1 Jon 4:20 - Hano Niu Testamen

²⁰ Take be tas vevea be tam dabe God. Take tam hav tabetabe te gida, i kunia tam dentene. Be tasav tabe te dum sinombu gabe tam hav gitara tehe? Kun hanigi be tav tabe God be tam hav gitae tehe?

1 Jon 4:20 ပူးပေါင်းရင်းမြစ်များ

Leo Tavuha gabe Jon nu Ravae 13:35

Be giv tabe vatvataha atatu, kunia atatu duluai rav iloe be kimiu noḡu roron̄tai duluai.”

1 Pita 1:8

Kimiu gim hav gita te Kraes, take gim dabea radu. Gisav gita te dumwia Kadogaha, take gim binihimwasigi nia. Haḡe kimiu giv masiri gin samwarana be sihav veveana te dumwi, samwarana be nu masiri gin sarisari.

1 Jon 1:6

Be gida tas vevea be gida tam lago alolon rahuan tavuha mai God take nonda lalaḡova mwa lol ute meto, gida tam dentene i nonda lalaḡova mwa hav vora te mwasigi.

1 Jon 1:8

Be gida tas siehi gida siboda be tam hav vuroga tehe, kunia mwasigi sigai aloloda.

1 Jon 2:11

Be gida tam barihai atat dodolua, nonda lagoana i togoana mwa dogo lol ute meto.

1 Jon 2:4

Take be tas garoinia ba bevea be tam ilo God i tam hav tabea tehe, kunia tam dentene i mwasigi mwa hav togo tehe aloloda.

1 Jon 2:9

Take be tas garoinia ba bevea be tam dogo lol ute rani i tam barihai atat dodolua, kunia gida tam dogo radu lol ute meto.

1 Jon 3:17

Be gida nonda ginau abena i tam ḡita atat dodolua be nora sigai, ta be tam hav buluira tehe, tasav vev te dumwia be tam dabe God.

1 Jon 4:12

Atatu vwate mwa hav gita te God radu, i non tabeana mwasigi mwa dogo aloloda.