1 Korin 12:10 - Hano Niu Testamen

¹⁰ Vui Sabuga n̄an gea mwa laia lalai atat dolua be vi lol ginau dan̄an̄a. Vui Sabuga n̄an gea mwa laia lalai atat dolua be vi toretore huri Roroi Tavuha. I mwa lalai atat dolua be vi iloe huri vui tavuha i vui hantai. I mwa lai lalai atat dolua hogoi be vi avo la avoan dodolua. Vui Sabuga radu lalai atat dodolua Vui Sabuga be vi vev lolon avoana.

1 Korin 12:10 ပူးပေါင်းရင်းမြစ်များ

Leo Tavuha gabe Mak nu Ravae 16:17

Kera gabe ram binihimwasigi vi lai roron̄o lalainira be rav lol ginau dan̄an̄a ivusi; rav goro lua vui hantai ivusi lol ihaku; rav avo gin avoan dodolua;

Leo Tavuha gabe Mak nu Ravae 16:20

Ira roron̄tai ram ban ram doretore vataha ute, i Ratahigi mwa lalaḡo bul maira i mwa dovon̄ainia be nora toretore nu mwasigi gin ginau dan̄an̄a ivusi be ram lolia.] [

Leo Tavuha gabe Luk nu Ravae 24:49

I inau siboku nav horae vai alumiu ginau gabe Tamaḡu nu tatauleo huria. Take giv hohov lol bwatutun vanua vai votu muramura ata amare vi himai alumiu.”

Leo Tavuha gabe Jon nu Ravae 14:12

Nam bev mwasigi lalai kimiu be: ihei tehe mwa binihimwasigiau vi lol dum havanau gabe nam lolia, mwasigi vi lol dum ginau lalavoa ivusi liu, bwatuna gabe nam bano aben Tata.

Leo Tavuha gabe Jon nu Ravae 16:13

Mahavana be Vui vi mai, vi lol bisirai mwasigi huri God i kea vi tomuai kimiu vai lol mwasigi duluai. Kea sihav avo te alun non roron̄o sibona, take vi avo alun ginau gabe nu ron̄oe i vi vev ginau lalai kimiu gabe rav mai radu.

Lalaḡova 1:8

Take giv masiri gin muramura mahavana be Vui Sabuga vi himai alumiu, i kimiu giv vora gaituraku lol vanua Jerusalem, i lol vanua Judia duluai mai Samaria vava vi votui nogonan ureure.”

Lalaḡova 11:27

Haḡe lol mahavana haḡe gea ira atatun vevsera rituai ram bano nin Jerusalem vai Antiok.

Lalaḡova 11:28

I atatu vwate ihana Akabas mwa du amare mwa dovtovo gin roron̄o non Vui be ureure duluai mwa abena be vi maroga lol mahavana gea Klodias nu vora ratahigi.

Lalaḡova 19:6

Pol mwa dau limana alura, i Vui Sabuga mwa hivo alura; i ram avo gin avoan dodolua i ram bev lua roroi non God.

Lalaḡova 5:3

Haḡe Pita mwa bevea lalainia be, “Ananias, huri hano be gom lin̄ Setan be men tomuainigo i mwa loligo gom saruruhi Vui Sabuga, ginia be gom haḡo udun homu gabe gon laia nin udun bilamwa?

Ravrava non Pol lalai ata Rom 12:6

Gida duluai tam lai hogoi dodolua be God nu laia lalai gida, bwatuna non hogoi tavuha lalai gida. Atatu be God nu lai hogoi lalainia be vi vev seserai non avoana, vi vev luae la tovtovon non binihimwasigi garagusi.

Ravrava non Pol lalai ata Rom 15:19

bwatuna, muramuran ira ginau dan̄an̄a i ginau lalavoa be ran gitae, i huribe muramura non Vui Sabuga. Nan toretore la avoan Sabuga nin Jerusalem la hala mwa dalis vanua Ilirikum, i nan nogoi doren noḡu rovoga.

1 Korin 11:4

Ihei be mwa dataro i mwa doretore huri Roroi Tavuha lol tataro bulbulu be mwa ḡagav bwatuna kea mwa lai busbusiana vai alun Kraes.

1 Korin 13:8

Lolotabetabe mwa hav nogo tehe. Ira hogoi huri avoan dau, take rav nogo. Ira hogoi huri avoan dodolua, take hogoi gea rav nogo. Hogoi huri mataisao take vi mai la nogonana.

1 Korin 14:13

Kea be mwa haḡo hogoi be vi avo la avoan dolua kea vi tataro huri hogoi be vi vev lolon hano be mwa bevea.

1 Korin 14:39

Ira tuaku, be gis doron be gis vev roroi tavuha non God, take gisav tu ḡoro te atatu be nin non hogoi be ram avo la avoan dodolua.

Kelesia 3:5

Mandovai God mwa lai Vui Sabuga i mwa lol ginau dan̄an̄a lol davolamiu huribe gim huri silo? Sigai, mwa lol ginau kerageki bwatuna be gom ron̄ Roroi Tavuha i gom binihimwasiginia.

1 Tesalonaeka 5:20

Gisav vev te hantai avoan non atatu be God nu laia lalainia.

Hibru 2:4

God sibona nu seserainia be non roroi mwasigi, ginia be mwa lol ira ginau dan̄an̄a i tagaro gin non muramura duluai. I mwa hogoi non Vui Sabuga mulei lalai ira hei tehe gabe mwa uloinira huria.

1 Jon 4:1

Ira noḡu buluana, gisav vinihi te mwasigi kera be ram bevea be ram haḡo Vui Sabuga, take giv haḡo ron̄ora be vui be ram haḡoe mwa mai nin God. Ira atatun vevsera tentene ivusi ram ban lol ureure duluai.

Visirai 2:2

Nam ilo alen̄amiu mai havanau be gim lolia Ivisas. I nam iloe be gim lol rovoga hahavwani i gim ron̄ mwa n̄ava lol binihimiu liu. Nam iloe be gim hav samsamwara te n̄an haḡea alun ira atat lete, i nam ilo kimiu huba ira hei gea be ram bevea be kera ira hala take ram dentene, i gin habwera huba be ram dentene n̄ano.