1 Korin 10:25 - Hano Niu Testamen

²⁵ Gov gan bigi n̄oto be mwa saleiana lol tanon volvoli. Gosav hudali te avoan hudaligi gin binihimwa.

1 Korin 10:25 ပူးပေါင်းရင်းမြစ်များ

Lalaḡova 10:15

Haḡe silo mwa bev muleinia lalainia be, “Ginau be God nu lolia mwa melmelo huba gosav vev te dumwia be nu bibili sage nu hantai.”

Ravrava non Pol lalai ata Rom 13:5

I gov lol ron̄oe be gov gogonai ira tomuai ḡoro, vorate huria n̄an be rav vevegigo, take huria be gon iloe be kea alen̄ vavtutu.

Ravrava non Pol lalai ata Rom 14:14

Nam dogo lol Ratahigi Jisas, i nam iloe be ginaganiana vwate nu hav hantai tehe be vi ganiana. Take be atatu rituai rav vinihi mwasigi be ginau vwate nu vahala, kea nu vahala huria sibona.

1 Korin 8:7

Take vorate atatu n̄oto ram ilo ginau geki. Atatu rituai ram binihi dum radui nun vatu i lol taro be ram ḡan bigi. Ram binihi dumwia be ran tataroinia lalai nun vatu. Binihira ran mandamanda, lol taro be ram ḡania, ram ron̄oe kunbe ran vahala.

1 Timoti 4:4

Ginau duluai be God nu lolia nu tavuha i kea mwa hav tu tehe be vi varihaiana na ginau vwate kea be mwa laian ḡoḡo lol avkari,

Taetas 1:15

Ginau duluai ran melmelo lalainira be ran melmelo; take lalainira be ran masiri gin binihiv hahantai i ram hav binihi te mwasigi, lalainira ginau vwate nu hav melmelo tehe. Binihira mai alen̄ara ran hantai.