1 Korin 13:12 - Hano Niu Testamen

¹² Kadogaha tam ḡita nunu be mwa hav melmelo tehe, kunia be tam ḡitae lol kilas gitagita, take tav gitae vi melmelo. Kadogaha nam ilo uduna n̄ano, take nav ilo duluainia, kunia be God nu iloau.

1 Korin 13:12 ပူးပေါင်းရင်းမြစ်များ

Matiu 18:10

“Giv gitaḡoro be gisav vev te kaburai ihei ninira naturirigi kera geki. Nam bev mwasigi lalai kimiu be nora enjel amare ram du tagaro lolmatan Tamaḡu lol ute atamare.

Matiu 5:8

Irahei be nora binihiva nu melmelo, kera haḡea rav ron̄ mwandavuha, huri be rav gita God.

Ravrava non Pol lalai ata Rom 8:18

Ron̄ḡagarasi be mwa dogo mai gida kadogaha, kea ginau vuroi, huribe rahuan tavuha be mwa dogo maigo lol ute atamare, rahuana gea nu tavuha liu nin ginau n̄oto be ran togo tuai.

1 Korin 13:11

Lol taro be inau naturigi, nam avo kunbe inau naturigi, noḡu binbinihi kun gabe inau naturigi, i nam lol ginau n̄oto kun gabe naturigi. Lol taro be nam mai gi atat gaivua, nam mambui loliana non naturigi. Kunia mulei mai kamai.

1 Korin 8:3

Take be atatu vwate mwa dabe God, atatu gea God mwa iloe.

2 Korin 3:18

Lol matada, mwa hav mom ḡagavuan te ḡoro. Gida duluai tam seserai dum sarisarin God, i tam leahi be tai mai kunia. Leahi geki be mwa mai aluda mwa lai sarisari gaivua, be mwa mai nin God, be kea Vui Sabuga.

2 Korin 5:7

Tam rahu alun havanau be tam binihimwasigi garagusi aluna, take mwa hav vora te alun hano be tam ḡita dumwia.

Filipae 3:12

Nam hav vevea te gin binihiva be, inau huba kunia be God mwa doroniau. Nam hav votui te radui tovtovo gea, i nav laia noḡu. Kraes Jisas mwa doroniau be nav lolia kunia bwatuna haḡea gea mwa loliau nam mai gi bilana.

Jemes 1:23

Kera be ram ron̄ silo vagahi take ram hav lol te ginau vwate huria, ran ḡun atatu be ram ḡitara lol kilasi.

1 Jon 3:2

Ira noḡu buluana, gida ira nitun God, take huria be tai vora atatu kun hanigi, kea mwa hav melmelo tehe lalai gida radu. Take tam iloe be mahavana be Kraes vi mai mulei, gida tai vora kunia, be tav gitae be kea mwasigi.

Visirai 22:4

Kera rav gita lolmatan God i ihana vi ravana la rera duluai.