1 Korin 1:21 - Hano Niu Testamen

²¹ Alolon mataisao non God ureure mwa hav ilo te God sivi non mataisao sibona. Haḡe kunia God mwa ḡita luae be vi varahu atatu n̄ano be ram binihihimwasigi toretore bwaḡelega be tam doretore aluna.

1 Korin 1:21 ပူးပေါင်းရင်းမြစ်များ

Matiu 11:25

Lol mahavana gea Jisas mwa bevea be, “Tata, giḡo Ratahigi ḡoro ute atamare i lol ureure, nam avkari maragainigo, bwatuna gon lol bisirai lalainira bwaḡele hano gon tahulinia nin ira mataisao.

Leo Tavuha gabe Luk nu Ravae 10:21

Lol mahavan gea Jisas mwa masiri gin samwarana gin Vui Sabuga, i mwa bevea be, “Tata, giḡo Ratahigi ḡoro amare i lol ureure! Nam avkari maragainigo, bwatuna gon lol bisirai lalainira bwaḡele hano gon tahulinia nin ira mataisao. Mwasigi, Tata, geki haḡea halana gon doron be vi loli kunia.”

Leo Tavuha gabe Luk nu Ravae 12:32

“Gisav matagu tehe ira nitui sipsip bwatuna be Tamamiu mwa samsamwara be vi lai Rahuan Gara lalai kimiu lol ute gabe kea mwa ratahigi alolona.

Leo Tavuha gabe Jon nu Ravae 12:31

Kadogaha tarona huri ureure geki be men vevegia; i tomuai ata lol ureure geki vi vohaian kaburai.

Ravrava non Pol lalai ata Rom 1:28

Sinombu ran hav vinihia tehe be mwa du maragai be rav ilo mataisao mwasigi non God. I God mwa bisdagai ninira i mwa mahin̄ainira be rav haḡo nora binihiv taltale sibora i be rav lol ginau be mwa du be rasav lolia tehe.

Ravrava non Pol lalai ata Rom 11:33

Uwe, ute ratahigi non God nu lavoa maragai, i non mataisao i iloute si hav nogo te dumwi! Atatu vwate si hav hahara te dum vataha ginau be God mwa binihia sage vi ilo tavuhai non hala.

1 Korin 1:18

Silo vagahi huri volovolo kea mwa bora bwaḡele lalainira gabe ran sala, take lalai gida be tam rahu lol binihimwasigi, kea muramura non God.

1 Korin 1:23

Take gam doretore alun Kraes be nu voha bolvoloe. I geki mwa bora ginau vahala be gaivua lalai ira Jius, i ira Lolobon̄i ivusi ram binihia be ginau bwaḡelega.

1 Korin 1:24

Take lalainira sinombu be God nu uloi luara, ira Jius mai ira ata Krik, Kraes kea muramura non God i mataisao non God.

1 Korin 1:25

Bwaḡele non God nu mataisaoga nin mataisao non atatu, i rahuan mandamanda non God kea nu muramuraga nin muramura non atatu.

1 Korin 1:27

Take God nu gita lua ginau bwaḡelega ata lol ureure be men lol busbusi ira mataisao. I mwa ḡita lua ginau mandamanda ata lol ureure be men lol busbusi ira muramura.

1 Korin 11:32

Take lol taro be God mwa bevegi gida, mwa lol ḡagaras gida huribe si hav lol te kaburai gida mai ureure.

1 Korin 2:14

Atatu be Vui Sabuga sigai alolona si hav lai te dum ira hogoi be mwa mai nin Vui non God, bwatuna be ginau keragea ram bwaḡelega n̄ano lol matara.

1 Korin 4:10

Bwatuna be tam lol rovoga huri Kraes, tam mai gi bwaḡele lolmatan atatu, take kimiu gin mataisaoga huribe kimiu non Kraes. Atatu ram ḡita bahivoi kamai, take ram binihi marahi kimiu.

1 Korin 6:2

Mwasigi haḡea gom iloe be sinombu non God rai vevegi ureure. Haḡe be giḡo goi vevegi ureure, matuke gosav vevegi te vahalana kokolo mulei?

Kelesia 1:15

Take God nu lol vatuvwai rau matan taritari huriau i mwa dau dagaiau huri non rovoga amua vuvuri nam siv vora. Nu uloiau sivi non hogoi,

Kelesia 4:8

Amua gon hav ilo te God, i gon vora turi lalai tagaro be mwa hav vora te mwasina.

Ifisas 1:9

tav ilo bwatuna be mwa lol taritari dahuligi. Geki havanau be God nu doronia, i nu tari halana be vi lolia sivi Kraes.

Ifisas 3:10

Taritari non God be sivi uloilua ira vwalaua duluai mai ira muramura duluai lol ureure kadogaha rav ilo mataisao non God, gabe mavuvuna ivusi maragai.

Kolosi 1:19

Mwasin binihin God sibona be vi tau ginau duluai be nona alun Nituna.

Hibru 1:14

Ira enjel havanau? Enjel kera n̄an ira vui gabe mwa horara be rav lalaḡo lalai sinombu be rav lai varahuva.

Hibru 2:3

Be gida tas varihai hal gaivua geki huri halan varahuva, i kunia tav lol haninia be tamen romaragai nin silo vevegi? Ratahigi sibona kea muana be nu vevea huri varahuva, i sinombu gabe ran ron̄ roroi lol taro gea mwa seserainia lalai gida be mwasigi.

Hibru 7:25

Haḡe bwatuna gea, mwa dau bwatuna garigi vaivotu mosmosianana sigai, kea vi varahu dumwira gabe ram huria, huria be rav hae dum aben God. Huria be kea vi rahu vai tuai, i vi tu vai tuai la lolmatan God, i vi tataroi hurira.

Jemes 4:4

Take gom hav mwasigi tehe lalai God! Gom iloe be doronivanan ginau ata lol ureure nuḡun atatu be mwa barihai God? Atatu be mwa doron be men mai gi tuan ureure kea mwa bora ivwalu non God.

Jemes 5:15

I tataro non atatu be mwa binihimwasigi garagusi vi varahu ira harova; God vi varahu atatu gea. Kebe atatu gea nu vuroga, God vi vinihi kaburai vurona.

Jemes 5:20

kea mwa barahu wani geki sihav mate tehe. Atat vavtutu geki mwa lol hal tavuha i mwa dugu kaburai vurona nin lalan̄an bwatigoro duluai.