1 Jon 4:2 - Hano Niu Testamen

² Giv iloe be vui mwa mai nin God sa sigai. Be ihei tehe si vevea be Jisas Kraes nu vora atatu i mwa bora lol ureure, wani gea Vui non God alolona.

1 Jon 4:2 ပူးပေါင်းရင်းမြစ်များ

Leo Tavuha gabe Jon nu Ravae 1:14

Haḡe Avoana mwa bora atatu, mwa masiri gin hogoi i mwasigi, i mwa dogo mai gida. Tam ḡita sarisarina, sarisari gabe nu laia kun gabe Nitun vora gaituvwa non Tamana.

1 Korin 12:3

Nam doronbe giv iloe be atatu sigai be mwa lin̄ Vui non God mwa domuainia, vi vevea be, “vi vevegiana na Jisas.” Atatu vwate si hav vev te dumwia be, “Jisas kea Ratahigi,” be buluiana non Vui Sabuga sigai maia.

1 Timoti 3:16

Tanon binihiv gairuruai sigai, rahuda dahuligi huri gogonai gaivua maragai: Kea nu seserainia lalai gida lol rebehin atatu, nu dovon̄ainia be nu vavtutu lol Vui, i nu gitana gin ira enjel. Kea nu toretore lalainira be ram hav vora te ira varan Israel, binihimwasigi lol ureure, i God mwa lai luau vai amare lol sarisari.

1 Jon 1:2

Kea gabe nu lai rahuana nu visirai! I kadogaha gam bevea rahuan gara gabe nu togo mai Tata i mwa bisirai lalai gida.

1 Jon 2:23

Be tas siehi naturigi tas siehi Tamana mulei. Take be tas vevea be tam dabe Nitui, tam dabe Tamana mulei.

1 Jon 4:15

Be ira ihei tehe mwa bevea be Jisas kea Nitun God, kunia God mwa dogo alolora i kera alolon God.

1 Jon 4:3

Be atatu si vevea be Jisas nu hav vora te gi atatu, kea gin binihiva vui alolon gea mwa hav mai tehe nin God. Vui gea mwa mai nin ivwalu non Kraes. Gim iloe be ivwalu geki vi mai vai lol ureure, i kea teti kadogaha.

1 Jon 5:1

Be tas vinihi mwasigi be Jisas kea Kraes mwasigi, gida ira nitun God. Bwatuna be ira hei be ram dabe Tata, ram dabe Nitui mulei.

2 Jon 1:7

Ira vagahi dentene ivusi lol ureure kadogaha be ram hav vev te luae be Jisas Kraes nu mai lol ureure kun abe atatu. Ihei tehe be mwa hav vev te luae kunia kea vagahi dentene i ivwalu non Kraes.