1 Jon 2:29 - Hano Niu Testamen

²⁹ Gim iloe huba be Jisas Kraes kea atat vavtutu. I ira hei gabe ram lalaḡo bavtutu kera ira nitun God.

1 Jon 2:29 ပူးပေါင်းရင်းမြစ်များ

Leo Tavuha gabe Jon nu Ravae 1:13

Ran hav mai tehe gi ira nitun God hurin alen̄an ureure, kun gabe, naturirigi ram bora nin ira tamara lol ureure geki; ta God sibona mwa doron be vivora Tamara.

Leo Tavuha gabe Jon nu Ravae 7:18

Atatu gabe mwa avo gin non roron̄o sibona, wani gea mwa lol ron̄oe be vi lol roroainia sibona. Take wani gabe mwa doron be vi lol roroai wani be nu horae, kea mwa lol ginau mwasigi i kea mwa hav lol te ginau vahala.

Lalaḡova 10:35

Ihei tehe gabe mwa ḡogonainia i mwa lalaḡo bavtutu nu tavuha n̄an lalainia, son̄o be kea hava guli.

Lalaḡova 22:14

Haḡe mwa bevea be, “God non ira sibida mwa uloi luago be gov ilo non binihiva, i be gov gita mwasin non atatun rovoga vavtutu, i be gav ron̄oe sibomwa be vi avo lalainigo gin mwasin silona.

Lalaḡova 3:14

Kea nu sabuga i nu vavtutu, take gim bev dagarae, vuvuri gim hudali Paelat be vi ribwes hantain lalaḡo lalai kimiu.

2 Korin 5:21

Kraes kea non bwatigoro sigai, take God nu lolia mwa mai kun be atat bwatigoro huribe sivi Kraes tav mai bavtutu dum mulei mai God.

Hibru 7:2

Haḡe Ebraham mwa hara non viloḡoana la tatan̄ana han̄vulu i mwa lai tatan̄an vwate lalai Melkisidek. (Iha gea Melkisedek, binihivanana be, “Ratahigi Lavoa huri alen̄ vavtutu,” i ihana mulei vwate ram bevea be, “Ratahigi Lavoa huri Salem,” gin binihivanana be, “Ratahigi Lavoa huri tamwata.”)

Hibru 7:26

Jisas mwasigi nu votui tovtovo huri nonda muai tataroi. Kea atat vavtutu be non vahalana sigai, i ginau vwate nu hav lol te hantainia. Kea gaituvwa dolua nin atat hahantai, i God mwa daria haehae liu ninira duluai be ram dogo lol ute atamare.

Jemes 1:18

God nu vinihi tuhi be vi lai rahuana sivi avoan mwasigi be tai vora raumatan ginau duluai lol ginau duluai be nu lolia.

1 Pita 1:23

Kimiu gin vora mulei, i rahuan gara geki nu hav mai tehe nin ginau be nu mate, take nin ginau be mwa hav mate te dumwi. Kimiu gin vora mulei sivi roroi non God be mwa du rahurahu.

1 Pita 1:3

Uloi roroai lalai God i Tata non nonda Ratahigi Jisas Kraes. Lol ihan God lavoa sine hagavi kea nu lolia be tav vora mulei vai lol doronhohov lol rahuan n̄ava, bwatuna be Jisas Kraes nu tomare nin mateana.

1 Pita 3:18

Kraes sibona nu ron̄ ḡagarasi huri Vuro vatuvwa n̄an huri sinombu duluai. Kea nu hav matagu tehe be vi lai kimiu vai aben God. Rebehina nu wehiana, take kea nu rahu alolon vui.

2 Pita 1:4

Sivi ginau kera geki nu lai lalai gida ira tatauleo Wasi i tavuha. Mai hogoi kera geki kimiu giv betea i giv kun God, i ureure sihav lol te dum hantai kimiu mai non doroniv bwatigoro.

1 Jon 2:1

Ira nituku nam ravae geki huria be gisav vuroga tehe. Take be tas vuroga, Jisas Kraes atat vavtutu mwa du la lolmatan God huri gida. Kraes kea nonda tataroi gabe mwa lai dagai vuroda i vuron sinombu duluai lol ureure.

1 Jon 3:5

Gim iloe be Kraes nu mai be vi lai dagai vuron sinombu. I vuro vwate sigai aluna.

1 Jon 3:7

Giv gitaḡoro be ata dodolua rasav saruruhi te kimiu. Ihei gabe mwa lalaḡo bavtutu, kun gabe Kraes kea atat vavtutu.

1 Jon 4:7

Ira noḡu buluana, tav lolotabetabe gida bwatuna be lolotabetabe mwa mai nin God. Mahavana be tam lolotabetabe gida, i be gida tam dabetabe gida, gida ira nitun God i tam ilo God.

1 Jon 5:1

Be tas vinihi mwasigi be Jisas kea Kraes mwasigi, gida ira nitun God. Bwatuna be ira hei be ram dabe Tata, ram dabe Nitui mulei.

1 Jon 5:18

Gida tam iloe be mwa hav vora te ira nitun God gabe ram buroga tagaro. Mwasin nitun God mwa du ḡorora, i setan sihav lol te dumwira.

1 Jon 5:4

Ira nitun God duluai ram muramura nin kalkaliana, i nonda binihimwasigi garagusi haḡea be mwa lai muramura geki lalai gida.

3 Jon 1:11

Tuaku gosav huri te havanau be nu hantai; gov huri hano be nu tavuha. Atatu be mwa lalaḡo tavuha kea bilan God. Take atatu be mwa hav lalaḡo te tavuha mwa hav ilo te hohoi God.