1 Korin 1:30 - Hano Niu Testamen

³⁰ Take God nu haḡo bul kimiu alolon Kraes Jisas, i God nu lol Kraes be vi vora nonda mataisao. Sivi Kraes haḡea mwa dau bavtutui mulei gida lol God i mwa lol gida tam bora atat mataisaoga, i mwa ḡita batoi gida i mwa lol sabugai gida.

1 Korin 1:30 ပူးပေါင်းရင်းမြစ်များ

Matiu 1:21

Mere vi haḡo nituna atamwani. Gov huri ihana gi Jisas, bwatuna be kea vi varahu non sinombu nin vurora.”

Leo Tavuha gabe Luk nu Ravae 11:49

Bwatuna higea mataisao non God nu vevea be: ‘Nav hora ira atatun vevsera lalainira i rav wehi bamat rituai i rav lol ḡagaras rituai.’

Leo Tavuha gabe Luk nu Ravae 21:15

bwatuna Inau nav lai avoana i mataisao gabe giv avo aluna, gabe nomiu ivwalu rasav ivwalui te dum kimiu ginia, rasav tagara te dagai dum nomiu avoana.

Leo Tavuha gabe Jon nu Ravae 1:18

Atatu vwate mwa hav gita te radui God. Nituna vora gaituvwa, gabe kea kun God sibona i mwa dogo hurin Tamana, kea mwa seserainia lalai gida.

Leo Tavuha gabe Jon nu Ravae 14:6

Jisas mwa bwaliua be, “Inau matanhala, mwasigi, i rahuana; atatu vwate sihav van te dum aben Tata dagai niniau.”

Leo Tavuha gabe Jon nu Ravae 17:26

Nan seserainigo lalainira, i nav lol rahurahuinia kunia lalainira, huria be nom lolotabetabe huriau vi togo alolora mulei, i inau mulei nav togo alolora.”

Leo Tavuha gabe Jon nu Ravae 17:8

Nan lai roroi lalainira gabe gon laia lalaiau, i ran lai ḡoḡoe; kera ram iloe be mwasigi gon horau.”

Leo Tavuha gabe Jon nu Ravae 8:12

Jisas mwa avo lalai ira Varise be, “Inau haḡea gigitan ureure. Be ihei tehe mwa huriau vi lai gigitan rahuana i sihav lago te dum lol ute meto.”

Lalaḡova 26:18

“Giḡo haḡea gov havan̄ matara, i gov lai luara nin ute meto vai lol gigita i nin muramura non Setan huri God, huri be gin nora binihimwasigi garagusi aluku vi binihi kaburai vurora i rav lai dum tanora mai ira atat gita lua non God.”

Ravrava non Pol lalai ata Rom 1:17

Roroi Tavuha mwa bagahi kun hanigi God mwa lol atatu mwa bavtutu maia sibona be mwa dau bwatuna i mwa nogo mai binihimwasigi garagusi. Ravrava Sabuga mwa bevea be, “Kera be ram bavtutu mai God huri be ram binihimwasigi garagusi, kera rav habwe rahuana.”

Ravrava non Pol lalai ata Rom 11:36

Uwe, God nu lol ginau duluai, i ginau duluai mwa du mwa loli sivinia i lalainia. Lalainia sarisari vai tuai! Amen.

Ravrava non Pol lalai ata Rom 12:5

Kunia mulei, gida ivusi, ta alun Kraes, gida n̄oto rebehi gaituvwa n̄ano. Gida duluai tam bul gaituvwa aluda siboda, i kunia be udun rebehi gaituvwa ram bul gaituvwa.

Ravrava non Pol lalai ata Rom 16:11

Avoan helheloi mulei lalai Herodion, ata la vanua maiau. Avoan helheloi mulei lalainira be ram dogo lol imwan Nasisas be ram lol rovoga non God.

Ravrava non Pol lalai ata Rom 16:7

Avoan helheloi mulei lalai Andronikas i Junia, ira havaku, gabe rav togo vauhi maiau. Kera raru vora atatu be ira hala ran ilo tavuhainira. Kera raru vora atat binihimwasigi non Kraes vuri mwa sivora inau.

Ravrava non Pol lalai ata Rom 4:25

Jisas nu mai huribe vi mate huri vuroda, i mwa domare mulei nin mateana be men lol gida tamen vavtutu la lolmatan God.

Ravrava non Pol lalai ata Rom 4:6

Deved mwa bev mulei ginau n̄an kunia. Mwa bevebe atatu ram lai vatavuha lol taro be God, mwa hav gita te nora lalaḡova bavtutu, mwa lolira ram bavtutu la lolmatana.

Ravrava non Pol lalai ata Rom 5:19

Atatu n̄an gaituvwa nu hav ron̄ te God, i ivusi ram mai i atat vuroga. Kunia n̄ano be, atatu n̄an gaituvwa nu ron̄ God, i ivusi rav vavtutu.

Ravrava non Pol lalai ata Rom 5:21

Vuro nu lol mateana be vi tomuai gida, take mwa lai hogoi non God sivi vavtutu i vi lai rahuana vai tuai sivi Jisas Kraes nonda Ratahigi.

Ravrava non Pol lalai ata Rom 8:1

I kadogaha, kera gabe ram rahu mai Kraes Jisas, kera varate ram lai silo vevegi wasi.

Ravrava non Pol lalai ata Rom 8:23

Varate ureure n̄ano, ta kamai mulei gam hohovi mai ron̄ ḡagarasi alolomai. Gam haḡo Vui Sabuga kunabe muan ginau lol tatauleo non God. I gam hohovi God be vi lol kamai gi ira nituna, gin binihiva be rebehimai rav togo melmelo nin vuro.

Ravrava non Pol lalai ata Rom 8:9

Ta giḡo rahumwa si hav togo tehe la vuromwa sibomwa. Giḡo gom dogo halaten Vui Sabuga, kebe Vui Sabuga non God mwasigi mwa dogo maigo. Ta atatu be mwa hav haḡo te Vui Sabuga non Kraes, kea mwa hav vora te non Kraes.

1 Korin 1:2

Lalai uloilua non God Korin, i lalai kimiu duluai be gin togo sabuga lol Kraes Jisas, nu uloi kimiu be giv vora atat sabuga non God, mai sinombu duluai be ram dataro lol ihan Ratahigi Jisas Kraes, nora God i nonda.

1 Korin 1:24

Take lalainira sinombu be God nu uloi luara, ira Jius mai ira ata Krik, Kraes kea muramura non God i mataisao non God.

1 Korin 12:18

Be mavuvun rebehi si vora dadariha n̄oto, kea si vora rebehi sigai.

1 Korin 12:27

Kimiu duluai n̄ano kimiu rebehin Kraes, i gaitutuvwai alolomiu gim bulu n̄an lol rebehi gea.

1 Korin 12:8

Vui Sabuga mwa lai lalai atatu vwate be vi avo gin mataisao, i Vui Sabuga n̄an gea mwa laia lalai atatu dolua be vi avo gin iloilo.

1 Korin 4:15

Be atatu vasan̄vul vahan̄vulu ram buluigo lol Kraes, mwa du be tamamwa vi vora gaituvwa n̄ano. Lol rahumwa lol Kraes Jisas, inau nam mai huba gi tamamwa huribe nam lai Roroi Tavuha lalainigo.

1 Korin 6:11

Lol taro tuai huba, kimiu rituai haḡea kunia, take nu bwaga melmeloi kimiu huba. I nu lol sabugai kimiu, i nu tau bavtutui kimiu mai God lol ihan Ratahigi Jisas Kraes i mai Vuin nonda God.

2 Korin 12:2

Nam ilo atatu lol Kraes kea nu laiana vai lol gaitolun ute ata amare taul han̄vul domwan gaivasi be nu ḡao huba. Nam hav iloe tehe be daga wani gea nu hae mai mwasin rebehina sa nu mwalue nin rebehina, take God mwa iloe.

2 Korin 4:6

God nu vevea be, “Giv lin̄ gigita vi sarisari lua lol metmeto! Geki God n̄an be nu lol gigita mwa sarisari lol loloda mwa lin̄ gida tam ilo huri sarisarin God kea be lolmatan Kraes.”

Kelesia 1:4

Jisas mwa laia sibona huri vuroda be men lai lua gida nin ureure vuroga geki be tam dogo alolona, kunia be God tamanda nu lol vatuvwainia.

Kelesia 3:13

Kraes nu lai dagai silo vevegi be silo nu taua aluda. Mwa leahi ute mai gida i mwa daua sibona halaten vevegi gea. Mwa ravana lol ravrava sabuga be, “Ihei tehe be rebehina mwa seserainia la bwatungai kea vi lai vevegi.”

Ifisas 1:10

Nona be vi lol haraharai non taritari duluai, i batena be mwasin tarona mwa mai, be ginau duluai lol mahao i lol ureure rai bulu duluai utegaituvwa lol Kraes kun be bwatu gaituvwa,

Ifisas 1:14

Be Vui Sabuga kea mwa seserainia be tam lai havanau be God mwa lai ribwesiva be nu haraharai lalainira be bilana be men lai roroai lalai sarisarin God.

Ifisas 1:7

Kraes gida tam maribwesi gin dagan mateanana, i bwatuna gea gida tam lai tugu kaburai vuroda. Hogoi non God nu rosoga maragai,

Ifisas 2:10

God nu loli gida be tav togo haḡea kun geki. Lol Kraes Jisas, God nu lol gida be tav lol rovoga tavuha, gabe God mwa lol daua lol non hogoi huri gida be rahuda vi togo mai nonda lalaḡova.

Ifisas 4:30

I gosav lol te Vui Sabuga be vi ron̄ mwahantai. Vui kea mwasigi non God be kea bilana God nu lai Vui lalainigo be men seserainia be God vi loligo gov maribwesi mahavana be nogonan gubwen̄ vi mai.

Ifisas 5:26

be vi lolia gi bilan God. Kraes mwa avoinia gin avoana be men lol uloilua gim melmelo ginia be mwa bwagae gin wai.

Filipae 3:9

i bilana. Kadogaha nam bavtutu mai God, nu hav vora te huria be nan huri silo, take bwatuna be nam binihimwasigi garagusi alun Kraes. God mwa haḡo noḡu binihimwasigi garagusi mwa loliau nan bavtutu maia.

Kolosi 1:14

Nituna mwa bol vuroda i alolona haḡea tam haḡo binihiv kaburai vuro.

Kolosi 3:16

Giv lin̄ silo vagahi non Kraes vi togo mai kimiu tagaro. Giv haḡo mataisao n̄oto be giv vagahi i giv iloilo kimiu be giv lol iboi, iboin tataro mai iboi sabuga gin avoan avkari lol irubwimiu lalai God.

1 Tesalonaeka 5:23

Kadogaha nam dataro be God sibona, God huri tamwata, vi lol kimiu giv melmelo giv vora huria n̄ano. Nam dataro be rahumiu duluai lol Vui, atmatemiu, i rebehimiu vi to rahurahu i vahalana sigai batena be nonda Ratahigi Jisas Kraes vi mai.

Taetas 2:14

Nu lin̄ia sibona huri gida be vi lol tavwe be vi ribwes gida nin ginau hantai duluai i be vi lol gida tai vora sinombu melmelo be tai vora bilana n̄an gahena. Sinombu be tagaro tam doron be tav lol lalaḡov tavuha.

Hibru 9:12

Kraes nu haroro huba lol vwavwana be Ute Sabuga Liu take nu hav lai te dagan buluki i nani. Take nu lai dagana sibona i nu lai varahuva be mosmosianana nu sigai.

Jemes 1:5

Take be ihei mwa doron mataisao vi hudali God huria. Kea nu maḡemu i samsamwara be vi laia lalai sinombu, i kea vi laia lalainigo mataisao.

1 Pita 1:2

God nu lol dautau kimiu amua be vi gitalua kimiu i vi lol kimiu giv vora non atat sabuga, gabe rovoga non vui. God mwa doron be kimiu giv ron̄oe i giv melmelo gin dagan Mateanan Jisas Kraes. Hogoi i tamwata vi vora nomiu i vi liu.

2 Pita 1:1

Nin Saimon Pita, atatun rovoga i hala non Jisas Kraes. Lalai Kimiu be gin lai binihimwasigi garagusi kun kamai, bwatuna be nonda God i Varahuda Jisas Kraes, mwa lol havanau be nu vavtutu.

1 Jon 5:6

Jisas Kraes haḡea atatu gabe nu mai mai wain garuhisabuga i dagan mateanana. Take nu hav mai te n̄an mai wai, take wai i daga. Vui sibona mwa bev seserai ginau geki be mwasigi bwatuna be Vui kea mwasigi.

Visirai 14:4

Kera be geki atatu n̄an gabe ran rarainira i ran hav bibili tehe gin rebehin vavine; kera ran gogona. Ram huri daltali nitui sipsip halabehe tehe be kea mwa bano. God nu vol luara huba i mwa lai luara nin atat dodolua. Ram bora muan atatu be ran vora hogoi lalai God mai nitui sipsip.

Visirai 5:9

Ram lol iboi gara ram bevea be: “Giḡo gon dadariha be gov lai buk lulun̄i i gov roto tigoro huri buka be vi mavugeri. Huri be giḡo gon bwalo, i gin mateanan gin mateanan nom ron̄ ḡagarasi mwa boligo huri sinombu non God alun varan sinombu duluai, lalan̄an avoana, i lalan̄an vanua mai lalan̄an atatu be gulira dodolua.