1 Jon 5:10 - Hano Niu Testamen

¹⁰ Be gida tav tau nonda binihimwasigi alun Nitun God. Geki gin binihiva be tam binihimwasigi alun havanau gabe God nu vevea alun Nituna, kea gin binihiva be gida tam bevea be God kea tenteneana.

1 Jon 5:10 ပူးပေါင်းရင်းမြစ်များ

Leo Tavuha gabe Jon nu Ravae 3:16

Huri God mwa dabe mutai ureure haḡe mwa horau, inau gabe mwasin Nituna vora gaituvwa be irahei gabe rav binihimwasigiau, rasav mate tehe ta rav rahu vai tuai.

Leo Tavuha gabe Jon nu Ravae 3:18

Ihei tehe be mwa binihimwasigiau, God si hav vevegi te dumwia; take ihei tehe gabe mwa hav binihi te mwasigiau nu vevegia huba, bwatuna be mwa hav binihi te mwasigiau inau Nitun God vora gaituvwa.

Leo Tavuha gabe Jon nu Ravae 3:33

Take ihei tehe gabe mwa lai ḡoḡo non avoana, mwa dovon̄ainia be God kea mwasigi.

Leo Tavuha gabe Jon nu Ravae 5:38

I gim hav lai te ḡoḡo non avoana vai lol lolomiu bwatuna gim hav binihi te mwasigi wani gabe kea nu horae.

Ravrava non Pol lalai ata Rom 8:16

I Vui Sabuga gea mwa bulu mai nonda na Vui Sabuga be men vevea be gida ira nitun God.

Kelesia 4:1

Nam doron be nai vev lalainigo ginau geki: Lol taro be kera be rav haḡo manduen ira tamara ran vora naturirigi radu, ran hav dolua tehe nin ira turin rovoga. Len̄len̄a be naturirigi kera gea rav gitaḡoro ginau n̄oto.

Kelesia 4:6

Kunia be kimiu ira nitun God, God nu hora vuin nituna vai lol irubwimiu, i vui gea nu haharigi amare be, “Tata.”

Kolosi 3:3

Nom lolian vuroga sibomwa nu mate, i rahumwa gabe ginau gara mwa dogo mai Kraes lol God sibona.

Hibru 3:12

Kimiu ira tuaku mai ira hogosiku. Giv gitaḡoro be vwate nin kimiu lolona sihav masiri tehe gin binihiv hahantai, i kea sihav binihi te mwasigi God rahu, i kea vi taleva ninia.

2 Pita 1:19

Geki haḡea nu lolia mwa melmelo lalai kamai gin roroi be atatun vevsera ran vevea. Nu tavuha hurigo be gov huri sosori hano be ran vevea i kimiu giv huri gigita lol ute meto, vaivotu be gubwen̄i vi tau bwatuna i mahoe vi tomare lol sibwen̄imiu.

1 Jon 1:10

Be tas vevea be vuroda sigai, tam lol God gi tenteneana, i mwasigi mwa hav togo tehe aloloda.

1 Jon 5:1

Be tas vinihi mwasigi be Jisas kea Kraes mwasigi, gida ira nitun God. Bwatuna be ira hei be ram dabe Tata, ram dabe Nitui mulei.

Visirai 12:17

Haḡe drakon mwa lolhoroi maragai vavine gea, i mwa domare be men bwalo mai ira varana duluai lol ureure, kera gabe ram dabe silo non God duluai i ram lalaḡo bavtutu huri mwasigi be Jisas mwa seserainia.

Visirai 2:17

“Atatu be bwerona abena, na roron̄tai tavuhai huri havanau gabe Vui mwa bevea lalai uloilua duluai!” “Lalainira gabe ran muramuraga lol bwaloana, nav lai ginaganiana mwa du dahuligi be mana. Nav lai vatu maita lalainira batvatahara mulei gabe iha gara mwa ravana aluna be atatu vwate mwa hav iloe tehe vaivotu be atatu n̄an gabe mwa laia lalainia.”

Visirai 2:28

i nav lai mahoe mulei lalainira.