1 Jon 3:21 - Hano Niu Testamen

²¹ Ira noḡu buluana, be nonda ron̄ova mwa davuha mai God, kunia tasav busbusi tehe be tamen mai sosori mai God.

1 Jon 3:21 ပူးပေါင်းရင်းမြစ်များ

Ravrava non Pol lalai ata Rom 14:22

Nom binihimwasigi huri ginau kerageki ras tu dahuligi lol bwaralolomiru mai God. Atatu ram samwara, kebe rav lol dum hano be ram binibe nu vavtutu i ram hav ron̄oe tehe be nu vahala.

1 Korin 4:4

Inau nasav gita te dum batoi noḡu vahalana siboku be nan lolia. Take geki mwa hav loliau tehe be namen vavtutu la lolmatan Ratahigi. Ratahigi kea n̄an atatu gaituvwa be mwa bevegiau.

2 Korin 1:12

Geki hano be gam ron̄ mwandavuha huria, i nai vev dumwia gin binihi melmelo be: lol ginau duluai be gan lolira huba lol ureure, liuhage mai kimiu gan vavtutu i gan mwasigi lol irubwi huri God. Gan lol dumwia gin hogoi non God, nu hav vora te gin mataisao be ureure mwa do maia

Ifisas 3:12

Lol Kraes tam mai la lolmatan God mai binihiv rahurahu i mai mataguana sigai. Tav lol dumwia geki sivi binihimwasigi lol Kraes Jisas.

1 Timoti 2:8

Nam doron atatu vataha ute be rav tataro, rav hagai limara amare la hala be nu sabuga, be lol horo sigai i vigaigaiana.

Hibru 10:22

I huri ginau geki nu tavuha be tam mai sosori aben God be binihinda vi melmelo i nonda binihimwasigi garagusi ran wasi. Amua binihinda ran bibili gin vuroda, mwa melmelo be tam ḡagaru lol wai melmelo.

Hibru 4:16

Bwatuna gea tav tau nonda binihimwasigi aluna, i tav mai la lolmatan God bwatun non hogoi vataha mahavana. Aia tav lai sine hagavi i tav habwe hogoi be vi bului gida lol taro ririhai.

1 Jon 2:28

Ira nituku, giv tu wasigi alun Kraes i mahavana be kea vi tabagilu, tav tu wasigi i tasav mom hili tehe mai nonda busbusiana.

1 Jon 2:7

Ira noḡu buluana, nam ravae geki mwa hav vora te gin binihiva be nam lai silo gara lalai kimiu. Ta kea n̄an haḡea radu be nan laia lalai kimiu la bwativuna, i roroi haḡea be gin ron̄oe.

1 Jon 3:2

Ira noḡu buluana, gida ira nitun God, take huria be tai vora atatu kun hanigi, kea mwa hav melmelo tehe lalai gida radu. Take tam iloe be mahavana be Kraes vi mai mulei, gida tai vora kunia, be tav gitae be kea mwasigi.

1 Jon 3:20

Gaituvwa n̄an be tasav ron̄ te mwandavuha, God gaivua liu nin nonda binihiva i doroniva kea mwa ilo ginau duluai.

1 Jon 4:17

I be gida tas tabetabe atat dodolua mwasigi, i rahuda vi togo kun Kraes nu togo teti lol ureure, kunia tasav lai te binbinihi huri gubwen̄ vevegi.

1 Jon 5:14

Mahavana be tam dataro, tav tataro lalai God gin binihiv wasi. Tam iloe be God vi vwaliu nonda tataro mahavana be tam hudaligi huri ginau be God mwa samsamwara ginia.