1 Korin 13:1 - Hano Niu Testamen

¹ Kadogaha nav vagahigo gin raumatan ginau. Nav avo la avoan dodolua non atatu i non ira enjel. Take be nas hav haḡo te lolotabetabe, kea nan kun sin̄sin̄i be mwa sosobwero sage ginau vuroi vwate.

1 Korin 13:1 ပူးပေါင်းရင်းမြစ်များ

Matiu 25:45

Haḡe inau Ratahigi Lavoa nai vwaliu muleinira be, ‘Nam bev mwasigi lalai kimiu be, gin hav lolia te kunia lalai tuaku vwate gabe tirigi ninira tuaku duluai, kun gabe gin hav lolia tehe lalaiau siboku.’

Leo Tavuha gabe Mak nu Ravae 16:17

Kera gabe ram binihimwasigi vi lai roron̄o lalainira be rav lol ginau dan̄an̄a ivusi; rav goro lua vui hantai ivusi lol ihaku; rav avo gin avoan dodolua;

Ravrava non Pol lalai ata Rom 14:15

Kebe gov varihai binihimwasigi non tuamwa, huribe huri ginau be gom ḡania, gom hav huri te mwasin silon lolotabetabe. Gosav lol te kaburai binihimwasigi non atat dolua be gov gan ginau be kea mwa binibe nu hantai, huribe Jisas mwa mate huria.

1 Korin 12:10

Vui Sabuga n̄an gea mwa laia lalai atat dolua be vi lol ginau dan̄an̄a. Vui Sabuga n̄an gea mwa laia lalai atat dolua be vi toretore huri Roroi Tavuha. I mwa lalai atat dolua be vi iloe huri vui tavuha i vui hantai. I mwa lai lalai atat dolua hogoi be vi avo la avoan dodolua. Vui Sabuga radu lalai atat dodolua Vui Sabuga be vi vev lolon avoana.

1 Korin 12:16

Bwero vi vevea be, “huribe inau vorate mata, inau vorate udun rebehi,” take avoana geki vorate vi tuḡoro bwero be vi vora udun rebehi.

1 Korin 12:8

Vui Sabuga mwa lai lalai atatu vwate be vi avo gin mataisao, i Vui Sabuga n̄an gea mwa laia lalai atatu dolua be vi avo gin iloilo.

1 Korin 13:8

Lolotabetabe mwa hav nogo tehe. Ira hogoi huri avoan dau, take rav nogo. Ira hogoi huri avoan dodolua, take hogoi gea rav nogo. Hogoi huri mataisao take vi mai la nogonana.

1 Korin 14:2

Kera gabe ram haḡo hogoi be ram avo gin avoan dodolua, vorate ram avo mai atatu; ram avo lalai God. Atatu vwate mwa hav ron̄ te batoira; ram avo huri ginau dahuligi sivi vui.

1 Korin 14:4

Kera be ram avo la avoan dodolua ram buluira n̄an sibora, take kera be ram bev roroi non God kea ram bului uloilua.

1 Korin 14:5

Nam binibe kimiu n̄oto gis haḡo hogoi huribe gis avo la avoan dodolua, take liu nam binibe gis vev roroi tavuha non God. Kera be ram bev roroi non God ran muramuraga liura be ram avo la avoan dodolua, vaivotu be atatu vwate vi tu aia be vi vev hano be ran bevea huribe vi buluiana dum na uloilua duluai.

1 Korin 8:1

Kadogaha nav avoinia huri ginau duluai gabe gon ravae lalaiau huri nun vatu. Tam iloe be gida duluai “nonda iloilo abena.” Iloilo mwa sogai luago be gomen ravwega, take lolotabetabe mwa mauri hae.

Kelesia 5:22

Take Vui mwa baivusi vwain lolotabetabe, samwarana, tamwata, ron̄ mwan̄ava, lolotavuha, tavuha, binihimarahi,

Kelesia 5:6

Mahavana be gida lol Kraes Jisas, mwa hav vora te maragai be tav lai tav dovon̄a sa sigai. Muan ginau mutai be binihimwasigi lalan̄an binihimwasigi garagusi be mwa lol rovoga sivi lolotabetabe.

1 Timoti 1:5

Binihiva huri avoan wasi geki huri be sinombu rav haḡo lolotabetabe, kea be mwa mai nin lolo melmelo i binihiva be nu tavuha i binihimwasigi garagusi vavtutu.

1 Pita 4:8

Liuhage haḡea, giv tabetabe kimiu maragai, bwatuna be tabetabe haḡea vi lol voro ivusi be vi vinihi kaburaiana.

2 Pita 2:18

Ram bev avoan sasagerega be binihiva ata alolona sigai. Gin nora doroniv bwatigoro ram domuai sinombu vai alolon vidin vuro---atatu be ram siv tau bwatuna be ramen romaragai nin atatu be ram dogo lol vahalana.

Visirai 14:2

I nam ron̄ silo mwa himai nin amare mwa roro kun silon wai saribwatu, kun silon dumdumwianan bwahilo mwa dabwahu gaivua. Mwa datan̄i kun silon atatu be ram pelei la vatahanan pelei gaivua.