1 Korin 12:13 - Hano Niu Testamen

¹³ Kraes kunia haḡea, rituai nin gida kera vara ira Jius, i rituai ira Lolobon̄i. Rituai nin gida ira turin rovoga, take rituai atat vuroi. Take gida n̄oto tam ḡaruhisabuga lol rebehi gaituvwa sivi Vui Sabuga gaituvwa. I nu tau gida duluai be tav harahara lol vui gaituvwa gea.

1 Korin 12:13 ပူးပေါင်းရင်းမြစ်များ

Matiu 3:11

Inau nam ḡaruhisabugai kimiu gin wai, bwatuna be gim binihileahi huri vuromiu. Take atatu vwate abena vi mai radu ataguku. Wani gea lavoa liuau, i inau siboku nam hav dadariha tehe be nav haḡo non sus. Wani gea vi garuhisabugai kimiu gin Vui Sabuga i gabi.

Leo Tavuha gabe Luk nu Ravae 3:16

Haḡe Jon mwa bevea lalainira duluai be, “Inau nam garuhisabuga kimiu gin wai, take atatu vwate mwa mai kea lavoa liuau. Inau siboku nam hav dadariha tehe be nav tugu gaon non sus. Wani gea vi garuhisabugai kimiu gin Vui Sabuga i gabi.

Leo Tavuha gabe Jon nu Ravae 1:16

Kea mwa lol bamasiri gida duluai gin non hogoi tavuha, i mwa lai lalan̄an vatavuha vatvataha gida.

Leo Tavuha gabe Jon nu Ravae 1:33

Nam hav iloe te radu be kea haḡea, take God gabe nu horau be nav garuhisabuga gin wai nu vevea lalaiau be, ‘Gov gita wani gabe Vui vi himai aluna; kea haḡea wani gabe vi garuhisabuga gin Vui Sabuga.’ ”

Leo Tavuha gabe Jon nu Ravae 3:5

Take Jisas mwa bwaliua mwa bevea be, “Nam bev mwasigi lalainigo be, ihei si hav dalin̄oro te dum lol rahuana gara gabe God mwa ratahigi alolona be kea si hav vora tehe gin wai i vui.

Leo Tavuha gabe Jon nu Ravae 4:10

Jisas mwa bwaliua mwa bevea be, “Be gos ilo havanau God mwa laia i ihei gabe mwa hudalinigo be men mwin te wai gos hudalinia huri wai gabe vi lai rahuana lalainigo.”

Leo Tavuha gabe Jon nu Ravae 4:14

Take ihei tehe gabe vi mwin wai gabe inau nav laia lalainia sihav mandou te mulei. Wai uhu gabe nav laia lalainia vi mai lalainia gi matavuravuran wai alolona i kea vi laia ninia wain rahuana i rahuana vai tuai.”

Leo Tavuha gabe Jon nu Ravae 6:63

Ginau gabe mwa lai rahuana kea Vui Sabuga non God, take muramura non atatu nu hav dadariha tehe. Ta avoana duluai gabe nam laia lalai kimiu mwa lai rahuana i Vui Sabuga.

Lalaḡova 1:5

Huri be Jon nu garuhisabuga gin wai, take atagun gubwen̄i mulei rituai giv lai garuhisabuga gin Vui Sabuga.”

Ravrava non Pol lalai ata Rom 3:22

God mwa lol atatu ram bavtutu maia sivi nora binihimwasigi garagusi alun Jisas Kraes. Geki mwasigi lalainira duluai be ram binihimwasigi Kraes, bwatuna be atatu duluai ran dadariha n̄ano:

Ravrava non Pol lalai ata Rom 3:29

I ke God kea God non ira Jius n̄ano? Ke kea nu hav vora te God non ira Lolobon̄i mulei? Uwe kunia,

Ravrava non Pol lalai ata Rom 4:11

Ram dav dovon̄an Ebraham be men lol seserainia be nu vavtutu la lolmatan God sivi binihimwasigi garagusi vuvuri ram siv tav dovon̄ana. Ebraham kea tamara duluai gabe ram binihimwasigi, ta ram hav tav te dovon̄ara, kea tamara atat binihimwasigi duluai gabe ram dame be ran vavtutu la lolmatan God.

1 Korin 10:2

Ran garuhisabuga n̄oto kun gabe atat non Moses lol dodo i lol tahi.

Kelesia 3:23

Amua binihimwasigi garagusi geki nu mai, gida duluai tan togo kun gabe atat vauhi gin silo. Tan hav maribwesi tehe vaivotu be God mwa bagahi gida gin halan binihimwasigi garagusi be ram mai.

Kelesia 3:28

Lol Kraes nu hav vora te dolua lol davolan ira varan ira Jius mai ira Lolobon̄i, atat vauhi i atat maribwesi, atamwani i vavine, kimiu n̄oto gin dadariha lol Kraes Jisas.

Ifisas 3:6

Geki haḡea ginau dahuligi gea: be sivi Roroi Tavuha, ira Lolobon̄i rav bulu mai ira Jius lol vatavuha non God. Kera bilan rebehi n̄an gea, i ram bulbulu utegaituvwa lol tatauleo be God mwa lolia lol Kraes Jisas.

Ifisas 4:5

Aia Ratahigi gaituvwa, binihimwasigi garagusi gaituvwa, i garuhisabuga gaituvwa.

Ifisas 5:26

be vi lolia gi bilan God. Kraes mwa avoinia gin avoana be men lol uloilua gim melmelo ginia be mwa bwagae gin wai.

Ifisas 6:8

Gov vinihi dumwia be God vi lai tavwe lalai atatu duluai, turin rovoga sage atat vuroi, huri lolian tavuha.

Kolosi 1:27

Taritari non God be vi lol non sinombu rav ilo huri non roso sabuga i ginau dahuligi mutai be mwa haḡoe huri sinombu duluai. Ginau mutai dahuligi gea kea Kraes be mwa dogo alolomwa, doronhohov huri sarisari.

Kolosi 3:11

Lol rahuan gara ginau vwate nu hav dolua tehe lol davolan ira Lolobon̄i mai ira Jius, kera gabe ran tav dovon̄ara i kera gabe ran hav tav te dovon̄ara, ira tausala sage ira len̄len̄aga, ira turi i ira mwaribwesi. Take Kraes kea lol ginau n̄oto, i Kraes mwa dogo lol ginau duluai.

1 Pita 3:21

I wai gea nu ḡun garuhisabuga be kadogaha mwa barahugo, i nu hav bwaga te dagai han̄ora nin rebehi, take tatauleo be nu loliana lalai God nin binihiv tavuha. I geki huribe Jisas Kraes nu tomare nin mateana.