1 Jon 4:12 - Hano Niu Testamen

¹² Atatu vwate mwa hav gita te God radu, i non tabeana mwasigi mwa dogo aloloda.

1 Jon 4:12 ပူးပေါင်းရင်းမြစ်များ

Leo Tavuha gabe Jon nu Ravae 1:18

Atatu vwate mwa hav gita te radui God. Nituna vora gaituvwa, gabe kea kun God sibona i mwa dogo hurin Tamana, kea mwa seserainia lalai gida.

1 Korin 13:13

I ginau gaitolu geki ram du rahurahu vai tuai: binihimwasigi garagusi, doronhovhov, i lolotabetabe. Ta ginau mutai alolora kea lolotabetabe.

1 Timoti 1:17

Lalai Ratahigi Vurai be mwa lavoa ḡoro vai tuai, kea sihav mate tehe, kea be tasav gita te dumwia, kea n̄an God, tanon binihi marahi i sarisari vai tuai i vai tuai! Amen.

1 Timoti 6:16

Kea n̄an gaituvwa be mwa hav mate tehe. Mwa dogo lol gigita be nu sarisari be atatu sihav van te dum sosoria. Atatu vwate nu hav gita te God, sa ta sav gita te dumwia. Tataro be gogonai i muramura non God vai tuai tuai. Amen.

Hibru 11:27

Huria be Moses mwa binihimwasigi garagusi alun God, i bwatuna gea kea mwa mwalue nin Ijip, i kea mwa hav matagui te ratahigi lavoa gea be mwa lol horo maragai. Kea sihav van te burigai be men mom bano mulei, take mwa du bavtutu la hala be mwa huria, kun gabe matama mwa dutu la God gea gabe atatu sihav gita te dumwia gin mwasin matana.

1 Jon 2:5

Gida tav tabe God mwasigi n̄ano be tav tabea liu, i tam iloe be gida ira atatuna.

1 Jon 3:24

Be gida tas tabe leohorai non God, Gida tav togo maia i Kea vi togo mai gida.

1 Jon 4:16

I tam iloe i tam binihimwasigi be God mwa dabe gida. God kea lolotabetabe, i ira hei gabe ram dogo lol God, rav tabe sinombu vataha mahavana, i God vi togo alolora.

1 Jon 4:20

Take be tas vevea be tam dabe God. Take tam hav tabetabe te gida, i kunia tam dentene. Be tasav tabe te dum sinombu gabe tam hav gitara tehe? Kun hanigi be tav tabe God be tam hav gitae tehe?

1 Jon 4:6

Gida ira atatu God, i irahei duluai gabe ram ilo God, rav tai bwero huri gida. Take sinombu be ram hav ilo te God, rasav taibwero te dum huri gida. Haḡe bwatuna gea tav gigilai dum Vui be mwa dentene.