1 Jon 4:1 - Hano Niu Testamen

¹ Ira noḡu buluana, gisav vinihi te mwasigi kera be ram bevea be ram haḡo Vui Sabuga, take giv haḡo ron̄ora be vui be ram haḡoe mwa mai nin God. Ira atatun vevsera tentene ivusi ram ban lol ureure duluai.

1 Jon 4:1 ပူးပေါင်းရင်းမြစ်များ

Leo Tavuha gabe Mak nu Ravae 13:21

“Be ihei tehe si vevea lalai kimiu be, ‘Gitae, Kraes teti! Sage Kraes kahaḡa!’ Gisav vinihi te mwasigi non avoana.

Leo Tavuha gabe Luk nu Ravae 12:57

“Huri hano gim hav gita te batoi havanau vavtutu be giv lolia?

Leo Tavuha gabe Luk nu Ravae 21:8

Haḡe Jisas mwa bwaliura mwa bevea be, “Giv gitaḡoro; nin ruruhiana. Bwatuna atatu ivusi rav mai lol ihaku rav vevea be, ‘Inau haḡea! Mahavana mwa mai haḡea!’ Take gisav hurira tehe.

Lalaḡova 17:11

Sinombu aia ram samsamwara maragai huri nora avoana, liu ninira ata Tesalonaeka. Ram roron̄tai nora avoana vataha gubwen̄i gin n̄aitaiana gaivua, i ram binbinihi alun leo tavuha huri be havanau gabe Pol mwa bevea mwasigi.

Lalaḡova 20:29

Nam iloe be, la mahavana be nai vano, viriu turu rav mai atagumiu ba ḡan n̄oton̄oto sipsip.

1 Korin 12:10

Vui Sabuga n̄an gea mwa laia lalai atat dolua be vi lol ginau dan̄an̄a. Vui Sabuga n̄an gea mwa laia lalai atat dolua be vi toretore huri Roroi Tavuha. I mwa lalai atat dolua be vi iloe huri vui tavuha i vui hantai. I mwa lai lalai atat dolua hogoi be vi avo la avoan dodolua. Vui Sabuga radu lalai atat dodolua Vui Sabuga be vi vev lolon avoana.

1 Korin 14:29

Gairua n̄ano sa gaitolu na ira atatun vevsera ras avo, i rituai rai vev lolon hano be ram bevea.

1 Tesalonaeka 5:20

Gisav vev te hantai avoan non atatu be God nu laia lalainia.

1 Tesalonaeka 5:21

Take giv lol ron̄ ginau duluai. Giv tau ḡoḡo havanau be nu tavuha,

2 Tesalonaeka 2:2

Gosav lol te binihimwa vi lalan̄aga sa gosav matagu tehe be gov ron̄oe be gubwen̄i non ratahigi nu mai huba. Atatu vwate vi vevea kungeki lol toretore sa lol roroi sage lol ravrava vwate be ran vevea kunabe kamai gan ravae.

1 Timoti 4:1

Kadogaha Vui Sabuga mwa bevea mwa melmelo be vai ataguna atatu rituai rav van dagai nin nora binihimwasigi garagusi. Rav huri Vui be mwa dentene i mwa huri silo vagahi non atmate.

2 Timoti 3:13

Take sinombu be ram hantai i ram ruruhi rituai rav tau bwatuna rav hantai i rav hantai liu. Rav ruruhi rituai, take mulei rav ruruhira sibora.

2 Pita 2:1

Tuai nu vora atatun vev sera dentene lol sinombu non God, kunia n̄an be kimiu ira vagahi tentene rituai abena lol nomiu tatan̄ana. Kera rav hili ba bagahi ginau be ran hav vavtutu tehe---vagahi be rav lol atatu rav sala. Kera mulei rav varihai didi lai Ratahigi Jisas, Be nu vol mulei nora togoan mwaribwesi. Kera rav lol hantai vilvilehi nira sibora.

1 Jon 2:18

Ira nituku, mwa abena be ureure men nogo. Gim iloe be ivwalu Kraes men mai kadogaha, ira ivwalu non Kraes ran mai huba. Bwatuna haḡea tam iloe be nogonan ureure mwa abena.

1 Jon 2:7

Ira noḡu buluana, nam ravae geki mwa hav vora te gin binihiva be nam lai silo gara lalai kimiu. Ta kea n̄an haḡea radu be nan laia lalai kimiu la bwativuna, i roroi haḡea be gin ron̄oe.

2 Jon 1:7

Ira vagahi dentene ivusi lol ureure kadogaha be ram hav vev te luae be Jisas Kraes nu mai lol ureure kun abe atatu. Ihei tehe be mwa hav vev te luae kunia kea vagahi dentene i ivwalu non Kraes.

3 Jon 1:11

Tuaku gosav huri te havanau be nu hantai; gov huri hano be nu tavuha. Atatu be mwa lalaḡo tavuha kea bilan God. Take atatu be mwa hav lalaḡo te tavuha mwa hav ilo te hohoi God.

Visirai 2:2

Nam ilo alen̄amiu mai havanau be gim lolia Ivisas. I nam iloe be gim lol rovoga hahavwani i gim ron̄ mwa n̄ava lol binihimiu liu. Nam iloe be gim hav samsamwara te n̄an haḡea alun ira atat lete, i nam ilo kimiu huba ira hei gea be ram bevea be kera ira hala take ram dentene, i gin habwera huba be ram dentene n̄ano.