1 Korin 10:23 - Hano Niu Testamen

²³ Atatu rituai ram bevea be, “Gida tav lol dum ginau n̄oto,” take ginau n̄oto nu hav tavuha tehe huri gida be tav lolia. Ram bevea be, “Tav lol dum ginau n̄oto,” take ginau n̄oto ram hav bului te kera dodolua be rav tu wasi.

1 Korin 10:23 ပူးပေါင်းရင်းမြစ်များ

Ravrava non Pol lalai ata Rom 14:15

Kebe gov varihai binihimwasigi non tuamwa, huribe huri ginau be gom ḡania, gom hav huri te mwasin silon lolotabetabe. Gosav lol te kaburai binihimwasigi non atat dolua be gov gan ginau be kea mwa binibe nu hantai, huribe Jisas mwa mate huria.

1 Korin 14:12

Kunia n̄an maigo. Taro be gon doron hogoi lol vui maragai, gov hiḡera ivusi be rav haḡo hogoi be vi bului uloilua vi mauri wasi.

1 Korin 14:17

Gov avkari God la hala tavuha, take ginau geki mwa hav buluia tehe.

1 Korin 14:26

Ira tuaku, geki haḡea binihivanan hano be nam bevea. Lol taro be gim du bulbulu, atatu vwate nona iboi, i vwate nona silo vagahi. Vwate mwasigi gara nin God. Vwate mwa avo la avoan dodolua. I atatu vi vev binihivanan avoan dodolua. Ginau mutai huri ginau duluai geki be men bului uloilua be vi tu wasigi.

1 Korin 6:12

Atatu rituai ram bevea be, “Mahavana lalaiau be nav lol dum ginau duluai.” Uwe, take ginau duluai nuhav tavuha tehe be nav lol dumwia. Take inau nav vev dumwia be, “Mahavana lalaiau be nav lol dum ginau duluai,” take nasav lin̄ te ginau vwate be men loliau gi non turin rovoga.

1 Korin 8:1

Kadogaha nav avoinia huri ginau duluai gabe gon ravae lalaiau huri nun vatu. Tam iloe be gida duluai “nonda iloilo abena.” Iloilo mwa sogai luago be gomen ravwega, take lolotabetabe mwa mauri hae.

1 Korin 8:9

Binihimiu nu maribwesi. Gov gitaḡoro be nom binihiva si hav lolira tehe be ran mandamanda lol binihimwasigi garagusi be rav hovi lol vuro.

2 Korin 12:19

Gim binihia be gan lol ḡorogoro kamai sibomai lalai kimiu lol taro duluai? Gan avo la ihan Kraes i la lolmatan God. Kimiu sosori maragai gin irubwimai, i ginau duluai be gam lolia be vi lol kimiu giv wasi.

Ifisas 4:29

Mahavana be gon avo gosav vev te ira avoana be rav lol ḡagaras atatu, take goi vev havanau gabe mwa du be sinombu vi lai avoana gabe rav bului atat dodolua rav muramuraga ginia. I aia havanau be gom bevea vi lol dum lalaḡova tavuha lalainira be ram roron̄tainigo.

1 Tesalonaeka 5:11

Haḡe giv turatura kimiu gaitutuvwai i giv hagai muramura lalai kimiu gaitutuvwai, kunia kebe gim lolia kadogaha.

1 Timoti 1:4

Vevea lalainira be rasav sabwelei te nora taro alun ira vevuri tentene i alun varavarain iha lol vevuri ata la varara tuai. Ginau kera geki ram lol vigaigaiana n̄ano; ram hav bului tehe huri taritari non God, kea be mwa loliana gin binihimwasigi garagusi.