1 Jon 3:8 - Hano Niu Testamen

⁸ Atatu gabe ram buroga ḡaoḡao, kera nitun setan. Setan nu vuroga la bwativuna, take Nitun God nu mai be men lol kaburai Lalagova non setan.

1 Jon 3:8 ပူးပေါင်းရင်းမြစ်များ

Matiu 12:28

Be inau nam hora lua vui hantai gin muramura non Vui Sabuga non God, mwa seserainia be God mwa rihumaragai nin ira non ivwalu be vi vora Ratahigi lavoa ḡorora atatu duluai.

Matiu 13:38

Ute lolo ara kea haḡea sinombu gabe ram dabe God be kea Ratahigi ḡorora. Ta urute kera haḡea atat non Vui Hantai.

Matiu 4:3

Haḡe Vui hantai mwa mai lalainia, mwa bevea be, “Sivora giḡo Nitun God, gos lol vatu kera geki gi bereti.”

Leo Tavuha gabe Mak nu Ravae 1:24

“Gom doron havanau nin kamai, Jisas ata Nasaret? Matu gom mai teti be gomen lol kaburai kamai, nam ilogo be giḡo ihei, giḡo Horata Sabuga non God.”

Leo Tavuha gabe Luk nu Ravae 10:18

Haḡe Jisas mwa bwaliura be, “Nan gita Setan nu hovi nin amare kun vilehi.

Leo Tavuha gabe Jon nu Ravae 12:31

Kadogaha tarona huri ureure geki be men vevegia; i tomuai ata lol ureure geki vi vohaian kaburai.

Leo Tavuha gabe Jon nu Ravae 16:11

i kera ran vahala alun silo vevegi, bwatuna be tomuai ata lol ureure geki nu vevegiana huba.”

Leo Tavuha gabe Jon nu Ravae 8:44

Kimiu haḡea ira nitun tamamiu, gabe Setan, i gim doron be giv huri binihiva non tamamiu. La bwativuna kea atat wehiwehi atatu, kea mwa hav vora te mwasigi bwatuna gea mwasigi sigai alolona. Mahavana gabe mwa dentene kea mwa lol ginau hurin mwasin alen̄ana, bwatuna gabe kea tenteneana i taman ira tenteneana duluai.

Ravrava non Pol lalai ata Rom 16:20

God gabe nu lai tamwata i si hav vora te n̄ava, kea vi raharahai ḡalau Setan aten bwalageda. Hogoi tavuha non Ratahigi God Vui Sabuga vi togo mai kimiu.

Ifisas 2:2

Uwe, tuai gin togo la rahuana be ureure nu togo aluna, gin huri tomuai non ira Vui hantai gabe ran togo la ulun ureure. Vui n̄an haḡe gea be mwa lol rovoga alolon irahei gabe ram barihai be rav tabe God.

Kolosi 2:15

La volovolo gea, Kraes mwa maribwesi dagai nin ira muramura non ira vuin vwalaua be ran hantai. Kraes nu haravira huba, i mwa lolia lalainira kun ratahigi lavoa be mwa harav ira non ivwalu, i mwa domuainira ram bano lolmatan sinombu be atatu rav gitara.

1 Timoti 3:16

Tanon binihiv gairuruai sigai, rahuda dahuligi huri gogonai gaivua maragai: Kea nu seserainia lalai gida lol rebehin atatu, nu dovon̄ainia be nu vavtutu lol Vui, i nu gitana gin ira enjel. Kea nu toretore lalainira be ram hav vora te ira varan Israel, binihimwasigi lol ureure, i God mwa lai luau vai amare lol sarisari.

Hibru 2:14

Kamai sinombu lol rebehi i daga. Bwatuna haḡea Jisas mwa bora kun kamai vwate. Kea nu mate huri be vi lol kaburai atmate, kea nu muramura ḡoro mateana.

Hibru 9:26

Be sivora kunia Kraes si lin̄ muleinia vaivusi la bwatun tauva vaivotu garigi. Ninia gea nu lin̄ dagana vatuvwa n̄ano batena be ureure mwa abena be men nogo. Kea nu lin̄ dagana vatuvwa n̄ano be nu dadariha be men lai dagai vuron atatu.

2 Pita 2:4

Lol taro be ira enjel ram buroga, God nu hav lin̄ira tehe be rav maribwesi nin vevegi. Nu horara vai lol tanon mateana i nu taura lol malan̄an ute bon̄i aia be ram hohovi huri vevegi.

1 Jon 1:2

Kea gabe nu lai rahuana nu visirai! I kadogaha gam bevea rahuan gara gabe nu togo mai Tata i mwa bisirai lalai gida.

1 Jon 3:10

Lalaḡova non atatu mwa seserainia be kea nitun God sage kea nitun setan. Kera be ram doron lalaḡov hantai, i ram hav tabe te ira tuara, ram hav vora te bilan God.

1 Jon 3:5

Gim iloe be Kraes nu mai be vi lai dagai vuron sinombu. I vuro vwate sigai aluna.

1 Jon 5:19

Tam iloe be tam mai nin God i ureure duluai, i ureure duluai mwa dogo halaten muramura non ivwalu.

Ravrava nin Jud 1:6

I giv vinihi dum ira enjel be ran hav tu te wasigi lol tanora huri muramura i ran lin̄ mwasin tanora. Ratahigi mwa dau ira enjel geki lol ute meto, mwa bauhira gin gao talai be mosmosianana nu sigai, huribe vi vevegira la gubwen̄ vevegi.

Visirai 20:10

Haḡe atmate be mwa ruruhira vi vohai kaburainia vai lol numbun wain gabi tabwalue mai salva. I Kea vi togo aia maira ginau rahu turu i ira atatun vevsera tentene, i rav ron̄ḡagarasi bon̄i i rani mosmosianana sigai.

Visirai 20:15

Haḡe ihei tehe gabe ihana nu hav ravana tehe vai lol bukan rahuana, enjel mwa bohainira vai lol numbun wain gabi tabwalue.