1 Korin 1:8 - Hano Niu Testamen

⁸ Jisas Kraes vi haḡo wasi kimiu lol binihimwasigi vai votu nogonana, huribe giv melmelo lol taron non Gubwen̄i.

1 Korin 1:8 ပူးပေါင်းရင်းမြစ်များ

Leo Tavuha gabe Luk nu Ravae 17:24

Vi ḡun vilehi gabe mwa ḡigita n̄andu mahao nin tavaluna vai tavaluna, vi loli kunia la gubwen̄in Nitun Atatu.

Leo Tavuha gabe Luk nu Ravae 17:30

Vi loli n̄an mulei kunia lol gubwen̄i gabe Nitun Atatu vi visirai alolona.”

Ravrava non Pol lalai ata Rom 14:4

Gosav vevegi te dum turin rovoga non atatu dolua. Non ratahigi mahaḡea vi vevea be non turi gea mwa lol bavtutu sa sigai. I atatun rovoga non God vi lol vavtutu huribe God mwa buluia mwa lol vavtutu.

Ravrava non Pol lalai ata Rom 16:25

Tav uloi roroai ihan God gabe vi lol dumwigo gov wasi lol binihimwasigi garagusi gin Roroi Tavuha gabe nu vevea lalai atatu i huri roroi huri Jisas Kraes. Roroi huri Kraes kea ginau hili gabe mwa dahuliana huri taul ivusi huba ta kadogaha mwa loliana mwa iloana.

Ravrava non Pol lalai ata Rom 8:19

Ginau duluai be God mwa lolia mwa hohovi mai samwarana be God vi lol seserai lalai ira nituna sarisarina mwasigi.

1 Korin 3:13

Nora rovoga vi visirae ute melmelo, bwatuna be Gubwen̄ Vevegi non Kraes vi lai bisirainia ute melmelo. Gubwen̄i gea gabi gea vi lol seserainia be hava rovoga haḡea be nu loliana; gabi gea vi haḡo ron̄oe i vi seserai lua non mwasigi sage non hantai.

1 Korin 5:5

Kimiu giv tau atatu gea la liman Setan be rebehina vi vano. I aia vurona sibona mwa binihi kaburaiana, i non vui rahu vi rahu lol gubwen̄in Ratahigi.

2 Korin 1:13

Gam rav ginau n̄an lalainigo be gov vasogoe i gov ilo dumwia.

2 Korin 1:14

I nam doronhohov be giv ilo dum ginau duluai huri kamai, vuvuri giv siv doron kamai, kunia kamai gav ilo huri kimiu la hala be Ratahigi Jisas Kraes vi mai mulei.

2 Korin 1:21

Giv iloe be, God gaituvwa be nu tau kimiu i kamai tam bulgaituvwa lol rahuana mai Kraes. God nu tau gida non ira sinombu gitalua,

Ifisas 5:27

Kea nu mate huribe kea vi lai uloilua lalainia sibona kun vavin lagi mwa ḡabui rebehina sibona. Kea nu mate huribe uloilua vi melmelo dumwi i vurona vi sigai.

Filipae 1:10

be giv gitae dolua lol davolan tavuha i hantai i giv gita lua tavuha; be giv melmelo i nomiu vahalana vi sigai huri maiana non Kraes;

Filipae 1:6

God nu tau bwatuna be men lol rovoga tavuha alolomiu, i inau nam binihimwasigi be vi van rahurahu aluna vaivotu be vi nogoinia batena be Kraes Jisas vi mai mulei.

Kolosi 1:22

Take kadogaha, God mwa lol kimiu gi ira tuana mulei sivi mateanan Kraes. I kadogaha gov mai dum lolmatan God kun atatu gabe ran sabuga, i nu melmelo be vahalana sigai.

Kolosi 2:7

Giv tau bwatbwatumiu vi roro aluna i giv lol rahumiu vi mauri aluna. Giv tu wasi lol binihimwasigi garagusi, kun be gin lai silo vagahina, i giv masiri gin tabeana.

1 Tesalonaeka 3:13

Nam dataro be lolomiu vi tu wasigi, be giv vora atat sabuga i vahalana sigai lolmatan nonda i Tata batena be nonda Ratahigi Jisas vi mai mai non ira sabuga duluai.

1 Tesalonaeka 5:2

Gin ilo tavuhainia be gubwen̄ be Ratahigi vi mai mulei vi vora ginau haraḡo, kun be susurana be mwa mai bon̄i.

2 Tesalonaeka 2:2

Gosav lol te binihimwa vi lalan̄aga sa gosav matagu tehe be gov ron̄oe be gubwen̄i non ratahigi nu mai huba. Atatu vwate vi vevea kungeki lol toretore sa lol roroi sage lol ravrava vwate be ran vevea kunabe kamai gan ravae.

2 Tesalonaeka 3:3

Ta nonda Ratahigi kea nu mwasigi i vi lai lalainigo muramura i vi gita ḡorogo nin Vui son̄son̄o.

2 Timoti 1:12

Nam ron̄ ḡagarasi kadogaha bwatuna be nam bev Leo Tavuha, take nam hav busbusi tehe, bwatun be nam ilo Jisas, wani be alolona nan binihimwasigi. I nam binihimwasigi be kea vi holḡoro havanau be nu taua aluku vai votu Gubwen̄i kea be vi mai.

2 Timoti 1:18

Nam dataro be Ratahigi vi hogoi non sine hagavi lalainia lol Gubwen̄i gea. Gom iloe be nu buluiau lol hala ivusi Ivisas.

1 Pita 5:10

I ataguna be giv ron̄ ḡagarasi huri taro vwelvwele gea, God, gabe mwa lai hogoi duluai, vi lol ginau tavuha duluai rav vavtutu. Kea vi lol kimiu giv wasi i vi tu wasigi mai kimiu bereva gim hovi. Mwa uloi kimiu be giv bete mai sarisari lol Kraes, sarisari be vi tu rahurahu vai tuai.

2 Pita 3:10

Take gubwen̄in Ratahigi vi mai kun atat Surasura. Mahao vi vano mai silo gaivua ginau duluai alolora vi van kaburai gin gabi, i ureure mai ginau duluai alolona vi oda kaburai,

2 Pita 3:14

Ira tuaku, lol taro be gim hohovi huri ginau geki be vi loli, giv lol ron̄oe be giv togo dagai nin vuro i dagai nin totoa bibili i han̄ora. Giv lol ron̄oe be giv lol tamwata mai God.