1 Jon 4:9 - Hano Niu Testamen

⁹ God mwa seserai non lolotabetabe huri gida, mahavana be nu hora Nituna vora gaituvwa vai lol ureure be vi lai rahuana lalai gida.

1 Jon 4:9 ပူးပေါင်းရင်းမြစ်များ

Leo Tavuha gabe Mak nu Ravae 12:6

Gaituvwa mwa dogo radu be vi horana gabe nitun vuigin talu gabe mwa dabe maragainia. La nogonana, kea mwa hora mwasin nituna vai aben ira gitaḡoro talu, mwa bevea be, ‘Nam iloe be rav gita dabe nituku.’

Leo Tavuha gabe Luk nu Ravae 4:18

“Vui non Ratahigi mwa dogo aluku, bwatuna nu vurai luau be nai vev sera Roroi Tavuha lalai ira hiru. Nu horau be nai vev luae huri ribwesiva nora atat vauvauhi i huri lol i ba lol bugeri matara ira matagara, i mulei nav ribwesira ram dogo aten nora ivwalu

Leo Tavuha gabe Jon nu Ravae 10:10

Susurana mwa mai liuhage n̄an be men sura, men wehi bonogai, i men lol kaburai. Nam mai liuhage be giv lai rahuana, rahuana be vi masiri lol ginau tavuha duluai.”

Leo Tavuha gabe Jon nu Ravae 14:6

Jisas mwa bwaliua be, “Inau matanhala, mwasigi, i rahuana; atatu vwate sihav van te dum aben Tata dagai niniau.”

Leo Tavuha gabe Jon nu Ravae 3:16

Huri God mwa dabe mutai ureure haḡe mwa horau, inau gabe mwasin Nituna vora gaituvwa be irahei gabe rav binihimwasigiau, rasav mate tehe ta rav rahu vai tuai.

Leo Tavuha gabe Jon nu Ravae 3:18

Ihei tehe be mwa binihimwasigiau, God si hav vevegi te dumwia; take ihei tehe gabe mwa hav binihi te mwasigiau nu vevegia huba, bwatuna be mwa hav binihi te mwasigiau inau Nitun God vora gaituvwa.

Leo Tavuha gabe Jon nu Ravae 5:23

Huri be vataha atatu rav binihimarahiau kun n̄an gabe ram binihi marahi Tata. Ihei tehe be mwa hav binihi te marahiau Nitun Tata, mwa hav binihi te marahi Tata be nu horau.”

Leo Tavuha gabe Jon nu Ravae 6:29

Jisas mwa bwaliura mwa bevea be, “Hano be God mwa doron be giv lolia be giv binihimwasigi wani gabe nu horae.”

Leo Tavuha gabe Jon nu Ravae 6:51

Inau haḡea bereti rahu gabe mwa himai nin lol ute atamare. Be ihei tehe be mwa ḡan bereti geki kea vi rahu vai tuai. Bereti gabe nav laia lalainia gabe vigohoku, gabe nam laia be ureure vi rahu ginia.”

Leo Tavuha gabe Jon nu Ravae 6:57

Tata gabe mwa rahu mwa horau mai i bwatuna kea inau mulei nam rahu. Kunia mulei wani gabe mwa ḡan vigohoku vi rahu bwatuna inau.

Leo Tavuha gabe Jon nu Ravae 8:29

Haḡe wani gabe nu horau mai kea maiau; mwa hav deraiau te gaheku, bwatuna be nam lol dum non doroniva n̄an vataha mahavana.”

Leo Tavuha gabe Jon nu Ravae 8:42

Haḡe Jisas mwa bevea lalainira be, “Be God mwasigi Tamamiu, mwa du be giv tabeau; bwatuna be nan mai nin God i kadogaha inau teti. Nan hav mai tehe alun noḡu doroniva siboku, take kea nu horau.

Leo Tavuha gabe Jon nu Ravae 9:3

Jisas mwa bwaliura mwa bevea be, “Matagarana mwa hav bulus te vurona sage vuron tamana i ratahina. Kea mwa matagaraga be muramura non God vi gitana la rovoga aluna.

Ravrava non Pol lalai ata Rom 8:32

God mwa hav usi te nituna ta mwa mahin̄ainia be vi mate huri gida duluai. I bulmai Jisas, God vi lai ginau n̄oto lalai gida.

Hibru 1:5

God nu hav vevea tehe lalainira ira enjel vwate be, “Giḡo haḡea Nituku, bwatuna garigi Nam bora Tamamwa!” God mwa hav avo te hohoigi lalai enjel vwate ninira kunia be, “Nai vora Tamana, i kea vi vora Nituku!”

1 Jon 3:16

Gida tam iloe huri lolotabetabe huba bwatuna be Jisas nu lin̄ rahuna huri gida. I bwatuna haḡea tav lin̄ rahuda huri atat dodolua.

1 Jon 4:10

Geki mwasin lolotabetabe: nu hav vora te gida be tan lolotabei God, take nu lolotabetabe gida i nu hora Nituna be vi mate huri gida be men lai dagai vuron ureure.

1 Jon 4:16

I tam iloe i tam binihimwasigi be God mwa dabe gida. God kea lolotabetabe, i ira hei gabe ram dogo lol God, rav tabe sinombu vataha mahavana, i God vi togo alolora.

1 Jon 5:11

God mwa bev serae lalai gida gabe mwa lai rahuana vai tuai. Rahuana geki mwa mai lalai gida sivi Nituna.

1 Jon 5:13

Kimiu duluai gim dau nomiu binihimwasigi alun nitun God, i nam ravrava lalai kimiu be gimen iloe be giv haḡo rahuana vai tuai.