haḡea bwatuna nam horae: huribe gov iloe kun hanigi haḡe kamai gam dogo i kea vi av dura kimiu.

1 Tesalonaeka 2:11

Gim iloe be gan lol tabe kimiu gaitutuvwai kunia be tama mwa dabe mwasin ira nituna.

1 Tesalonaeka 2:3

Nomai vev sera wasi mwa hav mai tehe nin tenteneana, sage binihiv bahala sage be gam lol ron̄oe be gamen san kimiu.

1 Tesalonaeka 3:2

I nav hora Timoti vai abemiu. Timoti, kea tuamai mwa lol rovoga mai kamai huri God i mwa bului kamai be gai vevea lalai sinombu huri Roroi Tavuha huri Kraes. Gam horae be vi vamuramura i vi avdura kimiu lol nomiu binihimwasigi garagusi,

1 Tesalonaeka 4:1

Ira tuaku, gan vagahi kimiu be hanigi giv togo la hala be God vi samsamwara ginia, i kimiu gim dogo alun hala gea. Kadogaha gam hudaligi i gam avdura kimiu lol Ratahigi Jisas be giv togo la hala gea vi liu.

1 Tesalonaeka 4:18

Haḡe giv turatura kimiu mai avoana kera geki.

2 Tesalonaeka 3:12

Gam basinerani atatu kerageki i gan hudalinira lol ihan Ratahigi Jisas Kraes be rav lol rovoga ḡoḡonai huri rahura sibora.

1 Timoti 1:4

Vevea lalainira be rasav sabwelei te nora taro alun ira vevuri tentene i alun varavarain iha lol vevuri ata la varara tuai. Ginau kera geki ram lol vigaigaiana n̄ano; ram hav bului tehe huri taritari non God, kea be mwa loliana gin binihimwasigi garagusi.

1 Timoti 4:13

Vaivotu be nav mai be goi vasogo nom Baebol lalai atatu duluai i huri nom toretore i nom silo vagahi lalainira huri ravrava sabuga, vivora muan ginau lalainigo.

1 Timoti 6:2

Ira turin rovoga be nora ratahigi i ira binihimwasigi rasav binihi te marahinira hivhivo huri be kera atat binihimwasigi. Rav lol rovoga lalai nora ratahigi vi tavuha liu, bwatuna be ram bului ira binihimwasigi be ram dabera. Gov vagahi i gov toretore huri ginau kera geki.

2 Timoti 4:2

Inau nam hudalinigo be gov toretore huri Leo Tavuha. Lol vatuvwai vataha taro, i vevea lalai sinombu havanau be mwa du be rav lolia. Vevea lalainira lol taro be ram bahala. Av durara gin sine maḡemu gaivua, i silo vagahi vavtutu.

Taetas 1:9

Vi haḡo batugehi avoana be tanon butuana kea be tam bagahi ginia, tomuai vi bului sinombu gin mwasin silo vagahi i vi seserai dumwia lalainira be ram banburigai mwasin silo vagahi huri be kera ram bahala.

Taetas 2:15

Vev ginau kera geki i av dura sinombu i vev lua havanau be ran vahala lol rahura, vevea gin roron̄o. Gosav lin̄ te ihei be vi gitago kun be giḡo gom hav vora te atat binihi marahi.

Taetas 2:6

Kunia mulei giv av dura ira malaḡelo be rav mataisaoga.

Taetas 2:9

Turi rav binihi marahi nora ratahigi ḡorora, tagaro rav lol ron̄oe be rav lol lolora rav samsamwara i rasav vigaigai te maira.

Hibru 10:25

Tasav lin̄ te ḡoḡoana lol imwa tataro kunia be rituai ram lolia. Ninia gea tav turatura gida gaitutuvwai tagaro, bwatuna be gubwen̄in Ratahigi mwa abena be men mai.

Hibru 13:22

Ira noḡu buluana, nam rava letasi vwelvwele geki be namen avdura kimiu, i nam hudali kimiu be giv roron̄tai tavuhai huri havanau be nan vevea lalai kimiu.

Hibru 3:13

Kimiu gisav lolia te kunia. Avoana gea be mwa bevea vataha gubwen̄i be, “Garigi” mwa lulu aluda siboda, i kimiu giv avoinia lalai kimiu sibomiu huria be nomiu binihiva sihav hovi te dumwi. Hala n̄an gea be vi lol wasi kimiu huria be vwate nin kimiu sihav hovi tehe lol bwatigoro la alen̄ana be nu wasi.

1 Pita 5:12

Nam rav avoan vwelvwele geki mai buluiana non Sailas, kea nam iloe be atat binihimwasigi lol Kraes. Nam ravae be nav lai avoan dura lalai kimiu i nav vevea lalai kimiu be geki haḡea mwasin hogoi nin God. Giv tu wasigi lol vatavuha gea.

Ravrava nin Jud 1:20

Ira mwasin tuaku, giv haḡo mwasin nomiu binihimwasigi garagusi be vi lol domarei kimiu, giv tataro lol Vui Sabuga.