1 Jon 5:20 - Hano Niu Testamen

²⁰ Tam iloe be Jisas Kraes nitun God nu mai, i nu vagahi gida gin mwasin God, i Jisas Kraes haḡea bwatuna be kadogaha tam bora bilan mwasin God gabe mwa lai rahuana vai tuai.

1 Jon 5:20 ပူးပေါင်းရင်းမြစ်များ

Matiu 13:11

Haḡe kea mwa avkorora be, “Mwa hogoi lalai kimiu be gimen ilo ginau ririhai huri Ute Lavoa atamare, take mwa hav hogoi tehe lalainira.

Leo Tavuha gabe Luk nu Ravae 21:15

bwatuna Inau nav lai avoana i mataisao gabe giv avo aluna, gabe nomiu ivwalu rasav ivwalui te dum kimiu ginia, rasav tagara te dagai dum nomiu avoana.

Leo Tavuha gabe Luk nu Ravae 24:45

Haḡe mwa havan̄ nora binihiva be ramen ron̄ batoi Ravrava Sabuga duluai.

Leo Tavuha gabe Jon nu Ravae 1:18

Atatu vwate mwa hav gita te radui God. Nituna vora gaituvwa, gabe kea kun God sibona i mwa dogo hurin Tamana, kea mwa seserainia lalai gida.

Leo Tavuha gabe Jon nu Ravae 10:30

Inau mai Tata gaituvwa n̄an.”

Leo Tavuha gabe Jon nu Ravae 14:20

Mahavana be gubwen̄i gea vi mai, giv iloe be inau lol Tamaḡu i kimiu aloloku, kunia n̄an gabe inau alolomiu.”

Leo Tavuha gabe Jon nu Ravae 14:23

Jisas mwa bwaliua be, “Ihei tehe mwa dabeau vi ḡoḡoi noḡu silo vagahi. Tamaḡu vi tabea, i kamaru mai Tamaḡu garu vi mai huria ba dogo maia.

Leo Tavuha gabe Jon nu Ravae 14:6

Jisas mwa bwaliua be, “Inau matanhala, mwasigi, i rahuana; atatu vwate sihav van te dum aben Tata dagai niniau.”

Leo Tavuha gabe Jon nu Ravae 14:9

Jisas mwa bwaliua be, “Nam dogo mai kimiu duluai huri mahavana n̄ava huba; take gom hav iloau te radu, Vilip? Ihei tehe be nu gitau nu gita Tata. Hurihano gom bevea be, ‘Vagahi kamai gin Tata’?

Leo Tavuha gabe Jon nu Ravae 15:4

Kimiu giv bulu maiau, i inau nav bulu mai kimiu. Rarana sihav vwavwae te dum sibona; take vi vwavwae dumwi n̄an be vi tarihou mai talina. La hala mulei kunia gisav vwavwae tehe vaivotu be giv bulu maiau.”

Leo Tavuha gabe Jon nu Ravae 17:14

Nan lai nom roroi lalainira, take ureure mwa barihainira, bwatuna be ram hav vora te bilan ureure, kunia n̄an mulei be inau nam hav vora te bilan ureure.

Leo Tavuha gabe Jon nu Ravae 17:25

Tata mwasin vavtutu! Ureure mwa hav ilogo tehe, take nam ilogo, i kera geki noḡu atatu ram iloe be gon horau.

Leo Tavuha gabe Jon nu Ravae 17:3

Rahuana vai tuai gin binihiva be atatu vi ilogo, be giḡo n̄ano God mwasigi, i be atatu ramen ilo Jisas Kraes gabe gon horae.

Leo Tavuha gabe Jon nu Ravae 20:28

Tomas mwa bwaliua be, “Noḡu Ratahigi i noḡu God!”

Leo Tavuha gabe Jon nu Ravae 8:42

Haḡe Jisas mwa bevea lalainira be, “Be God mwasigi Tamamiu, mwa du be giv tabeau; bwatuna be nan mai nin God i kadogaha inau teti. Nan hav mai tehe alun noḡu doroniva siboku, take kea nu horau.

Lalaḡova 20:28

Giv gita ḡoro kimiu sibomiu, i giv gita ḡorora gabe Vui Sabuga nu taura la limamiu. Kimiu giv vora radaiḡoro huri uloilua non God, gabe kea nu lolia huria sibona sivi mateanan Nituna.

Ravrava non Pol lalai ata Rom 9:5

Kera haḡea varan ira sibida, i kera mulei ran togo lol taron Kraes be nu vora, kea be God ḡoro gida sinombu duluai, tav uloi roroainia vai tuai i tuai! Amen.

1 Korin 1:30

Take God nu haḡo bul kimiu alolon Kraes Jisas, i God nu lol Kraes be vi vora nonda mataisao. Sivi Kraes haḡea mwa dau bavtutui mulei gida lol God i mwa lol gida tam bora atat mataisaoga, i mwa ḡita batoi gida i mwa lol sabugai gida.

2 Korin 4:6

God nu vevea be, “Giv lin̄ gigita vi sarisari lua lol metmeto! Geki God n̄an be nu lol gigita mwa sarisari lol loloda mwa lin̄ gida tam ilo huri sarisarin God kea be lolmatan Kraes.”

2 Korin 5:17

Be ihei kea bilan Kraes, kea mwa mai gi atat gara. Rahuan ata tuai mwa nogo. Ginau duluai ram mai gara.

Ifisas 3:18

I nam dataro be giḡo mai ira sinombu sabuga non God duluai, rav lai muramura huri iloilo alun lolotabetabe gaivua non Kraes be gaivua kunhanigi i n̄ava kunhanigi i nu holomare kunhanigi i nu roro kun hanigi huri lolotabetabe gea.

Filipae 3:9

i bilana. Kadogaha nam bavtutu mai God, nu hav vora te huria be nan huri silo, take bwatuna be nam binihimwasigi garagusi alun Kraes. God mwa haḡo noḡu binihimwasigi garagusi mwa loliau nan bavtutu maia.

1 Timoti 3:16

Tanon binihiv gairuruai sigai, rahuda dahuligi huri gogonai gaivua maragai: Kea nu seserainia lalai gida lol rebehin atatu, nu dovon̄ainia be nu vavtutu lol Vui, i nu gitana gin ira enjel. Kea nu toretore lalainira be ram hav vora te ira varan Israel, binihimwasigi lol ureure, i God mwa lai luau vai amare lol sarisari.

Taetas 2:13

Mwa du be tav togo kunia lol taro be tav hohovi huri be nonda doronhohovi gaivua liu i huri maiana lol sarisari non nonda God holomare hae i varahu Jisas Kraes.

Hibru 1:8

Take God nu avo huri Nituna mwa bevea be, “Giḡo mwasigi God, i tanon nom ute Ratahigi Lavoa vi tu vai tuai! Nom muramura gi harahara huri vavtutu.

1 Jon 2:23

Be tas siehi naturigi tas siehi Tamana mulei. Take be tas vevea be tam dabe Nitui, tam dabe Tamana mulei.

1 Jon 2:24

Giv tu wasigi alun roroi gabe gin ron̄oe muana vi ḡata lol sibwen̄imiu. Be roroi gabe gim ron̄oe muan mwa dogo alolomiu, kunia giv togo lol Nitui i lol Tata.

1 Jon 2:6

I be tas vevea be gida tam dogo lol bulbuluana mai God, gida tav huri malelen Jisas Kraes mwasigi.

1 Jon 4:14

God nu hora Nituna be vi vora Varahun ureure. Gida tan gita Nituna, i kadogaha tam bev sera huria lalai atat dodolua.

1 Jon 4:16

I tam iloe i tam binihimwasigi be God mwa dabe gida. God kea lolotabetabe, i ira hei gabe ram dogo lol God, rav tabe sinombu vataha mahavana, i God vi togo alolora.

1 Jon 4:2

Giv iloe be vui mwa mai nin God sa sigai. Be ihei tehe si vevea be Jisas Kraes nu vora atatu i mwa bora lol ureure, wani gea Vui non God alolona.

1 Jon 5:1

Be tas vinihi mwasigi be Jisas kea Kraes mwasigi, gida ira nitun God. Bwatuna be ira hei be ram dabe Tata, ram dabe Nitui mulei.

1 Jon 5:15

Tam iloe be God mwa ron̄ gida vataha mahavana be tam dataro, bwatuna haḡe gea tam iloe be God mwa samsamwara huri nonda tataro.

1 Jon 5:18

Gida tam iloe be mwa hav vora te ira nitun God gabe ram buroga tagaro. Mwasin nitun God mwa du ḡorora, i setan sihav lol te dumwira.

1 Jon 5:5

Ihei haḡea nu muramuraga liu ureure? Irahei n̄ano gabe ram binihimwasigi be Jisas Kraes kea Nitun God.

Visirai 15:3

i ram lol iboi gabe Moses atatun rovoga non God nu lolia tuai, mai iboi non Nitui Sipsip ram bevea be; “Ratahigi God mwasin roron̄o, nu tavuha i nu vavtutu maragai na nom lalaḡova! Ratahigi Lavoa ḡoro varan sinombu duluai nom lalaḡova i alen̄amwa nu vavtutu!

Visirai 19:11

Nam ḡarere i nam ḡitae be ute atamare mwa mahavan̄i, i hos maita mwa du aia. Atatu be mwa rovo aluna mwa uloinia be, “Binihimwasigi garagusi i Mwasigi, i kea nu vavtutu vataha mahavana la non harahara sage lol mahavana be mwa bano lol bwaloana.

Visirai 3:14

Kea mwa bevea be, gov rava noḡu avoana lalai vanua Laodisia ba bevea be, “Geki noḡu avoana, gabe nam bev Amen lol tatauleo non God. Inau non gaitura vwate gabe nan mwasigi, i nam hav tul te burigai noḡu avoana. Inau bwatun ginau tau non God duluai.

Visirai 3:7

Gov rava noḡu avoana vi vano lalai enjel lol uloilua Viladelvia ba bevea be, “Geki roroi nin wani gabe nu sabuga i nu mwasigi. Kea nu haḡo gaihavan̄i be non Deved, i mahavana gabe mwa havan̄ gatava gea, atatu vwate sihav goro te dumwia, i mahavana be mwa ḡoroe, atatu vwate sihav havan̄ te dumwia.

Visirai 6:10

Ram haharigi gin silo gaivua ram bevea be, “Ratahigi God mwasin roron̄o, sabuga i mwasigi! Gosav mom hohovi tehe, goi vevegi sinombu ata lol ureure, ba lai silo vevegi lalainira, huri be ran wehi bamat kamai.”