1 Jon 3:23 - Hano Niu Testamen

²³ God mwa doron be tav tau nonda binihimwasigi alun Nituna Jisas Kraes i tav tabetabe gida. Geki havanau gabe Jisas nu vevea be tav lolia.

1 Jon 3:23 ပူးပေါင်းရင်းမြစ်များ

Matiu 22:39

I gairuan leo horai mulei nu henhen ḡunia, ‘Giv tabe irahei dodolua kun kimiu sibomiu.’

Leo Tavuha gabe Mak nu Ravae 9:7

Mahavana be mwa avo radu tenlan̄i mwa haravuinira, haḡe silo mwa mai lol tenlan̄i mwa bevea be, “Geki mwasin Nituku gabe nam dabea giv ron̄oe!”

Leo Tavuha gabe Jon nu Ravae 1:12

Ta kera rituai gabe ran lai ḡoḡoe, ram binihimwasiginia; i mwa lolira ram mai gi ira nitun God mwasigi.

Leo Tavuha gabe Jon nu Ravae 13:34

I kadogaha nav lai leohorai gara lalai kimiu: gabe mwa bevea be, giv tabe vatvataha atatu. Kun gabe nam dabe kimiu, kimiu mulei giv tabetabe kimiu.

Leo Tavuha gabe Jon nu Ravae 14:1

Jisas mwa bevea lalainira be, “Gisav binbinihi te lavoai. Giv binihimwasigi alun God i giv binihimwasigi mulei aluku.

Leo Tavuha gabe Jon nu Ravae 15:12

Noḡu leo horai geki, giv tabetabe kimiu, kun gabe nam dabe kimiu.

Leo Tavuha gabe Jon nu Ravae 17:3

Rahuana vai tuai gin binihiva be atatu vi ilogo, be giḡo n̄ano God mwasigi, i be atatu ramen ilo Jisas Kraes gabe gon horae.

Leo Tavuha gabe Jon nu Ravae 2:23

Batena be Jisas mwa dogo Jerusalem lol Samsamwaran Halbisḡalau, kera ivusi ran vinihi mwasiginia batena ran gita ginau dan̄an̄a be nu lolira.

Leo Tavuha gabe Jon nu Ravae 3:18

Ihei tehe be mwa binihimwasigiau, God si hav vevegi te dumwia; take ihei tehe gabe mwa hav binihi te mwasigiau nu vevegia huba, bwatuna be mwa hav binihi te mwasigiau inau Nitun God vora gaituvwa.

Leo Tavuha gabe Jon nu Ravae 6:29

Jisas mwa bwaliura mwa bevea be, “Hano be God mwa doron be giv lolia be giv binihimwasigi wani gabe nu horae.”

Lalaḡova 16:31

Haḡe ramuru bwaliua be, “Gov binihimwasigi alun Ratahigi Jisas, i gov rahu bul maira ata la imwai.”

Ifisas 5:2

Gov togo lol rahuana lolotabetabe kunia gabe Kraes nu tabe gida i nu lin̄ia sibona huri gida kun gabe hogoi bonboni i tataroi lalai God.

1 Tesalonaeka 4:9

Mwa hav tu tehe be gav ravae lalai kimiu huria be giv haḡo tabeana huri ira atatun Kraes duluai, bwatuna be God nu vagahi kimiu huba be giv tabetabe kimiu.

1 Timoti 1:15

Havanau be nam bevea kea mwasigi, i mwa du be gov lai ḡoḡo duluainia: Kraes Jisas nu himai vai lol ureure be vi varahura atat bwatigoro, alolora inau nan hantai liura.

1 Pita 1:22

Kadogaha be gin lol rahumiu ram melmelo ginia be gim dabe mwasigi, gov haḡo dum tabean mwasigi huri ira tuamwa atamwani i vavine lol Kraes. Giv tabe kimiu gaitutuvwai liu mai lolomiu duluai.

1 Pita 4:8

Liuhage haḡea, giv tabetabe kimiu maragai, bwatuna be tabetabe haḡea vi lol voro ivusi be vi vinihi kaburaiana.

1 Jon 2:7

Ira noḡu buluana, nam ravae geki mwa hav vora te gin binihiva be nam lai silo gara lalai kimiu. Ta kea n̄an haḡea radu be nan laia lalai kimiu la bwativuna, i roroi haḡea be gin ron̄oe.

1 Jon 3:11

Roroi gabe gim ron̄oe la bwativuna, be giv tabetabe kimiu.

1 Jon 4:15

Be ira ihei tehe mwa bevea be Jisas kea Nitun God, kunia God mwa dogo alolora i kera alolon God.

1 Jon 4:21

Leo horai gabe Kraes mwa laia kea be, “Giv tabe God i giv tabetabe kimiu mulei.”

1 Jon 5:13

Kimiu duluai gim dau nomiu binihimwasigi alun nitun God, i nam ravrava lalai kimiu be gimen iloe be giv haḡo rahuana vai tuai.