1 Korin 13:2 - Hano Niu Testamen

² Nav haḡo hogoi huri avoan vasinerani. Nav ilo n̄oto ginau dauhiligi non God i iloute duluai, i noḡu binihimwasigi garagusi be nav tagara dum vusi nin tanona.

1 Korin 13:2 ပူးပေါင်းရင်းမြစ်များ

Matiu 13:11

Haḡe kea mwa avkorora be, “Mwa hogoi lalai kimiu be gimen ilo ginau ririhai huri Ute Lavoa atamare, take mwa hav hogoi tehe lalainira.

Matiu 17:20

Haḡe Jisas mwa bwaliura be, “Huri be nomiu binihimwasigi garagusi nu hav dadariha tehe. Nam bev mwasigi lalai kimiu, be si vora nomiu binihimwasigi garagusi abena kun birin ramute, be kolo n̄an, gis vev dumwia lalai vusi geki be, ‘Vis dagai nin ute geki, ba ban ba du kahaḡa,’ haḡe vusi vi vis dagai. Giv lol dum hano tehe.

Matiu 21:19

I mwa ḡita gai vik aben hala. Haḡe Jisas mwa ban vai aben gai vik gea be men hiḡe ron̄ mwasina, take mwasina sigai, rauna n̄an. Haḡe Jisas mwa bevea lalai gai vik be, “Gosav mom bwae tehe!” Haḡe gai vik gea mwa ḡoru darihou.

Matiu 21:21

Haḡe Jisas mwa bwaliura be, “Nam bev mwasigi lalai kimiu be, be nomiu binihimwasigi si wasi, i si hav vinihi te gairuruai, gis lol dum ginau kunia gabe nan lolia lalai gai vik gea. I mulei gis vev dumwia lalai vusi geki be, ‘Tomare ba bohainigo lol tahi,’ i vi vora kunia.

Lalaḡova 13:1

Haḡe ira atatun vevsera mai ira vagahi rituai lol uloilua Antiok Banabas mai Simion mwa uloinia be gul Meto, Lusias nin Sairini, Manaen kea gabe nu togotogo mai Ratahigi Lavoa Herod, mai Sol.

Ravrava non Pol lalai ata Rom 11:25

Nam doron be kimiu giv ilo tavuhai gina dauhiligi geki, ira tuaku, i kimiu giv iloe be gim hav ilo te didinini ginau n̄oto. Udun Israel ram lol bwatwasi, take kea vi leahi kebe ivusi ira Lolobon̄i rav mai aben God.

Ravrava non Pol lalai ata Rom 15:14

Ira tuaku, nam iloe be kimiu gin masiri gin tavuha. Nam iloe be kimiu gim do mai mataisao duluai be gim doronia i be kimiu giv vagahi dum kimiu gingin kimiu.

Ravrava non Pol lalai ata Rom 16:25

Tav uloi roroai ihan God gabe vi lol dumwigo gov wasi lol binihimwasigi garagusi gin Roroi Tavuha gabe nu vevea lalai atatu i huri roroi huri Jisas Kraes. Roroi huri Kraes kea ginau hili gabe mwa dahuliana huri taul ivusi huba ta kadogaha mwa loliana mwa iloana.

1 Korin 11:4

Ihei be mwa dataro i mwa doretore huri Roroi Tavuha lol tataro bulbulu be mwa ḡagav bwatuna kea mwa lai busbusiana vai alun Kraes.

1 Korin 12:28

Lol uloilua, God nu lai tanoi lalai atatu n̄oto, muana lalai ira hala, i gairuana lalai ira atatun vevsera, i gaitoluna lalai ira vagahi. I God nu lai ute lalainira be ram lol ginau dan̄an̄a, kera gabe ram barahu, kera be ram bului dum atat dolua, kera gabe ram ḡitaḡoro atat dodolua, i kera be ram avo dum la avoan dodolua. N̄oto vorate ira hala.

1 Korin 13:1

Kadogaha nav vagahigo gin raumatan ginau. Nav avo la avoan dodolua non atatu i non ira enjel. Take be nas hav haḡo te lolotabetabe, kea nan kun sin̄sin̄i be mwa sosobwero sage ginau vuroi vwate.

1 Korin 13:3

Take mai ginau n̄oto geki, lolotabetabe sigai, kea inau ginau vuroi n̄ano. Nav lai n̄oto hano be noḡu, i nav lai rebehiku kun gabe hogoi be vi tunuana. Take ginau n̄oto vwaina vi vora sigai huribe lolotabetabe sigai.

1 Korin 13:8

Lolotabetabe mwa hav nogo tehe. Ira hogoi huri avoan dau, take rav nogo. Ira hogoi huri avoan dodolua, take hogoi gea rav nogo. Hogoi huri mataisao take vi mai la nogonana.

1 Korin 14:29

Gairua n̄ano sa gaitolu na ira atatun vevsera ras avo, i rituai rai vev lolon hano be ram bevea.

1 Korin 14:39

Ira tuaku, be gis doron be gis vev roroi tavuha non God, take gisav tu ḡoro te atatu be nin non hogoi be ram avo la avoan dodolua.

1 Korin 14:4

Kera be ram avo la avoan dodolua ram buluira n̄an sibora, take kera be ram bev roroi non God kea ram bului uloilua.

1 Korin 16:22

Be vwate si hav tabe te God, lin̄ia na togo dagai nin God. Nomai Ratahigi, gam doron be gov mai vilvilehi!

1 Korin 4:1

Sinombu duluai rav gita gida kun be gida ira turin rovoga non Kraes, mwasin atatu gabe God mwa binihimwasiginira mai non mwasigi dahuligi duluai, be mwa du radu.

1 Korin 7:19

Nu hav vora te ginau vwate be atatu nu tavana sa sigai. Ginau mutai n̄ano be vi gogonainia na avoan dura non God.

1 Korin 8:4

Geki haḡea hano be nam bevea huri bigi be mwa dataroinia lalai nun vatu. Tam iloe be nun vatu kea vorate ginau vwate lol ureure, i tam iloe be God gaituvwa n̄ano.

2 Korin 12:11

Nam avo kun daloi, take kimiu haḡea gim lolia nam lolia kunia. Kimiu haḡea be mwa du be gis vev ginau tavuha huriau. Inau nam mai gi ginau vuroi, take kera “ira hala lavoa” be lalavoa ram hav dadariha te n̄an maiau!

Kelesia 5:16

I nam bevea lalai kimiu: Giv togo be giv huri vui. I gisav lol te hano be kimiu sibomiu gim doronia.

Kelesia 5:22

Take Vui mwa baivusi vwain lolotabetabe, samwarana, tamwata, ron̄ mwan̄ava, lolotavuha, tavuha, binihimarahi,

Kelesia 6:3

Be atatu vwate mwa binibe kea liu be mwa hav vora te kunia, kea mwa lol mulei daltaleinia sibona.

Ifisas 3:4

Be goi vasogo havanau haḡea be nan ravae, gov gita dumwia be, inau nan ilo dum ginau dahuligi huri Kraes.

Ifisas 6:19

Giv tataro huriau be nav avo, be God vi hogoi avoana be nav vev dum ute hili huri Roroi Tavuha be mataguana sigai.

Kolosi 1:26

Roroi geki kea ginau hili be nu tahulinia nin atatu duluai, la bwatun tauva, take kadogaha mwa lolian seserai lalai ira atat sabuga non God.

1 Timoti 3:16

Tanon binihiv gairuruai sigai, rahuda dahuligi huri gogonai gaivua maragai: Kea nu seserainia lalai gida lol rebehin atatu, nu dovon̄ainia be nu vavtutu lol Vui, i nu gitana gin ira enjel. Kea nu toretore lalainira be ram hav vora te ira varan Israel, binihimwasigi lol ureure, i God mwa lai luau vai amare lol sarisari.

1 Jon 4:8

Ira hei tehe gabe ram hav lolotabei te nora ivwalu, ram hav lolotabetabe te God, huri be God kea lolotabetabe.