1 Korin 13:5 - Hano Niu Testamen

⁵ Lolotabetabe vorate alen̄ lete, i vorate bugurana, i mwa hav lolhoroi te atat dolua.

1 Korin 13:5 ပူးပေါင်းရင်းမြစ်များ

Matiu 5:22

Itake kadogaha inau nam bevea lalai kimiu be, ihei mwa lolhoroi tuana, wani gea vi lai silo vevegi huria. I ihei mwa bev bwarebware tuana, kea vi laiana vai lol imwan harahara gaivua. I ihei mwa uloi tuana be ‘Giḡo len̄len̄aga!’ wani gea vi haroro lol gabin ron̄ḡagarasi.

Matiu 9:4

Itake Jisas mwa ḡita batoi nora binihiva. Haḡe mwa bevea be, “Huri hano be gim binbinihi hantai lol lolomiu?

Leo Tavuha gabe Mak nu Ravae 3:5

Jisas mwa lol horo i mwa ḡitara duluai dalisia, ta mulei mwa hagavira bwatuna alen̄ara nu wasi hantai. Haḡe mwa bevea lalai atatu gea be, “Vugeri limwamwa.” Haḡe kea mwa bugeri limana i mwa davuha mulei.

Leo Tavuha gabe Luk nu Ravae 7:39

Batena be Varise gabe nu ware Jisas mwa ḡita ginau uhu, mwa bev ḡoḡonainia lol binihina be, “Be wani uhu mwasigi atatun vevsera, kea si gita dumwia be hava vavine uhu gabe mwa sibweria; si ilo hava rahuan bibili vavine uhu nu togo alolona!”

1 Korin 10:24

Gosav lol te ginau hurigo sibomwa take huri atat dodolua mulei.

1 Korin 10:33

Gov lolia kunia n̄ano be nam lolia. Kunia be inau nam doron be nav lol doroniva non atatu duluai la hala n̄oto. Nam hav lol te ginau be nu vavtutu huriau take ginau be nu vavtutu huri atatu duluai be rav rahu.

1 Korin 11:18

Muana, nan ron̄oe be lol taro be gim bihabwehabwe kun gabe uloilua gim harabora, i nam binihimwasigi ginau rituai geki.

1 Korin 12:25

God mwa doron mavuvuda duluai be rav gitaḡoro tavtavuhainira.

1 Korin 7:36

Be atatu vi vinihia be mwa hav lol te ginau vavtutu mai vavine be nu tauan ḡoro huria, be tauluna nu dadariha huri lagiana i mwa ron̄oe be si hav lagi tehe maia, kea vi lol hano be mwa doronia. Kera raruvi lagi i kea mwa hav vora te vuro.

2 Korin 5:19

God kea lol Kraes, mwa lol tamwata lol davolan ureure i kea sibona. Lol Kraes, God nu hav haḡo te wasi ureure be vi ron̄oe be mwa bahala lol bwatigoro, i nu lai lalai gida roroi geki huri tamwata.

Kelesia 5:13

Ira tuaku, God nu uloi kimiu huba gi atat mwaribwesi, take gisav haḡo te nomiu ribwesiva gi hala vwate be vi lol kimiu gi atat vuroga sibomiu. Giv lol rovoga lalai kimiu sibomiu gin lolotabetabe.

Filipae 2:21

Sinombu rituai ram binihi huri rahura n̄an sibora, barabe huri rovoga non Jisas Kraes.

Filipae 4:8

Ira tuaku giv binihi huri ginau be ran tavuha i ran dadariha huri avkariana. Binihi huri ginau be ran mwasigi i binihi marahi i ran vavtutu, i ran melmelo i ran gabwola i mwa ḡogonaiana.

2 Tesalonaeka 3:7

Giḡo kimiu sibomiu gim iloe be giv togo la rahuana kunia be kamai gam dogo aluna. Kamai varate gan bwatiḡoruga lol taro be gan togo mai kimiu.

2 Timoti 2:10

Kunia inau nam dame gin maḡemu lol taro ririhai kera geki huria be kera be God nu gita luara rav lai dum varahuva gea be mwa du mai Kraes Jisas i mwa lai sarisari be sihav nogo tehe.

2 Timoti 4:16

Muan taro be nan bwalo ḡoroau siboku, tuara vwate mwa hav turau tehe; kera duluai ran romaragai niniau. Nam dataro be rav lai binihi kaburai.

Jemes 1:19

Ira mwasin tuaku be nam dabe kimiu, mwa du be gov roron̄tai i gov maḡemu lol avoana. Gosav lolhoro te vilvilehi,