1 Jon 3:22 - Hano Niu Testamen

²² Be tas hudali te God gin havanau tehe kea vi laia lalai gida, bwatuna be tam dabea. I tam lol ginau be mwa samsamwara ginia.

1 Jon 3:22 ပူးပေါင်းရင်းမြစ်များ

Matiu 17:5

La mahavana be mwa avo radu na Pita, tenlan̄ gigita mwa haravuinira. Haḡe ram ron̄ avoana lol ten lan̄i gea mwa bevea be, “Geki haḡea Nituku gabe nam dabea i nam ron̄ mwandavuha ginia. Giv ron̄oe.”

Matiu 21:22

Be kimiu gim binihimwasigi alun God, havanau tehe be gim navohia lol nomiu tataro, vi laia lalai kimiu.”

Leo Tavuha gabe Mak nu Ravae 11:24

Bwatuna hiḡea nam bevea lalai kimiu be: mahavana be gim dataro i gim hudaligi huri havanau tehe, giv binihimwasigi be gin laia huba, i giv lai dum ginau gabe gim hudaligi huria.

Leo Tavuha gabe Jon nu Ravae 14:13

I nav lol havanau tehe gabe gim hudaligi huria lol ihaku, huribe vi lol bisirai sarisarin Tata siviau Nituna.

Leo Tavuha gabe Jon nu Ravae 15:10

Be gim dabe noḡu leo horai giv togo lol noḡu lolotabetabe, kunia gabe nam dabe leo horai non Tamaḡu i nam dogo lol non lolotabetabe.”

Leo Tavuha gabe Jon nu Ravae 15:7

Be giv togo aloloku i noḡu avoana vi togo alolomiu, giv hudaligi huri havanau tehe gabe gim doronia, giv lai dumwia.

Leo Tavuha gabe Jon nu Ravae 6:29

Jisas mwa bwaliura mwa bevea be, “Hano be God mwa doron be giv lolia be giv binihimwasigi wani gabe nu horae.”

Leo Tavuha gabe Jon nu Ravae 8:29

Haḡe wani gabe nu horau mai kea maiau; mwa hav deraiau te gaheku, bwatuna be nam lol dum non doroniva n̄an vataha mahavana.”

Leo Tavuha gabe Jon nu Ravae 9:31

Tam iloe be God mwa hav roron̄tai te ira atat vuroga; kea mwa roron̄tainira gabe ram binihi marahinia i ram lol hano gabe mwa doronira be rav lolia.

Lalaḡova 17:30

God nu ate ḡalau lalaḡova lete non sinombu mahavana be ran hav iloe te radu, take kadogaha mwa lol gida duluai la ureure be tav taleva nin nonda lalaḡova hantai.

Lalaḡova 20:21

Lalai ira Jius mai ira Lolobon̄i be rav van burigai nin vurora lalai God i rav binihimwasigi alun nonda Ratahigi Jisas.

Filipae 4:18

I kadogaha nam lai ginau duluai i liu. Nam haḡo ginau duluai be nam doronia, bwatuna be Epavrodaetas nu lai nomiu hogoi lalaiau. Kun hogoi huri ahu bon ḡologolo lalai God, kea be mwa lai ḡoḡo tataroi i mwa ron̄ mwandavuha ginia.

Kolosi 1:10

Gov togo lol rahuana be mwa lol doroniva non God la hala duluai. Nom rovoga tavuha vi vwaevwae i vi mauri lol mataisao non God.

Hibru 13:21

Nam dataro huri be God huri tamwata vi lol kimiu giv lol vatuvwai be giv ron̄oe, i be giv lalaḡo bavtutu vataha mahavana. Nam dataro be Jisas vi bului kimiu be nomiu lalaḡova vi vavtutu lalai God. Lalai Jisas Kraes roroai vai tuai vai tuai! Amen.

Jemes 1:5

Take be ihei mwa doron mataisao vi hudali God huria. Kea nu maḡemu i samsamwara be vi laia lalai sinombu, i kea vi laia lalainigo mataisao.

Jemes 4:3

Be gov hudaligi, gosav laia tehe bwatuna be gom hudali God gin alen̄ hantai. Gom doron ginau be gov haḡora huri nom doroniva sibomwa.

Jemes 5:16

Nu tavuha be giv vev lua vuromiu gaitutuvwai lalai kimiu gaitutuvwai, i giv tataro lalai kimiu gaitutuvwai i God vi varahu kimiu. Batena be atat binihimwasigi mwa dataro, tataro gea nu muramuraga maragai.

1 Jon 2:3

Mahavana be tam dabe God, tam iloe mwasigi be tam dabe God.

1 Jon 5:14

Mahavana be tam dataro, tav tataro lalai God gin binihiv wasi. Tam iloe be God vi vwaliu nonda tataro mahavana be tam hudaligi huri ginau be God mwa samsamwara ginia.