1 Korin 10:11 - Hano Niu Testamen

¹¹ Ginau kera geki be mwa loli lalainira geki take ram bora malele. Ram ravae huribe rai vagahi gida, huribe tam dogo lol taro be ginau ata lol ureure duluai ram bavora ram binogonogo.

1 Korin 10:11 ပူးပေါင်းရင်းမြစ်များ

Matiu 13:39

Ivwalu gabe nu riv urute kea haḡea Vui Hantai. Mahavan harahara kea haḡea nogonan gubwen̄, i atatun rovoga be ram hara koni kera ira enjel.

Matiu 13:40

Kun urute vi haraḡoana i vi vohaiana vai lol gabi, kunia mulei vi loli la nogonan gubwen̄.

Ravrava non Pol lalai ata Rom 13:11

Giv lol ginau kera geki bwatun be gim ilo didini taro haḡe geki be tam dogo alolona. Kadogaha taro vwate huri kimiu be giv mamata nin nomiu maturuva, bwatuna be kadogaha tarona be God vi varahu gida mwa sosori nin taro be gida tan siv binihimwasigi.

Ravrava non Pol lalai ata Rom 13:12

“Bon̄i” mwa bwelvwel gim nogo, “Rani” mwa sosori gin gida. I gida tav lin̄ ginau ata lol ute meto i tas lai vatahanan bwaloana ata lol gigita.

Ravrava non Pol lalai ata Rom 15:4

Ginau duluai be nu ravana tuai nu ravae be vi vagahi gida. Ravrava sabuga mwa lol gida tam lin̄ maḡemu i mwa lai avoan dura lalai gida huri be vi lol gida tav doronhohov.

Ravrava non Pol lalai ata Rom 4:23

Avoana keragea be, “God mwa dara alun binihimwasigi non Ebraham,” mwa hav ravana te huri Ebraham n̄an gahena

1 Korin 10:6

I ginau kerageki ram loli kun gabe malele lalai gida, be men tuḡoro gida be tasav doron te ginau daltale kunia be kera gea ram doronia.

1 Korin 7:29

Ira tuaku, geki haḡea binihivanan hano be nam bevea: Taro vwelvwele huba mwa du lalai gida. Mwa dau bwatuna kadogaha, kera gabe tasalara abena rav togo kun gabe tasalara sigai.

1 Korin 9:10

Kea mwa avo mwasigi huri gida. Uwe, avoan sabuga gea mwa ravana huri gida, huribe mwa bev rahurahuinia be, atatu be mwa butuvutu i atatu be mwa harahara biri, kera n̄oto ram binihi haragaituvwa n̄ano be rav lai ginaganiana alolon ute lolora gea.

Kelesia 4:24

Vevuri geki kea nunu vwate be mwa bagahi huri ginau dolua vwate: vavine gairua gea ramuru dovon̄ai leowasi gairua lol davolan God mai non sinombu. Heka turin rovoga mwa dovon̄ai dameiana be nu lolia la vusi Saenae. Atatu be mwa bavara ram bora turi.

Filipae 4:5

Giv lin̄ kimiu duluai rav gitae be kimiu atat maḡemu i sine tavuha. Ratahigi vi himai sihav vora te n̄ava.

Hibru 10:25

Tasav lin̄ te ḡoḡoana lol imwa tataro kunia be rituai ram lolia. Ninia gea tav turatura gida gaitutuvwai tagaro, bwatuna be gubwen̄in Ratahigi mwa abena be men mai.

Hibru 10:37

Baebol mwa bevea be, “Lol taro vwelvwele n̄ano wani gea be vi mai vi visirai, i ginau vwate sigai be vi tuḡoroe.

1 Jon 2:18

Ira nituku, mwa abena be ureure men nogo. Gim iloe be ivwalu Kraes men mai kadogaha, ira ivwalu non Kraes ran mai huba. Bwatuna haḡea tam iloe be nogonan ureure mwa abena.