1 Jon 3:16 - Hano Niu Testamen

¹⁶ Gida tam iloe huri lolotabetabe huba bwatuna be Jisas nu lin̄ rahuna huri gida. I bwatuna haḡea tav lin̄ rahuda huri atat dodolua.

1 Jon 3:16 ပူးပေါင်းရင်းမြစ်များ

Matiu 20:28

Kun inau, Nitun Atatu, nam hav mai tehe be ramen lol noḡu rovoga. Take nam mai be namen lol nora rovoga, i nam lin̄ rahuku be men vol rahun atatu ivusi.”

Leo Tavuha gabe Jon nu Ravae 10:11

“Inau radaiḡoro tavuha, nam lin̄ rahuku be nav mate huri sipsip.

Leo Tavuha gabe Jon nu Ravae 13:34

I kadogaha nav lai leohorai gara lalai kimiu: gabe mwa bevea be, giv tabe vatvataha atatu. Kun gabe nam dabe kimiu, kimiu mulei giv tabetabe kimiu.

Leo Tavuha gabe Jon nu Ravae 3:16

Huri God mwa dabe mutai ureure haḡe mwa horau, inau gabe mwasin Nituna vora gaituvwa be irahei gabe rav binihimwasigiau, rasav mate tehe ta rav rahu vai tuai.

Lalaḡova 20:28

Giv gita ḡoro kimiu sibomiu, i giv gita ḡorora gabe Vui Sabuga nu taura la limamiu. Kimiu giv vora radaiḡoro huri uloilua non God, gabe kea nu lolia huria sibona sivi mateanan Nituna.

Ravrava non Pol lalai ata Rom 16:4

i ramuru lol vatuvwai be raruvi lin̄ rahura sibora be raru men varahuau. Nam lai avoan avkari lalainira, i ira uloilua gabe ira Lolobon̄i mulei ram lai nora avoan avkari lalainira.

Ravrava non Pol lalai ata Rom 5:8

Ta God mwa bagahi non doroniv muramura huri gida la hala geki: Kraes nu mate huri gida lol taro be tan vuroga radu.

2 Korin 4:12

Haḡe mateana mwa lol rovoga alolomai, take rahuana mwa lol rovogamai.

Ifisas 5:2

Gov togo lol rahuana lolotabetabe kunia gabe Kraes nu tabe gida i nu lin̄ia sibona huri gida kun gabe hogoi bonboni i tataroi lalai God.

Ifisas 5:25

Ahoai tabe tasalamwa kun Kraes mwa dabe uloilua i nu lin̄ia sibona huria,

Filipae 2:17

Nomiu binihimwasigi garagusi mwa lol kimiu gim lin̄ rahumiu kun be tataroi lol rovoga lalai God. Nam lai mwasin dagaku mai nomiu tataroi tuntun, nav ron̄ mwandavuha i nav masiri lol samsamwara gin kimiu duluai.

Filipae 2:30

bwatuna be nu abena be si mate huri rovogan Kraes. Mwa lin̄ rahuna be vi lai lalaiau buluiana be kimiu gisav lai te dumwia lol nomiu lalaḡov lalaiau.

1 Tesalonaeka 2:8

Bwatuna be gan tabe kimiu, gan ron̄ mwandavuha be gav bete mai kimiu, nu hav vora te Roroi Tavuha non God n̄ano take rahumai sibomai mulei. Kimiu gin mai sosori maragai gin lolomai.

Taetas 2:13

Mwa du be tav togo kunia lol taro be tav hohovi huri be nonda doronhohovi gaivua liu i huri maiana lol sarisari non nonda God holomare hae i varahu Jisas Kraes.

1 Pita 1:18

Gim iloe be amua gin togo lol rahuan garagusi, la hala be mwa rovo atagu nin atatu be ran togo amua ninigo. Take gin rahu nin rahuan hantai. Nu vol kimiu, kun ginau be vi nogonogo dumwi kun vatlegiga, i vatan̄oga,

1 Pita 2:24

Kraes nu tatal vuroda alolon rebehina la volovolo i gida mwa du be tas lin̄ rahuan vuroga i tav tau bwatuna ba rahu lol rahuan vavtutu. I gida tam rahu bwatuna halan duru alun volovolo.

1 Pita 3:18

Kraes sibona nu ron̄ ḡagarasi huri Vuro vatuvwa n̄an huri sinombu duluai. Kea nu hav matagu tehe be vi lai kimiu vai aben God. Rebehina nu wehiana, take kea nu rahu alolon vui.

1 Jon 2:6

I be tas vevea be gida tam dogo lol bulbuluana mai God, gida tav huri malelen Jisas Kraes mwasigi.

1 Jon 2:9

Take be tas garoinia ba bevea be tam dogo lol ute rani i tam barihai atat dodolua, kunia gida tam dogo radu lol ute meto.

Visirai 1:5

Nam dataro be tavuha mai tamwata non Jisas Kraes gabe God du lol domarei muleinia nin mateana i kea haḡea muai ḡoro ira ratahigi lavoa duluai ata lol ureure. Kraes mwa dabe gida, i gin dagana mwa dugu gida nin vuroda.

Visirai 5:9

Ram lol iboi gara ram bevea be: “Giḡo gon dadariha be gov lai buk lulun̄i i gov roto tigoro huri buka be vi mavugeri. Huri be giḡo gon bwalo, i gin mateanan gin mateanan nom ron̄ ḡagarasi mwa boligo huri sinombu non God alun varan sinombu duluai, lalan̄an avoana, i lalan̄an vanua mai lalan̄an atatu be gulira dodolua.