1 Korin 13:11 - Hano Niu Testamen

¹¹ Lol taro be inau naturigi, nam avo kunbe inau naturigi, noḡu binbinihi kun gabe inau naturigi, i nam lol ginau n̄oto kun gabe naturigi. Lol taro be nam mai gi atat gaivua, nam mambui loliana non naturigi. Kunia mulei mai kamai.

1 Korin 13:11 ပူးပေါင်းရင်းမြစ်များ

Matiu 16:7

Bwatuna gea, ram biavoavo ginira, ram bevea be, “Mwa bev avoana geki bwatuna be tam hav haḡo te bereti mai gida.”

1 Korin 13:10

Take lol taro be mwasin mwasigi vi mai, ginau be ram hav haraharai tehe rav nogo.

1 Korin 13:12

Kadogaha tam ḡita nunu be mwa hav melmelo tehe, kunia be tam ḡitae lol kilas gitagita, take tav gitae vi melmelo. Kadogaha nam ilo uduna n̄ano, take nav ilo duluainia, kunia be God nu iloau.

1 Korin 14:20

Ira tuaku, gisav binbinihi tehe kun gabe ira naturigi, lol ginau lete giv vora kun naturigi memea be mwa siv vora be mwa gav ilo te ginau vahala vwate. Take lol binihimwa goi vora kun atat gaivua.

Kelesia 4:1

Nam doron be nai vev lalainigo ginau geki: Lol taro be kera be rav haḡo manduen ira tamara ran vora naturirigi radu, ran hav dolua tehe nin ira turin rovoga. Len̄len̄a be naturirigi kera gea rav gitaḡoro ginau n̄oto.