1 Jon 2:8 - Hano Niu Testamen

⁸ Take mwasigi be silo gara, i gim ilo mwasin binihivanana, kun gabe Kraes mwa iloe. Kimiu giv gita dum ute meto be vi mata hara i mwasin gigita mwa ḡigita huba.

1 Jon 2:8 ပူးပေါင်းရင်းမြစ်များ

Matiu 4:16

Kera gabe ram dogo radu lol ute meto rav gita dum gigita gaivua. Irahei gabe ram dogo la vanuan mateana, kera rav gita.”

Leo Tavuha gabe Luk nu Ravae 1:79

be vi gigitainira gabe ram dogo lol ute meto i lol malumalun mateana, i vi bula matanhalada la halan tamwata.”

Leo Tavuha gabe Jon nu Ravae 1:9

Geki haḡea mwasin gigita, gigita uhu mwa mai lol ureure i mwa ḡigitai atatu duluai.

Leo Tavuha gabe Jon nu Ravae 12:35

Jisas mwa bwaliura be, “Gigita vi togo mai kimiu huri mahavana vwelvwele. Giv van rahurahu la halamiu mahavana be gigita mai kimiu, huri be ute meto sihav mai te ḡoro kimiu; bwatuna be atatu gabe mwa lago lol ute meto mwa hav iloe tehe be mwa bano vai behe.

Leo Tavuha gabe Jon nu Ravae 12:46

Nam mai lol ureure kun gabe gigita, huribe atatu duluai gabe ram binihimwasigiau rasav togo tehe lol ute meto.

Leo Tavuha gabe Jon nu Ravae 13:34

I kadogaha nav lai leohorai gara lalai kimiu: gabe mwa bevea be, giv tabe vatvataha atatu. Kun gabe nam dabe kimiu, kimiu mulei giv tabetabe kimiu.

Leo Tavuha gabe Jon nu Ravae 8:12

Jisas mwa avo lalai ira Varise be, “Inau haḡea gigitan ureure. Be ihei tehe mwa huriau vi lai gigitan rahuana i sihav lago te dum lol ute meto.”

Lalaḡova 17:30

God nu ate ḡalau lalaḡova lete non sinombu mahavana be ran hav iloe te radu, take kadogaha mwa lol gida duluai la ureure be tav taleva nin nonda lalaḡova hantai.

Lalaḡova 26:18

“Giḡo haḡea gov havan̄ matara, i gov lai luara nin ute meto vai lol gigita i nin muramura non Setan huri God, huri be gin nora binihimwasigi garagusi aluku vi binihi kaburai vurora i rav lai dum tanora mai ira atat gita lua non God.”

Ravrava non Pol lalai ata Rom 13:12

“Bon̄i” mwa bwelvwel gim nogo, “Rani” mwa sosori gin gida. I gida tav lin̄ ginau ata lol ute meto i tas lai vatahanan bwaloana ata lol gigita.

2 Korin 8:9

Gim ilo huri hogoi non nonda Ratahigi Jisas Kraes. Gim iloe be Kraes kea nu rosoga, take huri kimiu mwa mai gi atat hiruga huri be la halan hiru be mwa laia kimiu giv rosoga.

Ifisas 5:8

Tuai huba kimiu gin togo; lol ute meto, take kadogaha kimiu gim dogo lol ute rani lol Ratahigi. Haḡe giv togo kun ira nitun ute rani.

2 Timoti 1:10

Take kadogaha mwa seserainia lalai gida gin maiana non varahuda Kraes Jisas. Nu lol kaburai mateana, i sivi Leo Tavuha kea mwa seserainia lalai gida hala be tav lai rahuana be sihav lol te kaburaiana.

1 Pita 1:21

Sivi Kraes gim binihimwasigi God, gabe nu tomarei Kraes nin mateana i nu lai lalainia ute Sarisari. Nomiu binihimwasigi garagusi i nomiu doronhohov mwa do alolon God.

1 Jon 3:23

God mwa doron be tav tau nonda binihimwasigi alun Nituna Jisas Kraes i tav tabetabe gida. Geki havanau gabe Jisas nu vevea be tav lolia.

1 Jon 4:11

Ira noḡu buluana, bwatuna be God mwa dabe maragai gida, nonda mulei be tav tabetabe gida.

1 Jon 4:21

Leo horai gabe Kraes mwa laia kea be, “Giv tabe God i giv tabetabe kimiu mulei.”