1 Jon 4:7 - Hano Niu Testamen

⁷ Ira noḡu buluana, tav lolotabetabe gida bwatuna be lolotabetabe mwa mai nin God. Mahavana be tam lolotabetabe gida, i be gida tam dabetabe gida, gida ira nitun God i tam ilo God.

1 Jon 4:7 ပူးပေါင်းရင်းမြစ်များ

Leo Tavuha gabe Jon nu Ravae 13:34

I kadogaha nav lai leohorai gara lalai kimiu: gabe mwa bevea be, giv tabe vatvataha atatu. Kun gabe nam dabe kimiu, kimiu mulei giv tabetabe kimiu.

Leo Tavuha gabe Jon nu Ravae 17:3

Rahuana vai tuai gin binihiva be atatu vi ilogo, be giḡo n̄ano God mwasigi, i be atatu ramen ilo Jisas Kraes gabe gon horae.

1 Korin 8:3

Take be atatu vwate mwa dabe God, atatu gea God mwa iloe.

2 Korin 4:6

God nu vevea be, “Giv lin̄ gigita vi sarisari lua lol metmeto! Geki God n̄an be nu lol gigita mwa sarisari lol loloda mwa lin̄ gida tam ilo huri sarisarin God kea be lolmatan Kraes.”

Kelesia 4:9

Take kadogaha gom ilo God mwasigi. Mwasigi, kea God be mwa ilogo. I huri hano be gom ban mulei huri ira silo mandamanda i silo lete be gon hurira amua? Gom doronia be goi vora turi huri ginau keragea mulei?

Kelesia 5:22

Take Vui mwa baivusi vwain lolotabetabe, samwarana, tamwata, ron̄ mwan̄ava, lolotavuha, tavuha, binihimarahi,

2 Timoti 1:7

God nu hav lai te vui lalai gida be vi lolia tai matagu, take Vui huri muramura i lolotabetabe i sine togonai.

1 Pita 1:22

Kadogaha be gin lol rahumiu ram melmelo ginia be gim dabe mwasigi, gov haḡo dum tabean mwasigi huri ira tuamwa atamwani i vavine lol Kraes. Giv tabe kimiu gaitutuvwai liu mai lolomiu duluai.

1 Jon 2:10

Take be tas tabe atat dodolua tam dogo lol gigita i tam hav lol te atat dodolua be rav hovi lol bwatigoro.

1 Jon 2:29

Gim iloe huba be Jisas Kraes kea atat vavtutu. I ira hei gabe ram lalaḡo bavtutu kera ira nitun God.

1 Jon 2:3

Mahavana be tam dabe God, tam iloe mwasigi be tam dabe God.

1 Jon 2:4

Take be tas garoinia ba bevea be tam ilo God i tam hav tabea tehe, kunia tam dentene i mwasigi mwa hav togo tehe aloloda.

1 Jon 2:7

Ira noḡu buluana, nam ravae geki mwa hav vora te gin binihiva be nam lai silo gara lalai kimiu. Ta kea n̄an haḡea radu be nan laia lalai kimiu la bwativuna, i roroi haḡea be gin ron̄oe.

1 Jon 3:9

Ira nitun God rasav vuroga te ḡaoḡao, bwatuna be God mwa dogo alolora. Rasav vuroga te ḡaoḡao bwatuna be kera ira nitun God.

1 Jon 4:11

Ira noḡu buluana, bwatuna be God mwa dabe maragai gida, nonda mulei be tav tabetabe gida.

1 Jon 4:12

Atatu vwate mwa hav gita te God radu, i non tabeana mwasigi mwa dogo aloloda.

1 Jon 4:16

I tam iloe i tam binihimwasigi be God mwa dabe gida. God kea lolotabetabe, i ira hei gabe ram dogo lol God, rav tabe sinombu vataha mahavana, i God vi togo alolora.

1 Jon 4:20

Take be tas vevea be tam dabe God. Take tam hav tabetabe te gida, i kunia tam dentene. Be tasav tabe te dum sinombu gabe tam hav gitara tehe? Kun hanigi be tav tabe God be tam hav gitae tehe?

1 Jon 4:8

Ira hei tehe gabe ram hav lolotabei te nora ivwalu, ram hav lolotabetabe te God, huri be God kea lolotabetabe.

1 Jon 5:1

Be tas vinihi mwasigi be Jisas kea Kraes mwasigi, gida ira nitun God. Bwatuna be ira hei be ram dabe Tata, ram dabe Nitui mulei.

2 Jon 1:5

I kadogaha, vavin gitalua geki vorate tatauleo gara take tatauleo n̄ano be tan ron̄oe la bwativuna. Nam hudali kimiu be tav tabetabe gida duluai